Medhetethi 2:25 - ጌሻ ማፃፋ

²⁵ አዳመይነ ሄዋና ናምአይካ ፅረ ካሎ ደኦሶና፤ ሽን እሶይ እሱዋስ ዬላቶኮና።

Geeshsha Maxaafa

²⁵ Addaameynne Hewaanna nam7ayka xire kallo de7oosona; shin issoy issuwas yeellatokona.

Medhetethi 2:25 Referans Kwoze

Medhetethi 3:7

ኤንቲ ም ስሚድ፥ ናምአይካ አኬካ ደምዶሶና። ኤንቲ ፅረ ካሎ ደኤይሳ ኤርዶሶና። ሄሳ ግሾ ባላሰ ም ሀይ ስክድ ዳንጭዶሶና።

Roome 10:11

ጌሻ ማፃፋይ፥ “እያን አማንያ ኦንካ ዬላተና” ያጌስ።

Iyyu7eela 2:26

ህንተ ምን ካልስድ ፓላህያ ካ ዳና፤ ማላልስያባ ህንተዉ ኦዳ ጎዳ። ህንተ ፆሳ ሱን ጋላታና፤ ታ አሳይ ዛሪድ ዬላተና።

Ermiyaasa 17:13

አቤት ጎዳዉ፥ እስራኤለ ኡፋይሳዉ፥ ነና አግዳ ኡባይ ዬላታና። ደኦ ፑልቶ ሃ፥ ነና ጎዳ ኤንቲ አግዳ ግሾ ባናን ፃፈትዳ ሱንዳ ያና።

Isayaasa 47:3

ነ ካሎይ ቃረታና፤ ነ ፖኮይ በንታና። ታኒ ሀሎ ከያና፤ ኦደስካ ቃትከ” ያጌስ ጎዳይ።

Luqaasa 9:26

ኦንካ ታናንነ ታ ቃላን ዬላትኮ፥ አሳ ናእ ባ ቦንቹዋራ ሄሳዳካ አዋ ቦንቹዋራነ ጌሻ ኪታንቾታ ቦንቹዋራ ያ ዎደ እያን ዬላታና።

Hizqeela 16:61

ነ ባይራነ ነ ካሎ ምቸታ ታ ኔኮ ኤህያ ዎደ ኔኒ ነ ሄመ ሀሳያዳ ዬላታና። ሽን ሄስ ታ ኔራ ጫቅዳ ጫቁዋ መላ ግዶና እፅኮካ፥ ታ ኤንታ ነዉ ናአ ኦዳ እማና።

Isayaasa 54:4

“ያዮፋ፤ ኔኒ ዬላታካ፤ ዳጋሞፋ፤ ኔኒ ካዉያካ። ነ ያላጋተ ዬላ ኔኒ ዶጋና፤ ነ አምኤተ ቦርያ ህዛፐ ጉየ ሀሳያካ።

Mazmure 25:3

ነናን ኡፋይስ ኦይሳት ዬላቶኮና፤ ሽን ጋሶይ ባይና ገነይሳት ዬላታና።

Kessa 32:25

አሮን አሳ ጮ የድ አግን፥ አሳይ ባ ሞርከታ ስንን ካዉይድ፥ ካትዳይሳ ሙሰይ በእስ።

Marqoosa 8:38

ፆሳ አማኖና ሀ ኢታ የለተን፥ እስ አስ ታናንነ ታ ቃላን ዬላትኮ፥ አሳ ናአይ፥ ቃስ ባ አዋ ቦንቾን ጌሻ ኪታንቾታራ ያ ዎደ እያን ዬላታና” ያግስ።

Ermiyaasa 6:15

ኤንቲ ሀ ሻትያ ኦሱዋ ኦድ ዬላትዶና? አካይ፥ ኤንቲ ኩመ ዬላትቦኮና፤ ኤንቲ ዬል አይበኮ ኤሮኮና። ሄሳ ግሾ፥ ኤንትካ ኩንድዳይሳታ ግዶን ኩንዳና። ታኒ ኤንታ ሴርያ ዎደ ኤንታ ካዉሻና” ያጌስ ጎዳይ።

Isayaasa 44:9

ኤቃ ምስለታ መያ ኡባይ ሀዳ፤ እያን ኡፋይትያባት ኤንታ ጎኦኮና። ኤንታ ማርካት ቆቀታ ኤንታዉ ኤር ባዋ፤ ኤንቲ ዬላታና።

Mazmure 31:17

አቤት ጎዳዉ፥ ታ ነና ፄግያ ግሾ፥ ታና ዬላዮፓ። ሽን ኢታት ዬላቶ፤ ዱፎን ገልድ ስእ ጎ።