Medhetethi 17:7 - ጌሻ ማፃፋ

⁷ ታኒ ነዉነ ኔፐ ጉየን ነ ሼሻስ ፆሰ ግዳና መላ መርና ጫቁዋ ታ ግዶንነ ነ ግዶን፥ ኔፐ ጉየራ ያ ነ ሼሻ ግዱዋን፥ የለተፈ የለተ ጋካናስ ታ ጫቃስ።

Geeshsha Maxaafa

⁷ Taani newunne neepe guyen ne sheeshas Xoosse gidana mela merina caaquwa ta giddoninne ne giddon, neepe guyera yaa ne sheesha giddon, yeletethafe yeletetha gakanaw ta caaqas.

Medhetethi 17:7 Referans Kwoze

Medhetethi 26:24

ሄ ብዳ ጋላስ ቃማ ጎዳይ እያዉ ቆንጭድ፥ “ታኒ ነ አዋ አብራሃመ ፆሳ፥ ታኒ ኔራ ደእያ ግሾ፥ ባቦፋ። ታ አይልያ አብራሃመ ግሾ ታኒ ነና አንጃና፥ ነ ሼሻካ ዳርሳና” ያግስ።

ሃዋሬታ ኦሱዋ 2:39

ጋሶይካ ፆሳይ እማና ግዳ ኡፋይሳ ቃላይ ህንተዉ፥ ህንተ ናይታስነ ጎዳይ ኑ ፆሳይ ባኮ ፄግያ ሃሆን ደእያ ኡባሳ” ያግስ።

Medhetethi 15:18

ሄ ጋላስ ጎዳይ አብራመስ፥ “ግብፀ ሻፋፐ ዶምድ ኤፍራፂሳ ሻፋ ጋካናዉ ደእያ ቢታ ኡባ ታኒ ነ ሼሻስ እማና።

Ibraawe 8:10

ሽን ህዛፐ ጉየ እስራኤለ አሳራ ታ ጫቃና ጫቆይ ሀይሳ ያጌስ ጎዳይ። ታኒ ታ ህግያ ኤንታ ጉግያን ዎና፤ ኤንታ ዎዛናን ፃፋና። ታኒ ኤንታ ፆሳ ግዳና፤ ኤንትካ ታ አሰ ግዳና።

Ibraawe 11:16

ሽን ሀእ አድ ሎእያ ሳሎ ቢታ ላሞቶሶና። ሄሳ ግሾ፥ ፆሳይ ኤንታዉ ካታማ ጊግስዳ ግሾ፥ “ኤንታ ፆሳ” ጌተትድ ፄገታናዉ ዬላተና።

Leeweta 26:12

ታኒ ህንተ ግዶን ሄመታና፤ ህንተ ፆሳ ግዳና፤ ህንተ ታ አሰ ግዳና።

Medhetethi 28:13

ሄ ኮዱዋስ ፄራን ጎዳይ ኤቅድ፥ “ታኒ ጎዳ፥ ነ አዋ አብራሃመ ፆሳ፥ ይሳቃ ፆሳ፥ ሀ ኔኒ ዝንእዳ ቢታ ነዉነ ነ ሼሻስ እማና።

Roome 9:4

ኤንቲ እስራኤለታ፥ ፆሳይ ኤንታ ባ ናይታ ኦስ፥ ባ ቦንቹዋ ኤንታዉ ቆንጭስስ። ኤንታራ ጫቅስ፤ ህግያ ኤንታዉ እሚስ። ኤንቲ ፆሳ ጎይናና ቱማ ኦግያ በስስ፤ ፆሳይ ኡፋይሳ ቃላ ኤንታዉ እሚስ።

Marqoosa 10:14

የሱሲ ሄሳ በእድ፥ ባ ታማረታ ሀንቀትድ፤ ኤንታኮ፥ “ጉ ናይት ታኮ የይሳ ድጎፍተ፤ ፆሳ ካዎተይ ሀይሳታ መላሳ።

Maatosa 22:32

ፆሳይ፥ ‘ታኒ አብራሃመ ፆሳ፥ ይሳቃ ፆሳ፥ ያይቆባ ፆሳ’ ያግስ። ሄሳ ግሾ፥ ፆሳይ ፓፃ ደኤይሳታ ፆሳፈ አትሽን፥ ሀይቅዳይሳታ ፆሳ ግደና” ያግስ።

Mikiyaasa 7:20

ኔኒ በን ኑ ማይዛታስ ጫቅዳ ጫቁዋዳ አብራሃመነ ያይቆባ ዛረ ግድዳ ነ አሳስ ነ አማነተነ ነ መርና ሲቁዋ በሳና።

Hizqeela 28:26

ያን ኤንቲ ሳሮነ ናገትድ ዳና፤ ኬ ኬፃና፤ ዎይነ ቶካና። ኤንታ ካድ ፄልያ ኤንታ ሾሮታ ኡባ ታኒ ፕርድያ ዎደ እስራኤለ አሳይ ሳሮ ዳና። ታኒ ጎዳ ኤንታ ፆሳ ግደይሳ ኤንቲ ሄ ዎደ ኤራና” ያጌስ ኡባ ሃርያ ጎዳይ።

Kessa 6:4

ቃስ ታኒ ኤንቲ በተተን ደእዳ ካናነ ቢታ እማና ጋዳ ኤንታራ ጫቃስ።

Kessa 3:15

ፆሳይ ዛሪድ፥ “ኔኒ እስራኤለታ ጎዳይ ህንተ አዋታ፥ አብራሃመ፥ ይሳቃነ ያይቆባ ፆሳይ፥ ታና ህንተኮ ኪትስ። ሀይስ ታ መርና ሱን፤ ያና የለተ ኡባይ ሀ ሱንን ታና ፄጋና።

Kessa 3:6

ጎዳይ እያኮ፥ “ታኒ ነ አዋታ፥ አብራሃመ፥ ይሳቃነ ያይቆባ ፆሳ” ያግስ። ሙሰይ ፆሳ ባአናዉ ያይዳ ግሾ፥ ባ ሶምኡዋ ካምስ።

Efesoona 2:2

ሄ ዎደ ህንተ ሀ አላምያ ኢታ ኦግያ ካልደታ። ጫርኩዋ ቦላ ደእያ አያና ዎልቃታ ሀላቃስነ ሀእካ ፆሳስ ኪተቶና አሳ ሃርያ አያናስ ኪተትደታ።

Mazmure 81:10

ግብፀ ቢታፈ ህንተና ከስዳ፥ ታኒ ጎዳ ህንተ ፆሳ፤ ነ ዶና ሎይዳ ሀካንካ፤ ታኒ እያን ኩንና።

Medhetethi 6:18

ሽን ታኒ ታ ጫቁዋ ኔራ ጫቃና። ኔኒ፥ ነ ማችዉ፥ ነ አደ ናይታነ ኤንታ ማቸታ ኤካዳ ማርካብያ ግዶ ገላ።

Medhetethi 17:13

ነ ሶን የለትዳይሳታ ግድን ዎይኮ ሚሸን ሻመትዳይሳት ቃፃረታናዉ በሴስ። ሀይሳን ህንተ አሹዋን ደእያ ታ ጫቆይ መርና ጫቆ ግዳና።

Medhetethi 17:19

ሽን ፆሳይ፥ “አካይ፥ ነ ማችያ ሳራ ነዉ አደ ናአ የላና፥ ኔኒ እያ ይሳቃ ጋዳ ሱንና። ታኒ እያፐ ጉየራ ያ እያ ዘረስ መርና ጫቆ ግዳና መላ እያራ ታ ጫቁዋ ጫቃና።

Kessa 6:7

ታኒ ህንተና ታ ደረ ኦና፤ ታኒ ህንተ ፆሳ ግዳና። ግብፀ አይለተፈ ታኒ ህንተና ከስዳ ዎደ፥ ታኒ ጎዳ ህንተ ፆሳ ግደይሳ ህንተ ኤራና።

Leeweta 11:45

ታኒ ህንተዉ ፆሰ ግዳናዉ ህንተና ግብፀ ቢታፈ ከስዳ ህንተ ጎዳ። ሄሳ ግሾ፥ ታኒ ጌሽ ግድያ ግሾ፥ ህንተካ ጌሽ ግድተ።

Leeweta 25:38

ህንተዉ ካናነ ቢታ እማናዉነ ህንተ ፆሳ ግዳናዉ፥ ህንተና ግብፀ ቢታፈ ከስዳ፥ ታኒ፥ ጎዳ ህንተ ፆሳ።

Leeweta 26:9

ታኒ ህንተና ማሮታ አይፈን በአና፤ ህንተና አይፍሳና፤ ህንተና ዳርሳና፤ ታኒ ታ ጫቁዋ ህንተራ ምንና።

Leeweta 26:45

ታኒ ኤንታ ፆሳ ግዳናዉ፥ ካዎተት ፄልሽን፥ ግብፀ ቢታፈ ከስዳ ኤንታ ማይዛታራ ታኒ ጫቅዳ ጫቁዋ ኤንታ ግሾ ሀሳያና። ታኒ ጎዳ።

Zaaretho 29:13

ጎዳይ ህንተና ባ አሰ ኦድ ምንና፤ ህንተዉነ ህንተ ማይዛታስ፥ አብራሃመስ፥ ይሳቃስነ ያይቆባስ ጫቅዳይሳዳ እ ህንተዉ ፆሰ ግዳና።

አይሰይሳታ 2:1

ጎዳ ኪታንቾይ ጋልጋላፐ ቦክማ ብድ፥ እስራኤለ አሳኮ ሀይሳዳ ያግስ፤ “ታኒ ህንተና ግብፀፈ ከሳዳ በን ህንተ ማይዛታስ እማና ጋዳ ጫቅዳ ቢታ ህንተና ገልሳዳ፥ ‘ታኒ ህንተራ ጫቅዳ ጫቁዋ መንከ፤

Isayaasa 61:8

“ታኒ፥ ጎዳይ ሱረ ፕርዳ ዶሳይስ፤ ቦንቀነ ኢታ ኦሶ እፃይስ። ታኒ ቱማ ኤንታ ኦሱዋ ጋትያ ቃንፃና፤ ታኒ ኤንታራ መርናዉ ጫቃና።

Ermiyaasa 31:1

“ሄ ዎደ ታኒ እስራኤለ ዘረ ኡባስ ፆሰ ግዳና፤ ኤንትካ ታ አሰ ግዳና” ያጌስ ጎዳይ።

Medhetethi 9:16

ዙል ሻራን ኤቅዳ ዎደ ታ እያ በአዳ ታፐነ ሳአ ቦላ ደእያ ዱማ ዱማ መተ ኡባፈ ግዶን ጫቅዳ መርና ጫቁዋ አኬካና” ያግስ።

Leeweta 26:44

ግዶሽን፥ ኤንቲ ባንታ ሞርከታ ቢታን ደእዳ ዎደ ኩመ ያና ጋካናዉ ኤንታራ ደእያ ታ ጫቁዋ መንከ፤ ኤንታ የግከ። ታኒ፥ ጎዳ ኤንታ ፆሳ።

2 Sameela 7:24

ነ አሳ እስራኤለ መርናዉ ነባ ኦዳሳ፤ ምንዳሳ። አቤት ጎዳዉ፥ ነ ኤንታ ፆሳ ግዳዳሳ።

1 Taarike 16:14

እ ጎዳ ኑ ፆሳ፤ እያ ፕርዳይ ቢታ ኡባ ቦላና።