Medhetethi 17:1 - ጌሻ ማፃፋ

¹ አብራመስ ላይ ኡዱፉን ታማነ ኡዱፉና ግድያ ዎደ፥ ጎዳይ እያዉ ቆንጭድ፥ “ታኒ ኡባ ዳንዳእያ ፆሳ፥ ታዉ ኪተታ፥ ታ ስንን ፖሎ ግዳ።

Geeshsha Maxaafa

¹ Abrames laythi uddufun tammanne uddufuna gidiya wode, Goday iyaw qoncidi, “Taani Ubbaa Danda7iya Xoossa, taw kiiteta, ta sinthan polo gida.

Medhetethi 17:1 Referans Kwoze

ፍልጵስዩሳ 4:13

ክርስቶስ ታዉ እምያ ዎልቃን ኡባባ ኦናዉ ዳንዳአይስ።

Efesoona 3:20

ህዛ፥ ኑ ግዶን ኦያ ባ ዎልቃ ባጋራ ኑኒ ዎሰይሳፈ ዎይኮ ቆፐይሳፈ አድ ኦናዉ ዳንዳእያ ፆሳስ፥

Medhetethi 6:9

ኖሄ ታርከይ ሀይሳፈ ካልድ ፃፈትዳይሳ። ኖሄይ ባ ዎደ ደእያ አሳ ግዶፈ ፆሳ ኡፋይስያነ ሱረ አስ።

Luqaasa 1:6

ናምአይካ ጎዳ ዎጋነ ኪታ ኡባ ናግድ ቦረይ ባይና ፆሳ ስንን ፅሎተን ደእዶሶና።

Mazmure 116:9

ታኒ ደኦን ደኤይሳታ ግዶን፥ ጎዳ ስንን ሄመታይስ።

Maatosa 5:48

ህዛ፥ ሳሎን ደእያ ህንተ አዋይ ፖሎ ግዶይሳዳ ህንተካ ፖሎ ግድተ።”

Isayaasa 38:3

“አቤት ጎዳዉ፥ ታኒ ነ ስንን ቱማተንነ ኩመ ዎዛናን ሄመትዳይሳነ ነና ኡፋይስያባ ኦዳይሳ ሀሳያ” ያግድ ጫመትድ ዬክስ።

Iyyoba 1:1

ኡፀ ቢታን እዮባ ጌተትያ እስ አስ ደኤስ፤ እ ቦረይ ባይና አስ፥ ሱረ አስ፥ ፆሰ ያይያነ ኢታባፐ ሃክዳ አስ።

Medhetethi 18:14

ጎዳስ ዳንዳኤቶናባይ ቱማ ደእዬ? ታ ነዉ ግዳይሳዳ ዎንቶ ላይ ሀኖደ ታ ስማዳ ያና፤ ሄ ዎደ ሳራ አደ ናአ የላና” ያግስ።

Zaaretho 18:13

ሽን ነኒ ጎዳ ነ ፆሳ ስንን ቦረይ ባይናይሳ ግዳ።

Maatosa 19:26

የሱሲ ኤንታ ጫድ ፄልድ፥ “ሀይስ አሳስ ዳንዳኤተና፥ ሽን ፆሳስ ኡባይ ዳንዳኤቴስ” ያግስ።

Ermiyaasa 32:17

“አቤት ኡባ ሃርያ ጎዳዉ፥ ነ ሳሎታነ ሳኣ ነ ግታ ዎልቃንነ ነ ምጨትዳ ኩሸን መዳሳ። ነዉ ዳንዳኤቶናባይ ባዋ።

Medhetethi 28:3

ኡባ ዳንዳእያ ፆሳይ ነና አንጆ፥ እ ነዉ ናይታ እሞ፥ ዳሮ ደረ ግዳና ጋካናስ እ ነና ዳርሶ።

2 Kawota 20:3

“አቤት ጎዳዉ፥ ታኒ ነ ስንን ቱማተን፥ ኩመ ዎዛናን ሄመትዳይሳነ ነና ኡፋይስያባ ኦዳይሳ ኔኒ ቆፓና መላ ታኒ ነና ዎሳይስ” ያግድ፥ ዳሮ ጫመትድ፥ ዬክድ ዎስስ።

1 Kawota 3:6

ሶሎሞነይ፥ “ነ አይለይ፥ ታ አዋይ ዳዊቲ ነዉ አማነትዳ፥ ፅሎነ ሱረ አስ ግድዳ ግሾ፥ ኔኒ እያ ዶሳዳሳ። ኔኒ ሀ ኬሀተን፥ ሀች እያ አራታን ኡትያ አደ ናኣ እያዉ እማዳሳ።

Mikiyaasa 6:8

አሳ ናኦ፥ ጎዳይ ነዉ ሎኦባ ኦድ ዎስ። ጎዳይ ኔፐ ኮየይ አይቤ? ኔኒ ሱረ ፕርዳና መላ፥ ማሮታ ዶሳና መላነ አሽከተን ነ ፆሳራ ዳና መላ ግደኔ?

Medhetethi 35:11

ቃስ ፆሳይ ያይቆባ፥ “ታኒ ኡባ ዳንዳእያ ፆሳ። ኔኒ የለታ፥ ዳራ። ደረይነ ካዎተት ኔፐ ከዮ። ካዎትካ ነ ጉልባታፐ ከዮ።

Ibraawe 7:25

ሄሳ ግሾ፥ እ ኡባ ዎደ ኤንታ ግሾ ጋናታናዉ መርናዉ ደእያ ግሾ ፆሳኮ እያ ባጋራ የይሳታ ፖሎ አሻናዉ ዳንዳኤስ።

Ibraawe 12:28

ኑኒ ቃፃናዉ ዳንዳኦና ካዎተ ኤክያ ግሾ ፆሳ ጋላቶስ፤ ፆሳ ኡፋይስያ ኦገን ቦንቾንነ ያሻተን እያ ጎይኖስ።

ሃዋሬታ ኦሱዋ 24:16

ሄሳ ግሾ፥ ታኒ ፆሳ ስንንነ አሳ ስንን ኡባ ዎደ ሎኦ ካህ ታዉ ዳና መላ ምናይስ።

Medhetethi 48:15

ሄሳፈ ጉየ፥ ያይቆብ ዮሰፋ ሀይሳዳ ያግድ አንጅስ፤ “ታ አዋት አብራሃመይነ ይሳቅ፥ እያ ስንን ደእዳ ፆሳይ፥ ታ ደኦ ኡባን ሀች ጋካናዉ ታና ሄምዳ ፆሳይ ነና አንጆ።

Medhetethi 12:1

ጎዳይ አብራመኮ፥ “ነ ቢታፈ፥ ነ ደርያፐ፥ ነ ሶ አሳፐ፥ ሻከታዳ ታ ነና በሲያ ቢታ ባ።

Medhetethi 5:24

ፆሲ እያ ባኮ ኤክዳ ግሾ ስሚድ በንትቤና።

ሃዋሬታ ኦሱዋ 23:1

ጳዉሎስ ሺቁዋ ጫድ ፄልድ፥ “ታ እሻቶ፥ ታኒ ሀች ጋካናዉ ፆሳ ስንን ታ ደኦ ኡባን ሎኦ ዎዛናን ደአስ” ያግስ።

Mazmure 115:3

ኑ ፆሳይ ሳሎን ደኤስ፤ ባ ዶስዳባ ኡባ ኦስ።

Iyyoba 11:7

“ጪሞ ግድዳ ፆሳ ፁራ ኤራናዉ ዳንዳአይ? ዎይኮ ኡባ ዳንዳእያ ፆሳባ ፕልጋዳ ጋካናዉ ዳንዳአይ?

1 Kawota 2:4

ጎዳይ፥ ‘ነ ኮቻት ባንታ ደኡዋን ናገትድ ደእኮ፥ ኤንቲ ታ ስንን ባንታ ኩመ ዎዛናፐነ ባንታ ኩመ ሸምፑዋፈ አማነትድ ሄመትኮ፥ እስራኤለ አራታን ኡትያ አስ ነዉ የና’ ” ያግዳ ኡፋይሳ ቃላ ታዉ ፖላና።

Zaaretho 10:17

ጎዳይ፥ ህንተ ፆሳይ ፆሳታ ፆስነ ጎዳታ ጎዳ። እ ግታ ፆሲ፤ እ ዎልቃማነ ያሽያ ፆሲ። እ ሶምኦ በእድ ፕርደና፤ ዎፈ ኤከና።

Taybo 11:23

ያትን፥ ጎዳይ ሙሰኮ፥ “ጎዳ ኩሸይ ቃንዬ? ታኒ ነዉ ኦድያባይ ቱሜኮነ ዎርዶኮ ኔኒ ሀእ በአና” ያግስ።

Kessa 6:3

ታኒ አብራሃመስ፥ ይሳቃስነ ያይቆባስ ኡባ ዳንዳእያ ፆሳ ግዳዳ ቆንጫስ። ሽን ታኒ፥ ‘ጎዳ’ ጌተትያ ታ ሱንን ታናተ ኤንታ ኤርሳብከ።

Medhetethi 18:1

አብራሃመይ ማምረ ግታ ምታ ጋርሳን ባ ዱንካንያ ፐንገን ሴታ ጋላስ ኡትዳሽን ጎዳይ እያዉ ቆንጭስ።

Medhetethi 12:7

ፆሳይ አብራመስ ያን ቆንጭድ፥ “ሀ ቢታ ታኒ ነ ሼሻስ እማና” ያግስ። እካ ባ ቆንጭዳ ጎዳስ ሄ በሳን ያርሾ በሲ ጊግስስ።

Daanela 4:35

ሳአን ደእያ አሳ ኡባይ እያ ስንን ላፋባ። ሳሎ መተታ ቦላነ ሳአን አሳ ቦላ እ ዶስዳባ ኦስ። እያ ኩሽያ ተቃናዉ ዳንዳኤይ ባዋ፥ እያ፥ ‘አይ ኦይ?’ ያግድ ኦይቸይ ዴና።

1 Kawota 8:25

“ሀእካ ጎዳዉ፥ እስራኤለ ፆሳዉ፥ ኔኒ ነ አይልያስ፥ ታ አዋ ዳዊታስ፥ ‘ኔኒ ታ ስንን ሄመትዳይሳዳ ነ ናይትካ ታ ስንን ሄመትድ ባንታ ኦግያ ናግኮ፥ ታ ስንን እስራኤለ ካዎተ አራታን ኡትያ አስ ኔኒ ያካ’ ያግዳ ቃላ ፖላ።

Medhetethi 16:16

አጋራ አብራመስ እስማኤላ የልያ ዎደ አብራመስ ላይ ሆስፑን ታማነ ኡሱፑና።

Medhetethi 5:22

ማቱሳላ የልዳፐ ጉየ፥ ሄኖከይ 300 ላይ ፆሰ ኡፋይስያ ደኦ ደእስ። ሀራ አደ ናይታነ ማጫ ናይታ የልስ።

Medhetethi 24:40

እካ፥ ታኒ እያ ስንን ኪተትዳ ጎዳይ ባ ኪታንቹዋ ኪታና፤ ኔኒ ታ ናኣስ ታ አዋ አሳፐ፥ ታ ኮቻፈ ማቾ ደማና መላ፥ ነ በይሳካ እንጀያና።

Medhetethi 26:2

ጎዳይ ይሳቃስ ቆንጭድ “ግብፀ ቢታ ዱገ ቦፓ፥ ታኒ ነዉ ኦድዳ ቢታን ደአ።

Medhetethi 43:14

እ ሀንኮ ህንተ እሻነ ብንያመ ህንተራ የዳና መላ ኡባ ዳንዳእያ ፆሳይ ሄ ኡራይ ህንተዉ ቃታናዳ ኦ። ታና ግድኮ፥ ታ ናይታፐ መላ አትኮካ አታስ” ያግስ።

Medhetethi 46:3

ፆሳይ እያኮ፥ “ታኒ ፆሳ፥ ነ አዋ ፆሳ፤ ኔኒ ግብፀ ባናዉ ባቦፋ። ታ ነ ሼሻ ያን ግታ ደረ ከሳና።

Zaaretho 30:20

ጎዳ ነ ፆሳ ዶሳ፤ እያ ቃላ ስአ፥ እያዉ ኪተታ፤ እያራ ኦይከታ። ሄሳዳ ሀንኮ፥ ጎዳይ ካሰ ነ ማይዛታስ፥ አብራሃመስ፥ ይሳቃስነ ያይቆባስ እማናዉ ጫቅዳ ቢታን ነነ ነ ሼሻይ አዱሳ ላይ ዳና።

Mazmure 25:14

ጎዳይ ያየይሳታስ ባ ፁራ ገንና፤ እ ኤንታዉ ባ ጫቁዋ ኤርሴስ።

Medhetethi 48:3

ያይቆብ ዮሰፋ፥ “ኡባ ዳንዳእያ ፆሳይ ካናነ ቢታን ሎዛ ካታማን ታዉ ቆንጭድ፥ ታና አንጅስ።

Taybo 24:16

ሀይስ ፆሳይ ግያባ ስኤይሳ ትንብትያ፥ ኡባ ዳንዳእያ ፆሳፈ ግድዳ ኤራተ ደእያ ኡራይ። ልች ግድ ሶምኦራ ጉፋንን፥ እያ አይፈይ ዶየትዳይስነ ኡባ ዳንዳእያ ፆሳ ቆንጨ በኤይሳ ትንብተይ ሀይሳ።

Leemiso 10:9

ሱረ አስ ሳሮ ደኤስ፤ ሽን ጌላ አስ ባ ጎመን ኦይከቴስ።