4 ነ ኬን ደኤይሳትነ መርናዉ ነና ሳበይሳት አንጀትዳይሳታ። ሳላሀ
4 Ne keethan de7eysatinne merinaw nena sabbeysati anjetidaysata. Salaha
ነ ዶርዳይሳትነ ነ ዳባባን ዳና መላ ኔኮ ሺሽዳ አስ አንጀትዳይሳ። ኑኒ ነ ሶን፥ ነ ጌሻ ዱንካንያን ደእያ ሎኦባን ካሎስ።
ነ ኬሀተይነ ነ ማሮተይ ታ ደኦ ላይ ኡባን ታና ካላና፤ ታኒ ጎዳ ኬን መርናዉ ዳና።
ታ ጎዳ እስባ ኦይቻስ፤ ሄስካ፥ ታ ደኦ ላይ ኡባን ጎዳ ኬን ደአናሳ፤ ጎዳ ሎኦተ በአናሳነ እያ ኬን እያ ኮያናሳ።
ጋላሳ ኡባን ታ ዶናይ ነ ጋላታንነ ነ ቦንቹዋን ኩምስ።
ታ ሸምፐ አይስ አዛናይ? አይስ ኡንኤታይ? ፆሳን ኡፋይስ ዎ፤ ታና አሽያ፥ ታ ፆሳ ታ ቡሮ ጋላታና።
ታኒ ታ ዶናን ጎዳ ጋላታና፤ መተ ኡባይ እያ ጌሻ ሱን መርናዉ ጋላቶ!
ነ ኦዳባ ታ ታይባናዉ ፆነትኮካ፥ ታ ዶናይ ጋላስ ኡባን ነ ፅሎተነ ነ አቶተባ ኦዳና።
ሄሳ ግሾ፥ ኤንቲ ፆሳ አራታ ስንን ግድድ ቃማነ ጋላስ እያ ኬን ኦሶና፤ አራታ ቦላ ኡትዳይስ ኤንታዉ ኩያ ግዳና።
ታ ሸምፐ፥ አይስ አዛናይ? አይስ ኡንኤታይ? ነ ፆሳን ኡፋይስ ዎ፤ ታና አሽያ፥ ታ ፆሳ ታኒ ቡሮ ጋላታና።
አቤት ጎዳዉ፥ ዎንታ ዎንታ ታ ቃላ ስኣሳ። ዎንታ ዎንታ ታ ዎሳ ነ ስን ሺሻይስ፤ ታ ነ ዛሩዋ ናጋይስ።