2 ፆሳ ሱንስ ቦንቾን የፅተ፤ ቦንቾ ጋላታ እያዉ እምተ።
2 Xoossaa sunthaas bonchon yexite; boncho galataa iyaw immite.
ሄሳፈ ጉየ፥ ሳአን፥ ሳሎን፥ ሳአፐ ጋርሳንነ አባ ግዶን ደእያ መተ ኡባይ፥ “አራታ ቦላ ኡትዳይሳስነ ዶርሳስ፥ ጋላታይ፥ ቦንቾይ፥ ሳብነ ዎልቅ፥ መር መርናዉ ግዶ” ያግድ የፅሽን ስአስ።
ህንተኖ ሳሎቶ፥ ኡፋይሳን የፅተ፤ ነኖ ቢታዉ ኡፋይታ። ህንተኖ ደረቶ፥ እልልተ! ጎዳይ ባ አሳ ምንስ፤ ባ መቶተትዳ ባ አሳስ ቃትስ።
ኤንቲ ቦንቾ ጎዳስ እሞ፤ እያ ጋላታ ዩሾይ አባን ተቀትዳ ቢታታን ኦዶ።
ኤንቲ እያዉ ጋላታ ያርሾ ሺሾ፤ ኡፋይሳ የን እያ ኦሱዋ ኦዶ።
ሌወት፥ እያሱይ፥ ቃድምኤል፥ ባን፥ አሳባን፥ ሳራብ ሆድ፥ ሳባንነ ፓታህ፥ “ደንድ ኤቅድ፥ መርናፐ መርና ጋካናዉ ደእያ ጎዳ ህንተ ፆሳ ጋላትተ!” “እያ ቦንቾ ሱን አንጅተ፤ ጋላታፐነ አንጆፈ አያ እያ ሱን ሳቢተ።”
እያ ሲቁዋ ግሾነ እ ኤንታዉ ኦዳ ማላልስያ ኦሱዋ ግሾ ኤንቲ ጎዳ ጋላቶ።
ጎዳይ ኦዳ ዎልቃማ ኦሶ ኦዳናዉ፥ ዎይኮ እያ ጋላታ ኡባ ቆንጭሳናዉ ዳንዳኤይ ኦኔ?
አቤት ኑና አሽያ ፆሳዉ፥ ነ ቦንቾ ሱን ግሾ ኑና ማዳ። ነ ሱን ግሾ ኑና አሻ፤ ኑ ናጋራ አቶ ጋ።
ማላልስያባ ባርካ ኦያ ጎዳይ፥ ፆሳይ እስራኤለ ፆሳይ ጋላተቶ።
ኤንቲ እሶይ እሱዋኮ፥ “ጌሻይ፥ ጌሻይ፥ ጌሻይ፥ ኡባፈ ዎልቃማ ጎዳ! ሳአ ኡባይ እያ ቦንቹዋን ኩምስ” ያጎሶና።
በንፐ ደእያ ሳሎታፐ ቦላራ በይሳስ፤ ባ ዎልቃማ ግርሳን ባ ጉን ስሰይሳስ የፅተ።