Mazmure 56:8 - ጌሻ ማፃፋ

⁸ ታ ዋይያ ታይባ፤ ነ ታ አፉ ማካዳሳ፤ ኤንቲ ነ ማዝጋብያን ደኦኮና?

Geeshsha Maxaafa

⁸ Ta waayiya tayba; ne ta afuthaa makadasa; enti ne mazgabiyan de7okona?

Mazmure 56:8 Referans Kwoze

2 Kawota 20:5

“ጉየ ስማዳ ባዳ ታ አሳ ካለያ ህዝቅያሳስ ሀይሳዳ ያጋዳ ኦዳ። ጎዳይ፥ ነ ማይዛ ዳዊታ ፆሳይ ሀይሳዳ ያጌስ፤ ‘ታኒ ነ ዎሳ ስአስ፤ ነ አፉ በአስ። ሄኮ፥ ታኒ ነና ፓና፤ ሄ ጋላሳፐ ጉየ፥ ኔኒ ፆሳ ኬ ባና።

Mazmure 39:12

ጎዳዉ፥ ታ ዎሳ ስአ፤ ታና ማዳናዉ ታ ዋሱዋ ሀይዛ። ታ አፉ በአዳ ስእ ጎፓ፤ ታኒ ታ አዋታዳ በተ አስነ እማ ግዳዳ ኔራ ደአይስ።

Milkiyaasa 3:16

ሄ ዎደ ጎዳስ ያየይሳት እሶይ እሱዋራ ኦደትዶሶና፤ ጎዳይካ ሀይዝድ ስእስ። ጎዳስ ያየይሳትነ እያ ሱን ቦንቸይሳት ዶገቶና መላ ኤንታ ሀሳይስያ ማፃፋይ እያ ስንን ፃፈትስ።

ዮሃኒሳ ቆንጬ 7:17

አራታ ግዶን ኡትዳ ዶርሳይ ኤንታ ሄማና። ደኦ ፑልቶ ሃኮ ኤንታ ካለና። ፆሳይ ኤንታ አይፈፐ አፉ ኡባ ቁቻና” ያግስ።

Mazmure 139:16

ነ አይፈት ጊጎና ታ አሳተ በእዶሶና። ቡሮ እሶይካ ዶመቶና ደእሽን፥ ነ ታዉ ቡዞይዳ ጋላሳ ኡባይ ነ ማዝጋበን ፃፈትዶሶና።

Maatosa 10:30

ሀር አቶሽን፥ ህንተ ሁጰ ብናናይካ ፓይደትድ ደኤስ።

Mazmure 121:8

ጎዳይ ነ ከሳነ ነ ገሉዋ፥ ሀችፈ መርናዉ ናጋና።

Ibraawe 11:13

ሄ አሳ ኡባይ ባንታዉ ጌተትዳ ኡፋይሳ ቃላ ኤኮና አማኖን ሀይቅዶሶና። ሽን ሃሆራ ሄሳ በእድ፥ ደምዳዳ ኦድ፥ ኡፋይሳን ኤክዶሶና። ቃስ ኤንቲ ሳአን እማነ በተ አስ ግደይሳ ኤርዶሶና።

Isayaasa 63:9

ኤንታ ዋየ ኡባ እ ዋየትስ፤ እያ ስን ኪታንቾይ ኤንታ አሽስ። እ ኤንታ ባ ሲቁዋንነ ባ ማሮታን ዎዝስ፤ ካሰ አዳ ዎደታ ኡባን እ ኤንታ ቶክስ።

Iyyoba 16:20

ታ ላገት ታና ካድ ፄሎሶና፤ ታ አይፈይ ፆሳ ስንን አፉ ትጌስ።

ዮሃኒሳ ቆንጬ 20:12

ሀይቅዳይሳት፥ ግታትነ ጉት አራታ ስንን ኤቅዳይሳታ በአስ፤ ማፃፋት ዶየትዶሶና፤ ቃስ ደኦ ማፃፋ ግድዳ ሀራ ማፃፍ ዶየትስ። ሀይቅዳይሳት ማፃፋን ፃፈትዳ ባንታ ኦሱዋዳ ፕርዳ ኤክዶሶና።

Ibraawe 11:38

ኤንታዉ ሀ አላመይ ጊጎና እፅን መላ ቢታን፥ ደረ ቦላ፥ ጎንጎሎንነ ኦላ ግዶን ዩይዶሶና።

1 Sameela 27:1

ዳዊቲ ባ ዎዛናን፥ “እስ ጋላስ ታኒ ሳኦላ ኩሸን ዳፋታና፤ ታኒ ፍልስፄመ ቢታ ባቃታናፐ አትሽን፥ ሀራባይ ታዉ ሎኤና። ያንኮ፥ ሳኦል እስራኤለ ቢታ ኡባን ታና ኮየይሳ አጋና፤ ታኒ እያ ኩሸፐ ከሳ ኤካና” ያግድ ቆፕስ።

1 Sameela 19:18

ዳዊቲ ከስ ኤክድ ራማን ደእያ ሳሜላኮ ብድ ሳኦል ባና ኦዳ ኡባ እያዉ ኦድስ። ዳዊትነ ሳሜል ናዮታ ብድ ያን ኡትዶሶና።

Ibraawe 11:8

አብራሃመይ ላታ ኦድ ኤካና ቢታ ባና መላ ፆሳይ እያ ፄግዳ ዎደ ሀር አቶሽን፥ እ አዉ ብያኮ ኤሮና እፅኮካ ኪተትዳይ አማኖና።

2 ቆሮንቶሳ 11:26

ታኒ ዳሮ ኦግያ ዳቡራን ሄመታስ። ክፃ ሃፈነ ፓንጋፈ አታስ። አይሁደትነ አይሁደ ግዶና አሳይ ታ ቦላ መቶ ጋዶሶና። ካታማይ፥ ባዞይ፥ አባይ፥ ታና ያሽስ፤ አማንያ ዳንያ አሳት ታና ዋይስዶሶና።

Ermiyaasa 18:23

ሽን አቤት ጎዳዉ፥ ኤንቲ ታና ዎናዉ ማቀተይሳ ነ ኤራሳ። ነ ኤንታ ኢታተ አቶ ጎፓ ዎይኮ ኤንታ ናጋራ ነ ስንፈ ቁቾፋ። ኤንቲ ነ ስንን ፆነትድ ኩንዶ፤ ነ ሸነትያ ዎደ ኤንታ ሀይሳዳ ኦ።