Mazmure 30:11 - ጌሻ ማፃፋ

¹¹ ታ ዬሁዋ የን ላማዳሳ፤ ካዮ ማኡዋ ታፐ ቃራዳ፥ ታና ኡፋይስ ማይዛዳሳ።

Geeshsha Maxaafa

¹¹ Ta yeehuwa yethan laammadasa; kayo ma7uwa taape qaarada, tana ufaysi mayzadasa.

Mazmure 30:11 Referans Kwoze

Ermiyaasa 31:4

ጌላኦ እስራኤለ፥ ታ ህንተና ዛራዳ ኬፃና፤ ህንተካ ኬፀታና። ኔኒ ካራቡዋ ዛራ ኦይካዳ፥ ኡፋይተይሳታራ ኔኒ የፃናነ ዱራና።

Isayaasa 25:8

እ መርናዉ ሀይቆ ምታና፤ ኡባ ሃርያ ጎዳይ አይፈ ኡባፈ አፉ ቁቻና፤ ባ አሳ ካዉሻ ቢታ ኡባፈ ድጋና። ጎዳይ ሀይሳ ኦድስ።

Erata 3:4

ዬካናዉ ዎደይ ደኤስ፤ ሚጫናዉ ዎደይ ደኤስ። ካዮታናዉ ዎደይ ደኤስ፤ የፃናዉ ዎደይ ደኤስ።

2 Taarike 20:12

አቤት ኑ ፆሳዉ፥ ነ ኤንታ ፕርድኪ? ኑና ኦላናዉ ይዳ ሀ ዳሮ ኦላንቾታራ ኦለታናዉ ኑስ ዎልቅ ባዋ። ኑኒ ኦናባ ኤሮኮ፤ ሽን ኑ አይፈት ነና ፄሎሶና” ያግስ።

Mazmure 149:3

ዱርሸ፥ ካራቦ ባቅሸ፥ ዲ ዲፅሸ እያ ሱን ሳቦ።

Mazmure 150:4

ካራቦ ባቅሸነ ዱርሸ እያ ጋላትተ፤ ዲ ዲፅሸ፥ ሱሱልኤ ፑንሸ እያ ጋላትተ።

Luqaasa 15:22

“እያ አዋይ አይለታ ፄግድ፥ ‘ኤለስድ ኡባፈ ሎኦ ግድዳ ማኦ ኤህድ እያ ማይዝተ፤ እያ ብራን ሳጋዮ፥ እያ ቶሆን ጫማ አተ።

Mazmure 30:5

እያ ሀንቆይ ጉ ዎደሳ፥ ሽን እያ ኬሀተይ ደኦ ላይ ኡባሳ። ቃማ ዬክሸ አቅኮ፥ ዎንታ ዛው ባይና ኡፋይስ ግዴስ።

2 Sameela 6:14

ዳዊቲ ሊኖፐ ኦሰትዳ ኤፉደ ማእድ፥ ባዉ ደእያ ዎልቃ ኡባን ጎዳ ስንን ዱርስ።

ዮሃኒሳ ቆንጬ 21:4

ፆሳይ ኤንታ አይፈፐ አፉ ኡባ ቁቻና። ህዛፐ ሀይቆይ ዎይኮ ካዮይ ዎይኮ ዋሶይ ዎይኮ ዋየይ ዴና። ጋልአይ ኡባይ አስ” ያግስ።

Isayaasa 61:3

ፅዮነን ካዮተይሳታስ፥ ብዶ ግሾ ካላቻ፥ ዬሆ ግሾ ኡፋይሳ ዛይተ፥ አዛኖ ግሾ ጋላታ ማኦ እማና መላ ታና ኪትስ። ኤንቲ ጎዳይ ባ ቦንቹዋስ ቶክዳ ፅሎ ም ጌተትድ ፄገታና።

Mazmure 4:7

ዳሮ ግስተፈነ ዎይነ ኡሻፈ ነ ታ ዎዛናን ዎዳ ግታ ኡፋይሳይ አስ።

Yohaanisa 16:20

ታኒ ህንተዉ ቱማ ኦዳይስ፤ ህንተ ዬካናነ አፉፃና፥ ሽን ሀ አላመይ ኡፋይታና። ሀእ ህንተ አዛናና፥ ሽን ህንተ አዛኖይ ኡፋይሳን ላመታና።

Isayaasa 61:10

ታኒ ጎዳን ዳሮ ኡፋይታይስ፤ ታ ሸምፕያ ታ ፆሳን ሀሹ ጋዉሱ። ኤከይስ ባ ሁጰን ካላቻ ዎይሳዳ፥ ገልያራ ባና አሌቅሰይሳዳ፥ እ ታና አቶተ ማኦ ማይዝስ፤ ፅሎተ አፍላ ቦላራ ጉጅስ።

2 Taarike 20:9

‘ኑ ቦላ ኢታ መቶይ ዎይኮ ኦል ዎይኮ ጋዶይ ዎይኮ ኮሽ ጋክኮ፥ ነ ሱንይ ደእያ ነ ኬ ስንንነ ነ ስንን ኤቅድ፥ ኑ መቱዋን ኔኮ ዋሳና። ነ ኑ ዋሱዋ ስአዳ ኑና አሻና’ ያግዶሶና።

Isayaasa 25:3

ሄሳ ግሾ፥ ምኖ አሳት ነና ቦንቻና፤ ዎዛና ምኖ ካዎተታ ካታማት ነዉ ያያና።

Astiro 9:22

ሄ ጋላሳት አይሁደት ባንታ ሞርከታፐ ሸምፖ ደምዳ ጋላሳታ። ቃስ ሄ አጌናይ ኤንታ አዛኖይነ ዬሆይ ኡፋይሳንነ ግብራ ሙሳን ላመትዳ አጌና። ሄሳ ግሾ፥ ኤንቲ ሙሳንነ ኡሻን ኡፋይትሸ፥ እሶይ እሱዋስነ ማንቆታስ ካ እሞታ እምሸ ቦንቻና መላ ኤንታዉ ኦድስ።

Nahime 8:10

ናህመይ፥ “ብድ ዶረትዳ ካ ሚተ፤ ማልእያ ኡሽ ኡይተ፤ ቃስ አይኮይ ባይናይሳታስ ህንተይሳፈ ሻክድ እምተ። ሀች ጋላሳይ ኑ ጎዳስ ጌሻ ጋላስ። ጎዳ ኡፋይሳይ ህንተዉ ዎልቃ ግድያ ግሾ አዛኖፕተ” ያግስ።

Medhetethi 45:28

እስራኤለይ፥ “ህዛ ታ አማነታስ። ታ ናኣ ዮሰፍ ሀኖ ጋካናስ ፓፃ ደኤስ። ታ ሀይቃናፐ ስን ባዳ እያ በአና” ያግስ።

Medhetethi 37:35

እያ አደ ናይትነ ማጫ ናይት ኡባይ እያ ምንናዉ ይዶሶና። ሽን እ ምነቶና እፅድ፥ “አካይ፥ ታኒ ዬሆይ ዬሆሽን ዱፎ ገላና” ያግድ፥ ዮሰፋስ ዬክስ።

2 Taarike 20:3

እዮሳፈፅ ያይዳ ግሾ ጎዳ ኦይቻናዉ ቆፋ ቃችስ፤ ይሁዳ ቢታ ኡባን ፆማ አዋጅስ።

Mazmure 27:7

አቤት ጎዳዉ፥ ታ ነና ፄግያ ዎደ ነ ታዉ ኮያ፤ ታዉ ቃታ፤ ታና ስአ።

Ermiyaasa 52:33

ሄሳ ግሾ፥ ዮአክን ቃሾ ኬን ማእያ ማኡዋ ላምድ፥ ባ ደኦ ላይ ኡባን ካዎ ጋይታፐ ምሸ ደእስ።