Mazmure 27:1 - ጌሻ ማፃፋ

¹ ጎዳይ ታዉ ፖኦነ ታና አሸይሳ፤ ያትን፥ ታ ኦና ያያኔ? ጎዳይ፥ ታ ደኦይ ናገትያ ሚፃ፤ ያትን፥ ታ አይስ ዳጋማኔ?

Geeshsha Maxaafa

¹ Goday taw poo7onne tana ashsheysa; yaatin, ta oona yayiyanee? Goday, ta de7oy naagetiya miixaa; yaatin, ta ayis dagammanee?

Mazmure 27:1 Referans Kwoze

Ibraawe 13:6

ሄሳ ግሾ፥ ኑኒ አማነትድ፥ “ጎዳይ ታና ማደይሳ፤ ታ ያይከ፤ አስ ታና አይ ኦኔ?” ያጎስ።

Mazmure 118:6

ጎዳይ ታራ ደእያ ግሾ ታ ያይከ፤ አስ ታና አይ ኦኔ?

Kessa 15:2

ጎዳይ ታ ምኖተነ ታ ማዝሙርያ ጋሱዋ፥ እ ታና አሸይሳ። እ ታ ፆሳ፤ ታኒ እያ ሳባና። እ ታ አዋታ ፆሳ፤ ታኒ እያ ቦንቻና፤ ጋላታና።

2 ቆሮንቶሳ 12:9

ሽን ጎዳይ፥ “ታ ዎልቃይ ነ ዳቡራን ቆንጭያ ግሾ ታ አ ኬሀተይ ነዉ ግዳና” ያግስ። ክርስቶሳ ዎልቃይ ታናን ቆንጫና መላ ታ ዳቡራን ኡፋይታሸ ጬቀታይስ።

Mazmure 84:11

ጎዳ ፆሳይ ኑስ ጎንዳለነ ፖኦ፤ ኑስ ቦንቾነ ኬሀተ እሜስ፤ ሱረተን ሄመተይሳታ ሎኦባ ድገና።

Roome 8:31

ያትን፥ ኑ ሀ ኡባስ ዎይጋኔ? ፆሳይ ኑ ባጋ ግድኮ ኑራ ኦነ ኤቀታናይ?

Yohaanisa 8:12

ቃስካ የሱሲ አሳኮ፥ “ታኒ አላምያስ ፖኦ። ታና ካልያ ኦንካ ደኦ እምያ ፖኡዋ ኤካናፐ አትሽን፥ ማን ስመረተና” ያግድ ኦድስ።

Isayaasa 12:2

ፆሳይ ታ አቶተ፤ ታኒ እያን አማነታይስ፥ ያይከ። ጎዳይ ፆሳይ፥ ታ ዎልቃነ የ፤ እ ታ አቶተ” ያጋና።

Isayaasa 61:10

ታኒ ጎዳን ዳሮ ኡፋይታይስ፤ ታ ሸምፕያ ታ ፆሳን ሀሹ ጋዉሱ። ኤከይስ ባ ሁጰን ካላቻ ዎይሳዳ፥ ገልያራ ባና አሌቅሰይሳዳ፥ እ ታና አቶተ ማኦ ማይዝስ፤ ፅሎተ አፍላ ቦላራ ጉጅስ።

Mazmure 62:6

እያ ፃላል ታ ዛላነ ታ አቶተ፤ ታኒ ቆሰትያ በሲ ግድያ ግሾ ዳጋምከ።

Mazmure 18:28

አቤት ጎዳዉ፥ ነ ታዉ ፆምፓሳ፤ ታ ፆሳይ ታ ማ ፖእሳሳ።

Iyyoba 29:3

ሄ ዎደ እያ ፆምፐይ ታ ቦላ ፖኤስ፤ እያ ፖኡዋን ማ ካንዳ ባይስ።

ፍልጵስዩሳ 4:13

ክርስቶስ ታዉ እምያ ዎልቃን ኡባባ ኦናዉ ዳንዳአይስ።

Mazmure 118:21

ጎዳዉ፥ ነ ታና ስእዳ ግሾነ ታዉ ፆኖ እምዳ ግሾ ታ ነና ጋላታይስ።

Mazmure 19:14

አቤት ጎዳዉ፥ ታ ዛላዉ፥ ታና ዎዘይሶ፤ ታ ዶናፐ ከይያ ቃላይነ ታ ዎዛና ቆፋይ ነና ኡፋይስያባ ግዶ።

ዮሃኒሳ ቆንጬ 21:23

ፆሳ ቦንቾይ ሄ ካታማስ ፖእያ ግሾነ ዶርሳይ እያዉ ፆምፐ ግድያ ግሾ ካታማስ አዋ ዎይኮ አጌና ፖኦ ኮሸና።

Mazmure 62:2

እያ ፃላል ታ ዛላነ ታ አቶተ፤ እ ታ ቆሰትያ አትያ በሲ ግድያ ግሾ ዳጋምከ።

Milkiyaasa 4:2

ሽን “ህንተዉ፥ ታ ሱንስ ያየይሳታስ፥ ፅሎተ አው ባ ቀፈ ጋርሳን ፓፆተ ኤክድ ከያና። ህንተ ቃሾፐ የደትዳ ኮኦ ጋሎዳ ጉፓና።

Isayaasa 2:5

ህንተኖ፥ ያይቆባ ኮቻቶ፥ ሃይተ! አነ ጎዳ ፖኡዋን ሄመቶስ።

Mazmure 18:46

ጎዳይ ደኤስ! ፆሳይ፥ ታ ዛላይ ጋላተቶ! ታና አሽያ ፆሳይ ቁ ቁ ጎ!

ዮሃኒሳ ቆንጬ 22:5

ህዛፐ ቃም ዴና፤ ጎዳ ፆሳይ ኤንታዉ ፆምፐ ግድያ ግሾ ኤንታዉ ፆምፐ ዎይኮ አዋ ፖኦ ኮሸና። ኤንቲ መር መርናዉ ካዎታና።

Yohaanisa 1:9

አሳ ኡባስ ፖእስያ ቱማ ፖኦይ አላምያ ዬስ።

ዮሃኒሳ ቆንጬ 7:10

ኤንቲ ባንታ ቃላ ቁ ኦድ፥ “አቶተይ አራታን ኡትዳ ኑ ፆሳፈነ ዶርሳፈ ዬስ” ያግዶሶና።

Luqaasa 2:30

ታ አይፈይ አሳ ኡባ ስንን ነ ጊግስዳ፥

Mazmure 11:1

ጎዳይ ታኒ ቆሰታዳ አትያ በሲ፤ ያትን አይስ “ካፎዳ ዙማኮ ባቃታ” ያገቲ?

Mazmure 3:8

ፆኖይ ጎዳሳ፤ ጎዳዉ፥ ኔኒ ነ አሳ አንጃ። ሳላህ

Luqaasa 3:6

አሾ ማእዳ ኡባይ፥ ፆሳ አሹዋ በአና’ ” ግድ ፃፍዳይሳዳ ሀንስ።

Maatosa 8:26

የሱሲ ኤንታኮ፥ “ህንተኖ፥ አማኖይ ፓጭዳይሳቶ፥ አይስ ያየቲ?” ያግስ። ደንድድ፥ ሆቢያነ ጎትያ ኤስስ። ኤለስድ ኡባባይ ስእ ግስ።

Isayaasa 45:24

ኤንቲ ታባ ሃሳይሸ፥ ‘ፅሎተነ ምኖተ ጎዳ ፃላላን ደኤስ’ ያጋና። እያ እፅያ ኡባይ እያኮ ይድ ዬላታና።

Mazmure 43:2

ፆሳዉ፥ ኔኒ ታኒ ቆሰታዳ አትያ ሚፃ፤ ነ ታና አይስ አጋዲ? ታ ሞርከይ ታና ኡንኤን፥ አይስ ዬካሸ ቦ?

Zaaretho 7:18

ሽን ኤንታዉ ያዮፋ። ጎዳይ፥ ነ ፆሳይ፥ ግብፀ ካዋ ቦላነ ግብፀ ቢታ ኡባ ቦላ ኦዳይሳ አኬካ።

Zaaretho 7:21

ሄሳ ግሾ፥ ነ ኤንታዉ ያዮፋ፤ ኔራ ደእያ ጎዳይ፥ ነ ፆሳይ፥ ግታነ ያሽያ ፆሲ።

Mazmure 18:29

ነ ማዱዋን ታ ሞርከ ቶራ ቦላ ደንዳይስ፤ ታ ፆሳን ሚፃ ፄራራ ጉፓዳ አይስ።

Ermiyaasa 20:11

ሽን ጎዳይ ያሽስያ ቶራ ቃራዳን ታራ ደኤስ። ሄሳ ግሾ፥ ታና የደይሳት በታና፤ ኤንቲ ታና ፆኖኮና። ኤንታዉ ጊጎና ግሾ፥ ኤንቲ ግታ ዬላ ዬላታና። ኤንታ ካዉሻይ ኩም ዶገተና።