Mazmure 25:6 - ጌሻ ማፃፋ

⁶ አቤት ጎዳዉ፥ በንፐ ደእያ ነ ቃያነ ነ ኬሀተ ሀሳያ።

Geeshsha Maxaafa

⁶ Abeeti Godaw, benipe de7iya ne qadhiyanne ne keehatetha hassaya.

Mazmure 25:6 Referans Kwoze

Qolaasiyasa 3:12

ሄሳ ግሾ፥ ፆሳን ዶረትዳ አሳዳ ጌሻታነ ዶሰትዳይሳታ ግድድ፥ ማሮተ፥ ኬሀተ፥ አሽከተነ ዳንዳአ ማእተ።

Mazmure 103:17

ሽን ጎዳስ ያየይሳታስ እያ ሲቆይ መርናፐ መርና ጋካናሳ፤ እያ ፅሎተይ ናአ ናአ ጋካናሳ።

Luqaasa 1:50

እያ ቦንቸይሳታ ቦላ፥ እያ ማሮተይ መርናፐ መርና ጋካናሳ።

Luqaasa 1:78

ኑ ፆሳ ሎኦ ማሮተፈ ደንዶይሳን ዎንታ ፃልቀይ ኑስ ሳሉዋፐ ከይስ።

2 ቆሮንቶሳ 1:3

ማሮተ አዋስ፥ ኡባ ዎደ ኑና ምንያ ፆሳስ፥ ኑ ጎዳ የሱስ ክርስቶሳ አዋስ ጋላት ግዶ።

Ermiyaasa 33:11

የነ ያጋኖ ግርስ፥ ኡፋይሳ ግርስ፥ ሄሳዳካ፥ ፆሳ ኬ ጋላታ ያርሾ ኤህድ፥ “እ ኬሀ ግድያ ግሾ፥ እያ ማሮተይ መርናሳ ግድያ ግሾ፥ ኡባፈ ዎልቃማ ጎዳ ጋላትተ። ያግድ የፅሸ ፆሳ ኬ ጋላታ ያርሾ ኤክድ ያ አሳ ግርሳይ ስኤታና። ታኒ ኤንታ ድኦፐ ዛራና፤ ኤንቲ ካሰ ደእዳይሳዳ ኦዳ ዎና” ያጌስ ጎዳይ።

Isayaasa 63:15

አቤት ጎዳዉ፥ ሳሎራ ዱገ ፄላ፤ ኔኒ ደእያ ጌሽነ ቦንቾ ግድዳ አራታፐ በአ። ነ ቅናተይነ ነ ዎልቃይ አኔ? ነ ማሮታይነ ነ ቃይ ኑፐ ሃክስ።

Mazmure 98:3

እ እስራኤለ አሳ ሲቀይሳነ ኤንታዉ አማነተይሳ ሀሳይስ። ሳኣ ጋፃ ጋካናዉ ደእያ አሳ ኡባይ ኑ ፆሳ አቶተ በእዶሶና።

1 ዮሃንሳ 3:17

ሽን ዱረ ግድዳ ኦንካ መቶታንቹዋ በእሸ፥ እያዉ ቃቶና እፅኮ ባ ዎዛናን ፆሳ ሲቆይ ደኤስ ጋናዉ ዋንድ ዳንዳኢ?

ፍልጵስዩሳ 1:8

ታኒ ህንተና ኡባ ክርስቶስ የሱሳ ሲቁዋን አይ መላ ላሞትያኮ ፆሳይ ታዉ ማርካ።

Luqaasa 1:54

ባ ማሮታ ቆፕድ፥ ባ አይልያ እስራኤለ ማድስ።

Ermiyaasa 31:20

“ኤፍሬም ታዉ ቱማ አልኦነ ታ ዶስያ ናአ ግደኔ? ታኒ እያ ሱን ደንያ ዎደ ኡባን እያ ሀሳያይስ። ሄሳ ግሾ፥ ታ ዎዛናይ እያ ላሞቴስ፤ ታ እያዉ ዳሮ ቃታይስ” ያጌስ ጎዳይ።

Isayaasa 55:7

ኢታ አስ ባ ኦግያፐ ስሞ፤ ናጋራንቾይ ባ ቆፋ አጎ። ጎዳኮ ስሞ፥ እካ እያ ማራና፤ እ ኑ ፆሳኮ ስሞ፥ እያዉ አቶ ጋና።

Mazmure 119:77

ነ ህገይ ታና ኡፋይስያ ግሾ፥ ታኒ ደኦን ዳና መላ ታዉ ቃታ።

Mazmure 107:1

እ ኬሀ ግድያ ግሾነ እያ ሲቆይ መርናስ ግዲያ ግሾ፤ ጎዳ ጋላትተ

Mazmure 106:45

እ ኤንታ ግሾ፥ ባ ኡፋይሳ ቃላ ሀሳይስ፤ ባ ሲቁዋ ዳሩዋን ኤንታ ማርስ።

Mazmure 106:1

ጎዳ ጋላትተ! እ ኬሀ ግድያ ግሾነ እያ ሲቆይ መርናሳ ግድያ ግሾ፥ ጎዳ ጋላትተ።

Mazmure 103:4

እ ነና ሀይቆፐ አሼስ፤ ሲቆንነ ማሮታን ነና አንጄስ።

Mazmure 69:16

አቤት ጎዳዉ፥ ነ መርና ሲቁዋ ሎኦተን፥ ታዉ ዛሮ እማ፤ ነ ግታ ማሮታን ታኮ ስማ።

Mazmure 69:13

ሽን ጎዳዉ፥ ታ ነና ዎሳይስ፤ አቤት ፆሳዉ፥ ነ ዶስያ ዎደ፥ ነ መርና ሲቁዋን፥ ነ አቶተን ታዉ ዛሮ እማ።

Mazmure 40:11

ጎዳዉ፥ ነ ማሮተ ታፐ ሃሶፋ፤ ነ ሲቆይነ ነ ቱማተይ፥ ታና ኡባ ዎደ ናጎ።

Nahime 9:19

ነ ዳሮ ማሮተን ኔኒ ኤንታ መላ ቢታን አጋባካ። ኤንቲ ብያ ኦግያ ፖእሳና መላ ጋላስ ሻራ ቱሳን፥ ቃማ ታማ ቱሳን ኤንታ ካለዳሳ።

2 Taarike 6:42

አቤት ጎዳዉ፥ ፆሳዉ፥ ኔኒ ትይዳ ካዋ አጎፋ፤ ነ አይልያ ዳዊታስ ነ ጫቅዳ መርና ሲቁዋ ቆፓ” ያግስ።

Kessa 34:6

ጎዳይ ሙሰ ስንራ አሸ ሀይሳዳ ያግድ አዋጅስ፤ “ታኒ ፆሳ፥ ታ ሱንይ ጎዳ። ታኒ፥ ቃይነ ማሮታይ ኩምዳ ፆሳ። ታኒ ዳንዳአንነ መርና ሲቆን ኩምዳይሳነ ዳሮ አማንይሳ።

Kessa 15:13

“ኔኒ ዎዝዳ አሳ ነ መርና ሲቁዋን ካለዳሳ። ኔኒ ነ ዎልቃን ኤንታ ነ ጌሻ ቢታ ገልሳዳሳ።

Medhetethi 32:9

ሄ ዎደ ያይቆብ ሀይሳዳ ያግድ ዎስስ፥ “አቤት ጎዳዉ፥ ታ አዋ አብራሃመ ፆሳዉ፥ ታ አዋ ይሳቃ ፆሳዉ፥ ታና፥ ‘ነ ቢታ፥ ነ ዳቦታኮ ስማ፥ ታኒ ነዉ ሎኦባ ኦና ግዳይሶ፥ ታና ስአርክ’፥

Medhetethi 24:27

ሀይሳዳ ያግስ፤ “ታ ጎዳስ ኬሄይሳነ አማነተይሳ አግቦና ጎዳይ፥ ታ ጎዳ አብራሃመ ፆሳይ ጋላተቶ፤ ታኒ ይሽን፥ ጎዳይ ታና ታ ጎዳ ዳቦታ ሶ ካለስ” ያግስ።

ፍልጵስዩሳ 2:1

ክርስቶሳን ህንተ ደእያ ደኦይ ህንተና ምንስ፤ ቃስ እያ ሲቆይካ ህንተና ምንስ። ጌሻ አያናራ ህንተዉ እስፈተ ደኤስ፤ ህንተ ሀራታስ ኬሄታነ ቃተታ።

Nahime 13:22

ታኒ ሌወት ባንታ ሁጵያ ጌሻና መላ፥ ፐንገታ ናጋና መላነ ሳምባታ ጋላሳ ጌሽ ኦና መላ ኪታስ። “ታ ፆሳዉ፥ ሀ ኡባ ግሾ ታና ቆፓ፤ ነ መርና ሲቁዋ ግሾ ታዉ ቃታ” ያጋዳ ዎሳስ።

Daanela 9:18

አቤት ታ ፆሳዉ፥ ነ ሀይ ኑኮ ዛራ፤ ነ አይፍያ ዶያዳ፥ ነ ሱንይ ፄገትዳ ካታማ ዩዋ በአ። ኑኒ፥ ነና ዎሰይ፥ ኑ ፅሎተ ግሾ ግዶናሽን፥ ነ ግታ ማሮተ ግሾሳ።

Inbaqoome 3:2

አቤት ጎዳዉ፥ ኔኒ ካሰ ኦዳባ ታኒ ስአዳ ያያስ። ጎዳዉ፥ ኑ ዎድያንካ ሄ ኦሶታ ዛራዳ ኦ፤ ኤንቲ ኑ ዎድያንካ ኤረቶ። ነ ሀንቀትያ ዎደ ነ ማሮታ ቆፓ።