Mazmure 146:9 - ጌሻ ማፃፋ

⁹ ጎዳይ በተ አሳታ ናጌስ፤ አምኤታነ ይኦ ናይታ ማዴስ፤ ሽን ኢታታ ኦግያ ይሴስ።

Geeshsha Maxaafa

⁹ Goday bete asata naagees; Am7etanne yi7o nayta maaddees; shin iitata ogiya dhaysees.

Mazmure 146:9 Referans Kwoze

Mazmure 68:5

ፆሳይ ባ ደእያ ጌሻ በሳን፥ ይኦታስ አዋ፤ አምኤታስ ዳይና።

Mazmure 147:6

ጎዳይ አዳታ ዘምፕሴስ፤ ሽን ኢታታ ሳአን የጌስ።

Milkiyaasa 3:5

“ሄሳፈ ጉየ፥ ፕርዳስ ታኒ ህንተኮ ያዳ፥ ብታንቾታ፥ ላመይሳታ፥ ዎርዶን ጫቀይሳታ፥ ኦሳንቾታ ዳሞዘ ድገይሳታ፥ አምኤታነ ይኦታ ኡንኤይሳታ፥ በታንቾታስ ፕርዳ ድገይሳታነ ታዉ ያዮናይሳታ ቦላ ኤሶን ማርካታና” ያጌስ ኡባፈ ዎልቃማ ጎዳይ።

Ermiyaasa 49:11

ህንተ ግዶን ደእያ ይኦ ናይታ አጋግተ፤ ኤንታ ታ ድቻና። ህንተ አምኤትካ ታናን አማነቶ” ያጌስ።

Leemiso 15:25

ጎዳይ ኦቶራንቾታ ኬ ላላና፤ ሽን አምኤ ዛዋ ናጌስ።

Yayqooba 1:27

ፆሳ አዋ ስንን ቦረይ ባይና ጌሻ አማኖይ ሀይሳ፦ አይያ አዉ ባይና ናይታነ አምኤታ ማዶነ አላምያ ቱናፐ ባና ናጎ።

Leemiso 4:19

ሽን ጌላታ ኦገይ ሳካና ማ መላ፤ ኤንቲ አይብን በትያኮካ ኤሮኮና።

Mazmure 145:20

ጎዳይ ባና ዶሰይሳታ ኡባ ናጌስ፤ ሽን ኢታታ ኡባ ይሳና።

1 ቆሮንቶሳ 3:19

ሀ ሳአ ጭንጫተይ ፆሳ ስንን ኤያተ። ጌሻ ማፃፋን፥ “ፆሳይ ጭንጫታ ኤንታ ገነ ቆፋን ኦይኬስ” ያጌስ።

Hose 14:3

አሶረይ ኑና አሸና፤ ኑ ኦላ ፓራታንካ አማነቶኮ። ኑኒ ኑ ኩሸን መዳ ኤቃ ምስለታ ኡባ፥ ‘ኑ ፆሳታ’ ጎኮ። አዋይ ባይናይሳታስ ቃተይ ነና” ያግተ።

Mazmure 18:26

ጌሻታስ ነ ጌሽ፤ ሽን ጌላታስ ነ ጌላ።

Astiro 9:25

ሽን አስትራ ካዋኮ ገልዳፐ ጉየ፥ ሃም አይሁደታ ቦላ ማቅዳ ኢታ ማቆይ ኡባይ ጉየ ስሚድ፥ እያ ቦላ ፖለታናዳ ካዎይ ፁፈን ኪትስ። ያትን፥ ሃምነ እያ ታሙ ናይት አሀይ ምን ካቀትስ

Astiro 7:10

ሄሳ ግሾ፥ ማርድክዮሳ ካቃና ግድ ጊግስዳ ምን ሃም ካቀትስ። ሄሳፈ ጉየ፥ ካዋ ሀንቆይ ዶችስ።

Astiro 5:14

ሄ ዎደ እያ ማችያ ዞሳራነ እያ ላገት ኡባይ ሀይሳዳ ያግዶሶና፤ “ኔኒ እሻታሙ ዋ ም ኤስሳዳ ዎንቶ ጉራ ማርድክዮስ ካቀታና መላ ካዋ ኦይቻ። ሄሳፈ ጉየ፥ ኡፋይታሸ ግብራ ማናዉ ባ” ያግዶሶና። ሃማ ሀ ቆፋይ ኡፋይስዳ ግሾ፥ ኤንቲ ግዳይሳዳ ካቃ ም ጊግስስ።

2 Sameela 17:23

አክፆፈል ባ ዞረይ ኤከትቦናይሳ ኤርዳ ዎደ ባ ሀርያ ኮርድ ባ ደእያ ካታማ ብስ። አክፆፈል ባ ሶ ጊግስድ ሱለትድ፥ ሀይቅድ ባ አዋ ዱፎን ሞገትስ።

2 Sameela 15:31

አክፆፈል አበሰሎመራ ማቀትዳይሳ ዳዊቲ ስእዳ ዎደ “ጎዳዉ፥ አክፆፈላ ዞርያ ኤያተ ላማ” ያግድ ዎስስ።

Zaaretho 16:11

ሄሳን ኔኒ፥ ነ አደ ናይት፥ ነ ማጫ ናይት፥ ነ አደ አይለትነ ነ ማጫ አይለት፥ ነ ካታማን ደእያ ሌወት፥ በተ አሳይ፥ ይኦ ናይትነ ነ ግዶን ደእያ አምኤት ኡባይ፥ ጎዳይ፥ ነ ፆሳይ ባ ሱንይ ፄገታና መላ ዶርያ በሳን ኡፋይትተ።

Mazmure 10:14

ሽን ፆሳዉ፥ ነ መቱዋነ ኡንኣ በኣሳ፤ ኔኒ ማዳናዉ ጊጋ ኡታዳሳ። ኔኒ ይኦታስ ማደ፥ ቆሄትዳይ ነ ማዳና መላ ባና ነዉ አድ እሜስ።