Mazmure 112:9 - ጌሻ ማፃፋ

⁹ እ ማንቁዋስ ዳርስድ እሜስ፤ እያ ፅሎተይ መርናዉ ደኤስ፤ እያ ካጨይ ቦንቾን ቁ ቁ ጋና።

Geeshsha Maxaafa

⁹ I manquwas darsidi immees; iya xillotethay merinaw de7ees; iya kacey bonchon dhoqu dhoqu gaana.

Mazmure 112:9 Referans Kwoze

Mazmure 75:10

እ፥ ኢታ አሳታ ካጭያ መንና፤ ሽን ፅሎታ ካጨይ ቁ ቁ ጋና።

Ibraawe 13:16

ሎኦባ ኦሶነ ህንተዉ ደእያባፐ መቶትዳ አሳስ እሞ ዶጎፕተ። ህዛ፥ ሄሳ መላ ያርሾይ ፆሳ ኡፋይሴስ።

Ibraawe 6:10

ፆሳይ ሱረ ፕርደይሳ። ፆሳይ፥ ህንተ ኦዳ ኦሱዋነ ካሰ ግድን ሀእካ አማነይሳታ ማድድ፥ እያዉ ደእያ ሲቁዋ በስዳይሳ ዶገና።

1 ፅሞትዮሳ 6:18

ኤንቲ ሎኦ ኦሶ ኦናዳ ሎኦ ኦሶን ዱረታናዳ፥ ኬሀታነ ሀራታስ ሻከይሳታ ግዳና መላ ኪታ።

Roome 12:13

አማንያ ጌሻታ ኮሽያባን ማድተ፤ እማታ ሞክተ።

ዮሃኒሳ ቆንጬ 22:11

ኢታ ኦይ ጉጅድ ኢታ ኦ፤ ቱነይ ጉጅድ ቱኖ። ሎኦ ኦይ ጉጅድ ሎኦ ኦ፤ ጌየይ ጉጅድ ጌዮ” ያግስ።

ሃዋሬታ ኦሱዋ 20:35

ህንተ ሀይሳዳ ዳቡርድ ኦሸ ዳቡራንቾታ ማዳናይሳነ ጎዳ የሱሲ፥ ‘ኤከይሳፈ እመይስ አንጀትዳይሳ’ ግዳ ቃላ ህንተ ቆፓናዉ በሰይሳ ታኒ ህንተና ኡባባን በሳስ” ያግስ።

Isayaasa 58:10

ኮሻትዳይሳ ሙዝኮ፥ መቶትዳይሳታ ኮሽያባን ማድኮ፥ ሄ ዎደ ህንተ ፖኦይ ማን ፖአና፤ ህንተ ቃማይ ሴታ ጋላስ ግዳና።

Isayaasa 58:7

ታኒ ዶርያ ፆማይ ኮሻትዳይሳ ሙዛና መላ፥ ኬ ባይና ማንቆታ ሶ ኤካና መላ፥ ካሎትዳይሳ በአዳ ማይዛና መላነ ማዶ ኮይያ ህንተ ዳቡዋፈ ህንተና ገንና መላሳ ግደኔ?

Erata 11:6

ጉራ ግድን ኦማርስ ነ ዘረ ዘረይሳ አጎፋ፤ ዎንታይስ ዎይኮ ኦማርሳይስ ሎአነኮ ኔኒ ኤራካ።

Mazmure 92:10

ታ ካጭያ መን ካጨዳ ቁ ኦዳሳ፤ ሎኦ ዛይተ ታ ሁጰን ትያዳሳ።

2 ቆሮንቶሳ 8:9

ህንተ፥ ኑ ጎዳ የሱስ ክርስቶሳ አ ኬሀተ ኤሬታ። ክርስቶስ ዱረ ግድ ኡትድ፥ ህንተ እያ ማንቆተን ዱረታናዳ ህንተ ግሾ ማንቅስ።

Yohaanisa 13:29

ይሁድ ሚሸ ኦይክያ ግሾ፥ እያ ታማረታፐ እሶት እሶት የሱሲ እያ፥ “ፓስካ ቦንችያ ጋላሳስ ባንታዉ ኮሽያባ ሻማ ዎይኮ ማንቆታስ ሙፃታ እማ ግስ” ያግድ ቆፕዶሶና።

Luqaasa 16:9

“ሄሳ ግሾ፥ ታ ህንተዉ ኦዳይስ፤ ሀ አላምያ ሚሸይ ዉርያ ዎደ መርና ኬን ሞከታና መላ ሀ ሚሽያራ ህንተዉ ላገታ ሻምተ።

Luqaasa 12:33

ህንተዉ ደእያባ ባይዝድ ማንቆታስ እምተ። ካይሶይ ኤኮናሶን፥ ብል ሞናሶን፥ ጭሞና ካርፂታን፥ ዉሮና ሻሎ ሳሎን ሺሽተ።

Marqoosa 14:7

ማንቆት ኡባ ዎደ ህንተራ ደኦሶና። ህንተ ኮይዳ ዎደ አዉደካ ህንተ ኤንታ ማዳናዉ ዳንዳኤታ፥ ሽን ታኒ ኡባ ዎደ ህንተራ ደእከ።

Leemiso 19:17

ማንቆስ ኬህያ አስ ጎዳስ ታልኤስ፤ ጎዳይ ሄ ሎኦ ኦሱዋ ግሾ ዎይቴስ።

Mazmure 112:3

ሻሎይነ ዱረተ እያ ኬን ደኤስ፤ እያ ፅሎተይ መርናዉ ዳና።

1 Sameela 2:30

“ሄሳ ግሾ፥ ጎዳይ፥ እስራኤለ ፆሳይ ሀይሳዳ ያጌስ። ነ ኮቻይነ ነ አዋ ኮቻይ መርናዉ ታዉ ኦና። ሽን ሀእ ሄስ ታፐ ሃኮ፤ ታና ቦንቸይሳታ ቦንቻና፤ ታና ካይሳት ካታና።

1 Sameela 2:1

ሃና ሀይሳዳ ያጋዳ ዎሳሱ፤ “ታ ዎዛናይ ጎዳን ኡፋይቴስ፤ ታ ካጨይ ጎዳን ቁ ግስ። ታ ሞርከታ ቦላ ታኒ ጬቀታይስ፤ ነ አሾይ ታና ኡፋይሴስ።

Zaaretho 24:13

እ ማእድ አቃና መላ ሳእ ኦማርስያ ዎደ እያዉ ጉየ ዛራ፤ እ ነና ጋላታና። ሄስ ጎዳ ነ ፆሳ ስንን ነዉ ፅሎተ ኦሶ ግድድ ታይበታና።

Zaaretho 15:11

አዉደካ ግድን፥ ቢታ ቦላፈ ማንቆይ ዮና ግሾ፥ ነ እስራኤለታስ፥ ማንቆታስነ መቶታንቾታስ ህንተ ኬሀ ግዳና መላ ኪታይስ።

ሃዋሬታ ኦሱዋ 4:35

ሚሸ ኤህድ ሀዋረታስ እሞሶና፤ ሄ ሚሽያ አሳስ ኮሽዳይሳዳ እሱዋስ እሱዋስ ሻክ ሻክ እሜስ።

Luqaasa 18:22

የሱሲ ሄሳ ስእዳ ዎደ፥ “ህዛ፥ ነዉ እስባይ ፓጬስ፤ ነዉ ደእያባ ኡባ ባይዛዳ ማንቆታስ እማ፤ ሳሎን ነና ሻሎይ ናጌስ። ያታ ስማዳ፥ ታና ካላ” ያግስ።

Luqaasa 11:41

ሽን ቁልያንነ ሻትያን ደኤይሳ ማንቆታስ እምተ። ሄ ዎደ ህንተዉ ኡባባይ ጌሽ ግዳና።

Maatosa 6:4

ህንተ እሞይ ጌማን ግዶ። ጌማን ኦይሳ በእያ ህንተ አዋይ ህንተዉ ዎይቱዋ ቆንጨን እማና።

Isayaasa 32:8

ሎኦ አስ ሎኦባ ሀልቼስ፤ ሄ ሎኦ ሀልቹዋን ምንድ ደኤስ።

Zaaretho 15:14

ጎዳይ ነ ፆሳይ ነና አንጅዳይሳ መላ ነ መህያፐ፥ ሻልያፐነ ዎይነ ጉምኤፈ ኤንታዉ ኬሀተን እማ።

Mazmure 92:11

ታ ሞርከት ፆነትሽን ታ አይፈን በአስ፤ ታና ኡንኤይሳት ዋስሽን ታ ሀይን ስአስ።

Mazmure 111:3

እያ ኦሶት ቦንቾንነ ቴማን ኩምስ፤ እያ ፅሎተይ መርናዉ ደኤስ።

Leemiso 14:24

ጭንጫታስ ኤንታ ዱረተይ ኤንታዉ ካላቻ፤ ሽን ኤያት ጉጅ ጉጅ ኤዮሶና።

Leemiso 21:26

አዛላ አስ ኡባ ዎደ ዳሮባ ደማናዉ አሞቴስ፤ ሽን ፅሎይ ባዉ አሾና እሜስ።

Erata 3:6

ኮያናዉ ዎደይ ደኤስ፤ ኮሽ አጋናዉ ዎደይ ደኤስ። ሺሽ ኦይካናዉ ዎደይ ደኤስ፤ ላላናዉ ዎደይ ደኤስ።