Leemiso 5:22 - ጌሻ ማፃፋ

²² ናጋራንቹዋ እ ኦዳ ናጋራይ ኦይኬስ፤ እያ ናጋራ ግተይ እያ ቃቼስ።

Geeshsha Maxaafa

²² Nagaranchuwa I oothida nagaray oykees; Iya nagaraa gitey iya qachees.

Leemiso 5:22 Referans Kwoze

Leemiso 11:5

ቦረይ ባይና ኡራ ኦግያ ፅሎተይ ሱርሴስ፤ ሽን ኢታ ኡራይ ባ ኢታተን ኩንዴስ።

Leemiso 1:18

ሽን ኤንቲ ባንታ ሱ ጉሳናዉ ሆኮሶና፤ ባንታ ሸምፑዋ ዎናዉ ቆሰቶሶና።

Mazmure 9:15

ካዎተት ባንታ ቦክዳ ኦላን ባንታዉ ኩንድዶሶና፤ ኤንቲ ዎዳ ፅሄይ ኤንታ ቶሁዋ ኦይክስ።

Ibraawe 13:4

ኤኮይነ ገሎይ አሳ ኡባ ማታን ቦንቸትዳባ ግዶ። ቃስ ፆሳይ ላይማተይሳታነ ላመይሳታ ፕርዳናዉ ደእያ ግሾ አዝናይነ ማችያ እሶይ እሱዋስ አማነታናዉ በሴስ።

Ermiyaasa 2:19

ህዛ ነ ኢታተይ ነና ሴራና፤ ነ ታና ካድዳይስ ነ ቦላ ፕርዳና። ነ ታና ጎዳ ነ ፆሳ አግዳይስ አይ መላ ኢታነ ጫሞ ግድያኮ አኬካ በአ። ነ ታዉ ያይያ ያሻይ ባዋ” ያጌስ ጎዳይ፥ ኡባፈ ዎልቃማ ፆሳይ።

Erata 7:26

ታኒ ሀይቆፐ አድ ጫምያ ሀራባ ደማስ። ሄስካ፥ እ ዎዛናይ ግተ፥ እ ኩሸይ ሳንላታ ግድድ ፅሄዳ ኦይክያ እስ ማጫስ በአስ። ፆሰ ያይያ አስ ኢፐ ከስ ኤካና፤ ሽን ናጋራንቹዋ እያ ባ ፅህያን ፃፃዳ ኦይካና።

Leemiso 11:3

ፅሎታ ኤንታ ሱረተይ ካለስ፤ ሽን ኢታ አሳታ ኤንታ ጌላተይ ይስስ።

Taybo 32:23

“ህንተ ሄሳ ኦና እፅኮ ጎዳ ቦላ ናጋራ ኦታ፤ ህዛ፥ ህንተ ናጋራ ግሾ ህንተና ሴር ጋካናይሳ ሎይ ኤርተ።

አይሰይሳታ 20:41

ሄሳፈ ጉየ፥ እስራኤለት ብንያመ አሳ ቦላ ጉየ ስምዶሶና። ብንያመ አሳይ ዉራና ሀነይሳ ኤርዳ ግሾ ዳጋምዶሶና።

Mazmure 40:12

ታይቦይ ባይና ኢታባይ ታና ተቅስ፤ ታ ባላይ ታና ጎዝስ፤ ታ ፄላናዉ ዳንዳእከ ታ ናጋራይ ታ ሁጰ ብናናፐ ዳርስ፤ ታ ዎዛናይ ታ ግዶን ትልእስ።

Milalsa 1:14

ታ ኦዳ ናጋራ ኡባ ሺሽ ቃችድ፥ ቃምባራዳ ታ ጋናን ዎስ፤ ያትድ ታ ዎልቃ ዉርስስ። ታ ኤቀታናዉ ዳንዳኦና አሳስ፥ ታና አድ እሚስ።

አይሰይሳታ 9:57

ፆሳይ ሴከማ አሳ ኢታተ ኡባ ኤንታ ቦላ ዛርስ። ሄሳዳ ሀንድ ገድዮና ናአይ እዮአታም ባድዳ ባደይ ኤንታ ጋክስ።

1 Kawota 18:18

ኤልያስ ዛሪድ፥ “እስራኤለ ቢታ ቡቀይ ታና ግዶናሽን፥ ጎዳ ኪታ አግድ፥ ባኣለ ኤቃታ ጎይንድ፥ ቢታ ቡቀይ ነናነ ነ አዋ ሶ አሳ።

Astiro 9:25

ሽን አስትራ ካዋኮ ገልዳፐ ጉየ፥ ሃም አይሁደታ ቦላ ማቅዳ ኢታ ማቆይ ኡባይ ጉየ ስሚድ፥ እያ ቦላ ፖለታናዳ ካዎይ ፁፈን ኪትስ። ያትን፥ ሃምነ እያ ታሙ ናይት አሀይ ምን ካቀትስ

Iyyoba 18:8

እያ ሄመይ እያ ፅሄን ገልሴስ፤ እያ ቶሆት ግተታና።

Mazmure 9:17

ኢታት ዱፎ ባና፤ ፆሳ ዶግያ ካዎተት ኡባይ ኤንታዳ ሀናና።

Leemiso 11:6

ሱረታ ኤንታ ፅሎተይ አሼስ፤ ሽን አማነቶናይሳታ ኤንታ አሞይ ፅሄ ግድድ ኦይካና።

Leemiso 12:14

አስ ባ ዶናፐ ከይያ ቃላን ሎኦባ ካሌስ፤ ባ ኦዳ ኦሶ ጋትያ ኤኬስ።

Leemiso 14:32

ኢታት ባንታ ኢታ ኦሶን ኩንዳና፤ ሽን ፅሎታስ ሀይቆፐ አትያ ሚፅ ደኤስ።

Leemiso 18:7

ኤያ አሳ ኦድ ባና ቆሄስ፤ እያ ኦዳይ ፅሄ ግድድ እያ ኦይኬስ።

Leemiso 24:12

ነ፥ “ታ ሄሳ ኤርከ” ግኮ፥ ዎዛና ኤርያ እ፥ በኤኔ? ነ ደኡዋ ናገይስ ኤረኔ? አሳ ኡባስ እያ ኦሱዋዳ ኦሱዋዳ ዛረኔ?

Leemiso 26:27

ሀራታስ ኦላ ቦክያ አስ ሄ ኦላን ባዉ ኩንዳና፤ ሀራታ ቦላ ሹቹ ጎንዶርስያ አሳ ቦላ ሄ ሹቻይ ስሚድ ጎንዶረታና።

Abdiyu 1:15

ጎዳ ፕርዳ ጋላሳይ ካዎተታ ኡባ ቦላ ማትስ። ነኖ ኤዶመ፥ ኔኒ ሀራታ ቦላ ኦዳባይ ነ ቦላ ኦሰታና፤ ነ ኦሶይ ነ ቦላ ስማና።