Leemiso 2:6 - ጌሻ ማፃፋ

⁶ ጎዳይ ጭንጫተ እሜስ፤ እያፐ ኤራተነ አኬክ በንቴስ።

Geeshsha Maxaafa

⁶ Goday cincatethi immees; iyape eratethinne akeeki bentees.

Leemiso 2:6 Referans Kwoze

Yayqooba 1:5

ህንተፈ ኦደስካ ጭንጫተ ይኮ ፆሳ ዎሶ። እያዉ እመታና። ፆሳይ ኦናካ ቦሮና ኡባስ ኬሀተን እምያ ፆሰ።

Mazmure 119:98

ነ ኪታይ ኡባ ዎደ ታራ ደእያ ግሾ፥ ታ ሞርከታፐ አድ ታና አኬካ ከሶሶና።

Iyyoba 32:8

ሽን አሳ ግዶን አቅድ ጭንጫተ እመይ፥ ኡባ ዳንዳእያ ፆሳ አያና።

Luqaasa 21:15

አይስ ጊኮ፥ ህንተ ሞርከት ህንተራ ኤቀታናዉነ ፓላማናዉ ዳንዳኦና ዶናነ ጭንጫተ ታ ህንተዉ እማና።

Isayaasa 54:13

ነ ናይት ኡባይ ጎዳፐ ታማራና፤ ነ ናይታ ሳሮተይ ዳራና።

Yohaanisa 6:45

ናበት፥ ‘ፆሳይ አሳ ኡባ ታማርሳና’ ያግድ ፃፍዶሶና። አዋ ስኤይስነ እያፐ ታማርያ ኦንካ ታኮ ዬስ።

1 Kawota 3:12

ሄኮ፥ ነ ኦይችዳይሳ ታ ነዉ እማና። ሀይሳፈ ካሰ ነ መል ባይናይሳዳ ህዛፐ ጉየ ነ ማል ደንዶናዳ ጭንጫተነ አኬካ ዎዛና ነዉ እማና።

Yayqooba 1:17

ሎኦ እሞይነ ኩመ አንጆ ኡባይ ሳሎፐነ ሳሉዋ ፖኡዋ መዳ ፆሳ አዋፐ ዬስ። ፆሳይ ኩያዳ ኡባ ዎደ ላመተና።

Mazmure 119:104

ነ ዎጋፐ አኬካ ደማስ፤ ሄሳ ግሾ፥ ጌላ ኦገ ኡባ እፃስ።

Daanela 2:23

ታ ማይዛታ ፆሳዉ፥ ታ ነና ጋላታይስ፤ ሳባይስ። ነ ታዉ ጭንጫተነ ዎልቃ እማዳሳ፤ ኑኒ ነና ኦይችዳባ ታና ኤርሳዳሳ፤ ካዋ አሙሁዋ ኑና ኤርሳዳሳ” ያግስ።

Daanela 1:17

ሀ ኦይዱ ናአተታስ ፆሳይ ኤራነ ኡባ ቆሞ ፁፈነ ትምርተ ኤክያ አኬካ እሚስ። ዳነል ቆንጨነ አሙሆ ብርሸ ኤሬስ።

Isayaasa 8:20

ህግያነ ጎዳ ማርካ ስእተ! ሄ አሳት ሀ ቃላዳ ሃሳዮና እፅኮ ኤንታዉ ሳእ ዎንተና።

1 Kawota 4:29

ፆሳይ ሶሎሞነስ ጭንጫተ፥ አኬካነ ዳልጋ ዎዛና እሚስ።

Daanela 2:21

እ ዎደታነ አጌናታ ላሜስ፤ ካዎታ አራታን ኡትሴስ፤ አራታፐ ድጌስ። ጭንጫታስ ጭንጫተ እሜስ፤ አኬካንቾታስ ኤራ እሜስ።

Leemiso 6:23

ጎዳ ኪታይ ፆምፐ፤ እያ ትምርተይ ፖኦ፤ እያ ሴራይ ደኦኮ ኤፍያ ኦገ።

Mazmure 19:7

ጎዳ ህገይ ሱረ፤ ሸምፖ ዛሬስ። ጎዳ ኪታይ አማነትዳይሳ፤ አኬክ ፓጭዳይሳታ ጭንጫ ኦስ።

1 Kawota 3:9

ሄሳ ግሾ፥ ታኒ ነ አሳ አይሳናዉ ሎኦነ ኢታ ሻካዳ ኤራና መላ ታዉ ነ አይልያስ አኬካ ዎዛና እማ። ሄስ ሀኖና እፅኮ፥ ሀ ነ ግታ አሳ ኦን ካለናዉ ዳንዳኢ?” ያግስ።

Kessa 31:3

ታኒ እያ ታ አያናን ኩንስ፤ ታኒ ሂላ፥ አኬካነ ኦሶ ኡባ ኦያ ኤራ እያዉ እማስ።

1 Taarike 22:12

ጎዳይ ነና እስራኤለ አሳ ቦላ ካዎ ኦያ ዎደ፥ ጎዳ ነ ፆሳ ህግያ ናጋና መላ ጎዳይ ነዉ ጭንጫተነ አኬካ እሞ።

Nahime 7:5

ሄሳፈ ጉየ፥ አሳ ካለይሳታ፥ ሀላቃታነ አሳ ኡባ ሺሻዳ ኤንታ ሶ አሳን አሳን ማዝጋባና መላ ፆሳይ ታና ቆፍስስ። ድኤተፈ ስን ስምዳ አሳ ኤንታ ሶ አሳን አሳን ፃፈትዳ ማፃፋካ ደማስ፤ ሄ ማፃፋን ፃፈትዳይ ሀይሳ።

Iyyoba 22:22

እያ ትምርትያ ስአ፤ እያ ቃላ ነ ዎዛናን ዎ።

Mazmure 51:6

ኔኒ አሳ ዎዛናፐ ቱማተ ኮያሳ፤ ታ ጋ አሳተ ጭንጫተ ታማርሳ።

Erata 2:26

ፆሳ ኡፋይስያ ኡራስ ፆሳይ ጭንጫተ፥ ኤራተነ ኡፋይስ እሜስ፤ ናጋራንቹዋስ እ ዳቡርድ ሺሻና መላ፥ ዳቡራ እሜስ። ሽን እ ሺሽዳይሳ ፆሳይ ኤክድ፥ ባዉ ያይያ ሀራስ እሜስ። ሄሳ ግሾ፥ ሀ ኡባይ ሀዳነ ጫርኮ ኦይካናዉ የደ መላ።

1 Kawota 10:24

ሳአን ደእያ አስ ኡባይ እያኮ ያናዉነ ፆሳይ እያ ዎዛናን ዎዳ ጭንጫተ ስአናዉ ኮዬስ።

Izira 7:25

“ላ እዝራ፥ ኔኒ፥ ነዉ ፆሳይ እምዳ ጭንጫተን ኤፍራፂሳ ሻፋፐ ሄፍን ቢታን ደእያ ነ ፆሳ ህግያ ኤርያ አሳ ቦላ ፕርዳና መላ ዳይናታነ አይሰይሳታ ሹማ። ህግያ ኤሮና አስ ደእኮ ኔኒ ኤንታ ታማርሳ።

Iyyoba 12:13

ጭንጫተነ ዎልቅ ፆሳሳ፤ ዞረይነ አኬክ እያ ማታን በንቴስ።

Iyyoba 12:16

ምኖተነ ፆኖይ ፆሳሳ፤ ጭመተይስነ ጭመይስ ናምአይካ እያፐ ጋርሳን ደኤስ።

Mazmure 19:8

ጎዳ ዎጋይ ልከ፤ ዎዛና ኡፋይሴስ። ጎዳ ኪታይ ጌሽ፤ አይፈ ፖእሴስ።

Mazmure 94:10

ካዎተታ ሴርያ ፆሳይ ሴረኔ? አሰ ኤራተ ታማርስያ እ፥ ኤረኔ?

Mazmure 119:34

ታኒ ነ ህግያ ናጋና መላነ ታ ኩመ ዎዛናፐ እያዉ ክተታና መላ፥ ነ ታዉ አኬካ እማ።