Leemiso 10:21 - ጌሻ ማፃፋ

²¹ ፅሎ አሳ ኦድ ዳሮ አሳ ጎኤስ፤ ሽን ኤያት ባንታ ፓጫ ዎዛናን ሀይቆሶና።

Geeshsha Maxaafa

²¹ Xillo asa odi daro asaa go77ees; shin eeyati banta paca wozanan hayqoosona.

Leemiso 10:21 Referans Kwoze

Hose 4:6

ታ አሳስ ኤራተ ባይና ግሾ ይዶሶና። ህንተ ኤራተ እፅዳ ግሾ፥ ታካ ህንተ ታዉ ካህነ ግዶና መላ እፃስ። ህንተ ፆሳ ህግያ ዶግዳ ግሾ፥ ታካ ህንተ ናይታ ዶጋና።

Leemiso 17:16

ጭንጫተ ደማናዉ አሞይ ባይና ደእሽን፥ ኤያ ኩሸን ደእያ ሚሸይ አይ እያ ማዲ?

Maatosa 13:19

ኦገ ጋፃን ዎዳ ዘረ ሌምሶይ ሀይሳ፦ ሳሎ ካዎተ ቃላ ስእድ አኬኮና ኡራ ዎዛናፐ ፃላሄይ ይድ እያ ዎዛናን ደእያ ዘረ ማፅ ድጌስ።

Leemiso 1:29

ኤንቲ ኤራተ እፅዳ ግሾ፤ ጎዳ ያሽ ዶርቦና ግሾ፥

Leemiso 15:4

ሎኦ ኦድ ደኦ ም መላ፤ ሽን ጌላ ኦድ አያና መንስ።

Leemiso 5:23

እ ባ ኤያተን ይስ፤ ባና ናግቦና ግሾ ሀይቅስ።

Leemiso 5:12

ህንተ ያጋና፤ “ታ አይስ ትምርተ እፃድና? ታ ዎዛናይ ሴራ አይስ ካዴ?

Leemiso 1:31

ኤንቲ ባንታ ኦሱዋ አይፍያ ማና፤ ባንታ ቆፋ አይፍያ ካላና።

Iyyoba 23:12

እያ ዶናፐ ከይያ ኪታፐ ታኒ ሻከታብከ፤ እያ ቃላ ታ ዎዛናን ዎስ።

Ermiyaasa 15:16

አቤት ጎዳዉ፥ ኡባፈ ዎልቃማ ፆሳዉ፥ ታ ነ ሱንን ፄገትዳ ግሾ፥ ነ ቃላይ ታኮ ይን ማስ። ማ ስምን ታና ፓሽክስስ፤ ታ ዎዛና ኡፋይስስ።

Leemiso 12:18

አኬኮና ኦደትያ ኦድ ማሻዳ ጫዴስ፤ ሽን ጭንጫ እንፃርሳይ ፓስ።

1 ጰፅሮሳ 5:2

ህንተ አዋተፈ ጋርሳን ደእያ ፆሳ ዉድያ ሄምተ። ፆሳይ ኮየይሳዳ ዶሳናፐ አትሽን፥ ኡንኤትድ ሄሞፍተ። ቃስ ሚሸ ኮሻን ግዶናሽን፥ ሀጋዛናዉ ደእያ ሎኦ ቆፋን ሄምተ።

Roome 1:28

ኤንቲ ፆሳ ኤርሸ፥ ሀር አቶሽን እያባ ቆፓናዉ ኮዮና እፅዳ ግሾ፥ በሶናባ ኦና መላ ፆሳይ ኤንታና ፓና ቆፋስ አድ እሚስ።

Ermiyaasa 3:15

ታ ዎዛናዳ ህንተና ሄምያ ሄንንቾታ ህንተዉ እማና። ኤንቲ ህንተና ኤራተንነ አኬካን ሄማና” ያጌስ ጎዳይ።

Mazmure 37:30

ፅሎ አሳ ዶናፐ ጭንጫተ ከዬስ፤ እያ እንፃርሳይ ፅሎ ኦደቴስ።

Maatosa 12:35

ሎኦ አስ ባ ዎዛናን ዎዳ ሎኦባፐ፥ ሎኦባ ከሴስ፤ ኢታ አስ ባ ዎዛናን ዎዳ ኢታባፐ፥ ኢታባ ከሴስ።

Leemiso 6:32

ሽን ማጫሳራ ላይማትያ አስ ዎዛን ባይና አስ፤ ሄ ኡራይ ባ ሸምፑዋ ይሴስ።

Leemiso 10:11

ፅሎ አሳ ኦድ ደኦ ፑልቶ፤ ሽን ናጋራንቾ አሳ ኦድ ማካላ ገንስ።

Leemiso 1:32

አኬክ ፓጭዳይሳታ ጭንጫተፈ ሃከይስ ዎስ፤ ኤያታ ቀል ጉስ ይሴስ።

Leemiso 5:2

ሄስ ነና ዎዛናማ ኦና፤ ነ ኦዳይ ነ ኤራተ ቆንጭሳና።

Leemiso 15:7

ጭንጫታ ዶናይ ኤራ ዘሬስ፤ ሽን ኤያታ ዎዛናይ ሄሳ መላ ግደና።

Erata 12:11

ጭንጫታ ቃላይ ሄንንቾይ ዉደ ላግያ ፄራ ኦጮ ፃምአ መላ። እስፈ ሺቅዳ ሌምሶት ጋ ኦይያ ምስማረ መላ።

Isayaasa 5:13

ህዛ ታ አሳይ አኬካ ይዳ ግሾ፥ ድኤታና፤ አይሰይሳት ኮሻን ሀይቃና፤ አሳይ ሳሞን ፁገታና።