Ibraawe 4:2 - ጌሻ ማፃፋ

² ኤንታዉ ዎንገላይ ሳባከትዳይሳዳ፥ ኑስካ ሳባከትስ። ሽን ኤንቲ ስእዳባ አማንድ ኤክቦና ግሾ ኤንታ ጎእቤና።

Gofa New Testament

² Enttaw Wonggelay sabbakettidayssada, nuuskka sabbakettis. Shin entti si7idabaa ammanidi ekkiboonna gisho entta go77ibeenna.

Geeshsha Maxaafa

² Entaw Wongelay sabbaketidaysada, nuuska sabbaketis. Shin enti si7idaba ammanidi ekiboonna gisho enta go77ibeenna.

Ooratha Caaquwa Goofatho

² Enttaw Wonggelay sabbakettidayssada, nuuskka sabbakettis. Shin entti si7idabaa ammanidi ekkiboonna gisho entta go77ibeenna.

ኦራ ጫቁዋ ጎፋ

² ኤንታው ዎንጌላይ ሳባኬቲዳይሳዳ፥ ኑስካ ሳባኬቲስ። ሺን ኤንቲ ሲዒዳባ ኣማኒዲ ኤኪቦና ጊሾ ኤንታ ጎዒቤና።

Ibraawe 4:2 Referans Kwoze

1 ተሰሎንቀ 2:13

ህንተዉ ኑኒ ፆሳ ቃላ ኦድዳ ዎደ አሳ ቃላዳ ግዶናሽን፥ ፆሳ ቃላዳ ስእድ ኤክዳ ግሾ ኑኒ ኡባ ዎደ ፆሳ ጋላቶስ። እ ቱማ ፆሳ ቃላ፤ ፆሳ ቃላይ አማንያ ህንተናን ኦስ።

Ibraawe 11:6

አማኖይ ባይና ኦንካ ፆሳ ኡፋይሳናዉ ዳንዳኤና። ፆሳኮ ያ ኦንካ ፆሳይ ደኤይሳነ ባና ኮየይሳታስ ዎይቶ እመይሳ አማናናዉ ኮሼስ።

Ibraawe 3:12

ታ እሻቶ፥ ህንተፈ ኦደንካ፥ ደኦ ፆሳፈ ህንተና ሻክያ ኢታነ አማኖና ዎዛን ዶና መላ ናገትተ።

1 ፅሞትዮሳ 4:8

አስ ባ አሳተ ምንናዉ ኦያ ኦሶይ ጉስ ማዴስ። ሽን ቱማ አያና ደኦን ባና ሎህሶይ ሀእስካ መርናዉካ ደኦ እምያ ኡፋይስ ደእያ ግሾ፥ ኡባስ ማዴስ።

Roome 2:25

ነ ህገስ ኪተትኮ፥ ነ ቃፃረተስ ማደይ ደኤስ፥ ሽን ኔኒ ህግያስ ኪተቶና እፅኮ ነ ቃፃረተይ ቃፃረትቦና መላ ግዴስ።

ሃዋሬታ ኦሱዋ 13:46

ጳዉሎስነ ባርናባስ ያዮና፥ “ፆሳ ቃላይ ኮይሮትድ ህንተዉ ኦደታናዉ ኮሼስ። ሽን ህንተ ቃላ እፅድ መርና ደኡዋ ኤካናዉ ኑስ በሰና ግድ ህንተ፥ ህንተ ሁጰን ፕርድዳ ግሾ ህዛ ኑኒ አይሁደ ግዶናይሳታኮ ስሞስ።

Yayqooba 1:21

ሄሳ ግሾ፥ ቱና ሀኖታነ ኢታተ ኡባ ድግድ፥ ፆሳይ ህንተ ዎዛናን ቶክዳ ህንተ ሸምፑዋ አሻናዉ ዳንዳእያ ቃላ አዳተን ኤክተ።

Ibraawe 4:6

ኮይሮ ዎንገላ ስእዳይሳት ኪተቶና እፅድ ሸምፖ በሳ ገልቦኮና። ያንያ ግሾ፥ ሀእካ ሄ ሸምፖ በሳ ገላና እስ እስ አሳት ደኦሶና።

1 ቆሮንቶሳ 13:3

ታዉ ደእያባ ኡባ ማንቆታስ እምኮካ፥ ሀር አቶሽን፥ ታና ታማስ አ እምኮካ፥ ሲቆይ ይኮ ታና አይኮካ ማደና።

1 ጰፅሮሳ 1:12

ናበት ኦድዳ ትንብተይ ባንታዉ ግዶናሽን፥ ህንተዉ ግደይሳ ፆሳይ ህንተዉ ቆንጭስስ። ሀእ አሳይ ህንተዉ ኦድዳ ዎንገላ ሳሎፐ ኪተትዳ ጌሻ አያና ዎልቃን ህንተዉ ኦድዶሶና። ኪታንቾትካ ሄሳ በአናዉ አሞትዶሶና።

1 ተሰሎንቀ 1:5

አይስ ጊኮ፥ ኑኒ ዎንገላ ዶና ፃላላን ግዶናሽን፥ ዎልቃን፥ ጌሻ አያናንነ ዎንገላ ቱማ አማኖን ህንተዉ ኤህዳ። ኑኒ ህንተራ ጋምእዳ ዎደ ኡባን ህንተ ግሾ ዋንድ ደእዳኮ ህንተ ኤሬታ።

Galatiya 3:8

ፆሳይ አይሁደ ግዶና አሳ አማኖን ፅልሳናይሳ ጌሻ ማፃፋይ በእድ፥ “ካዎተ ኡባይ ነናን አንጀታና” ያግድ፥ ዎንገላ አብራሃመስ ካሰትድ ኦድስ።

Galatiya 4:13

ታኒ ኮይሮ ሀርገታሸ ህንተዉ ዎንገላ ኦድዳይሳ ህንተ ኤሬታ።

ሃዋሬታ ኦሱዋ 3:26

ፆሳይ ህንተና ኡባ ህንተ ኢታ ኦገፐ ዛሪድ አንጃና መላ ባ ናአ ደንድ ህንተዉ ኮይሮ የድስ” ያግስ።

Zaaretho 1:32

ሀ ኡባይ ሀንንካ፥ ህንተ ዱንካናና በሳነ ህንተ ባና ኦግያ በሳናዉ ቃማ ታማ ቱሳን፥ ጋላስ ሻራ ቱሳን ህንተና ካለዳ ጎዳ ህንተ ፆሳ አማንበከታ።

Roome 3:3

ያትን፥ ኤንታፈ እሶት እሶት ቃላ አማኖና እፅኮ፥ ኤንታ እፆይ ፆሳ አማነተ ድግዬ?

Galatiya 3:2

ታ እስባ ኤራናዉ ኮያይስ፤ ህንተ ጌሻ አያና ኤክዳይ ህገ ናግድየ ዎይኮ ህንተ ስእዳ ዎንገላ አማንድ ኤክደቲ?