Hose 9:10 - ጌሻ ማፃፋ

¹⁰ ጎዳይ፥ “ታኒ መላ ቢታን ዎይነ አይፈ ደምዳይሳዳ እስራኤለ አሳ ደማስ። ታኒ ባላሰ ምን ኮይሮ አይፈ በእዳይሳዳ ህንተ አዋታ በአስ። ሽን ኤንቲ ብኤል-ፋጎራ ጌተትያ በሳ ይድ፥ ዬላይያ ኤቃስ ባንታና ዱማይዶሶና፤ ኤንቲ ሄ ዶስዳ ኤቃዳ ቱንዶሶና።

Geeshsha Maxaafa

¹⁰ Goday, “Taani mela biittan woyne ayfe demmidaysada Isra7eele asaa demmas. Taani balase mithan koyro ayfe be7idaysada hinte aawata be7as. Shin enti Bi7eel-Fagoora geetetiya bessaa yidi, yeellayiya eeqas bantana dummayidosona; enti he dosida eeqada tunidosona.

Hose 9:10 Referans Kwoze

Hose 4:14

ህንተ ማጫ ናይት ላይማትያ ዎደነ ህንተ ናይታ ማቸት ላምያ ዎደ ታኒ ሴርከ። አይስ ጊኮ፥ አደት ባንታ ሁጰን ላይማተይሳታራ ላገቶሶና፤ ኤንታራ ያርሾሶና። ሄሳ ግሾ፥ አኬክ ባይና ደረይ ያና።

Ermiyaasa 11:13

ህንተኖ፥ ይሁዳ አሳዉ፥ ህንተ ፆሳት ህንተ ካታማታ መላ ዳሮ። ቃስ ባኣለ ጌተትያ ዬላያ ፆሳስ እፃነ ጩይሳናዉ ህንተ ጊግስያ ያርሾ በሳት የሩሳላመ ኦገታ መላ ዳሮ’ ያጌስ ጎዳይ።

Mikiyaasa 7:1

ታና አየ! ታኒ ቴራ አይፈይ ማፀትድ ዉርን፥ ዎይንያፐነ ባላሰ ምፈ ባ አሞትዳይሳ ደማናዉ ዳንዳእቦና ኮሻትዳ ኡራ መላ ግዳስ።

Hose 2:15

ያን ታኒ እ ዎይነ ጋደ እዉ ዛራዳ እማና፤ አኮራ ዛንጋራ (መቶ ዛንጋራ) እዉ ኡፋይሳ ፐንገ ኦና። ግብፀ ቢታፈ ከይዳ ዎድያዳ ባ ጌላኦተ ላይን ደእያ ሀኖታን ኡፋይሳን የፃና” ያጌስ።

Hizqeela 20:8

ግዶሽን፥ ኤንቲ ታዉ ማካልድ፥ ታ ኦድያባ ስኦና እፅዶሶና። ኤንቲ ባንታ አሞትዳ ቱና ኤቃታ ድግቦኮና፤ ግብፀ ኤቃታ ጎይኖ አግቦኮና። ሄሳ ግሾ፥ ኤንቲ ግብፀን ደእሽን፥ ታ ሀንቁዋ ኤንታ ቦላ ጉሳናዉ ቆፓስ። ታ ሸንያ ዉርሳናዉ ቆፋ ቃቻስ።

Amoxe 4:5

ህንተ ኦናዉ ዶሰይ ሄሳ ግድያ ግሾ፥ እርሾ የግድ ኡክዳ ኦይ ፁግድ፥ ጋላታ ያርሹዋ ያርሽተ። ህንተ ህንተ ዶሳን እምያ እሙዋ ግሾ፥ ኦቶርትድ አዋጅተ” ያጌስ ኡባ ሃርያ ጎዳይ።

Hose 11:1

“እስራኤለይ ናአ ደእያ ዎደ እያ ዶስዳይ ታና፤ ታ ናኣ ግብፀፈ ፄጋስ።

Ermiyaasa 31:2

“ማሻፈ አትዳ አሳይ መላ ቢታን ታ ስንን ሳባ ደማና። ታኒ እስራኤለ አሳስ ሸምፖ እማናዉ ያና።

Ermiyaasa 5:31

ናበት ዎርዶ ኦዶሶና፤ ካህነት ኤንታ ዞርያን አይሶሶና። ታ አሳይካ ሄሳ መላባ ዶሴስ። ሽን ዉርሰን ህንተ ዋናኔ?” ያጌስ ጎዳይ።

Isayaasa 28:4

አራዳ ዛንጋራ ሁጰን ደእያ ሹልዳ ጪሻይ፥ እያ ቦንቾ አሌቆይ ዎደይ ጋካናፐ ስን ቴርዳ ባላሰ አይፈ መላ ግዳና። እስ አስ ሄ ባላስያ በእያ ዎደ ባ ኩሸን ኦይክዳ መላ ም አጌስ።

Mazmure 81:12

ሄሳ ግሾ፥ ኤንቲ ባንታ ቆፋ ካላና መላ፥ ስሞና ኤንታ ዎዛናስ አዳ እማስ።

1 Kawota 16:31

ናባፃ ናአይ እዮርባም ኦዳ ናጋራ ላፋባ ግድ ቆፎ ፃላላ ግዶናሽን፥ ስዶና ካዋ ኤትባላ ናእዉ ኤልዛቤሎ ባዉ ማቾ ኤክድ፥ ባኣለ ኤቃስ ኦሶነ ጎይኖ ዶምስ።

አይሰይሳታ 6:32

ሄ ጋላስ እዮኣስ፥ “ላለትዳይ እያ ያርሾ በሳ ግድያ ግሾ እያራ ባኣለይ ሞተቶ” ያግድ ገድዮና የሩባኣላ ግድ ሱንስ።

Zaaretho 32:17

ፆሰ ግዶናይሳታስ፥ ካሰ ኤንቲ ኤሮና ፆሳታስ፥ ዝነ ደንድዳይሳታስ፥ ኤንታ አዋት ጎይንቦና ፆሳታስ ያርሽዶሶና።

Zaaretho 32:10

እ ኤንታ መላ ቢታን፥ አይኮይ ባይና መላ ቢታን፥ ጫርኮይ ባቅሽን ደምስ። እያዉ ጎንዳለ ግድስ፥ እያ ናግስ፤ ባ አይፈ ናኤዳ ምንድ ናግስ።

Zaaretho 4:3

ብኤል-ፋጎራ ዙማ ቦላ ጎዳይ ኦዳባ ህንተ፥ ህንተ አይፈን በእደታ። ጎዳይ፥ ህንተ ፆሳይ ብኤል-ፋጎራ ኤቃ ጎይንዳይሳታ ኡባ ህንተ ግዶፈ ይስስ።

Taybo 15:39

ሄ ማጫራ ህንተ በእያ ዎደ ኡባን ታ ኪታታ፥ አኬክድ ፖሌታ፤ ታፐ ሃክድ ህንተ አይፍያ አሙዋነ ህንተ ዎዛና ቆፋ ካልድ ላመተከታ።

Roome 6:21

ህንተና ሀእ ዬላይያ በን ህንተ ኢታ ኦሱዋፐ አይ ማደ ደምደቲ? ሄ ኦሶታ ዉርሰይ ሀይቆ።

Mazmure 115:8

ኤንታ መይሳትነ ኤንታ አማነተይሳት ኤንታ መላ ግዶ።

Ermiyaasa 3:24

ኑ ናአተፈ ዶምን፥ ኑ አዋት ዳቡርድ ደምዳ፥ ኤንታ ዶርሳነ መህያ፥ ኤንታ ማጫነ አደ ናይታ ዬላይያ ኤቃት ምድ ይስዶሶና።

Ermiyaasa 24:2

እስ ኬሽያን ኮይሮ ቴርዳ ዳንያ ሎኦ ባላሰይ ደኤስ፤ ሀንኮ ኬሽያን ቃስ ማናዉ ጊጎና ኢታ ባላሰይ ደኤስ።

Hose 4:18

ኤንቲ ዳሮ ዎይነ ኡሻ ኡይ ስሚድ፥ ላይማተ አጎኮና፤ ኤንታ ሀላቃትካ ዬላያባ ዳሮ ዶሶሶና።

Taybo 18:13

ኤንቲ ጎዳስ ኤህያ ጋደን ኮይሮ ጋክዳ አይፈይ ህንተሳ፤ ህንተ ሶ አሳ ግዶን ዎጋዳ ቱና ግዶና ኡባይ ሄሳ ሞ።

2 Kawota 17:11

ጎዳይ በን ኤንታ ስንፈ ጎድድ ከስዳ አላጋ አሳይ ኦዳይሳዳ፥ ቃ በሳ ኡባን እፃነ ጩይስዶሶና። ኤንቲ ኢታባ ኦድ ጎዳ ሀንቀዶሶና።

Solomone 3:6

ዛልአንቾ እፃነዳነ ካርበዳ ሳውያራ፥ ጩያ ቱሱ ዳንያራ፥ ሀና መላ ቢታፈ ያራ እያ ኦኔ?

Ermiyaasa 3:25

ናአተፈ ሀች ጋካናዉ፥ ኑነ ኑ አዋት ጎዳ ኑ ፆሳ ቦላ ናጋራ ኦዳ። ጎዳ ኑ ፆሳ ቃላ ኪተትቦኮ። ሄሳ ግሾ፥ ኑኒ ዬላን ጉፋናናዉ ቃስ ካዉሻተ አፍላዳ ኑና ካሞ” ያጎሶና።

Hose 13:5

ባዞን፥ መላ ቢታን ታኒ ህንተና ናጋስ።