Hose 8:13 - ጌሻ ማፃፋ

¹³ ኤንቲ ያርሻናዉ ዶሶሶና፤ ያርሾ አሹዋ ሞሶና፥ ሽን ጎዳይ ኤንታ ያርሹዋ ኤክቤና። እ ሀእ ኤንታ ናጋራ ሀሳያና፤ ኤንታ ናጋራ ግሾ ኤንታ ሴራና፤ ኤንቲ ግብፀ ቢታ ስማና።

Geeshsha Maxaafa

¹³ Enti yarshanaw dosoosona; yarsho ashuwa moosona, shin Goday enta yarshuwa ekibeenna. I ha77i enta nagara hassayana; enta nagaraa gisho enta seerana; enti Gibxe biitta simmana.

Hose 8:13 Referans Kwoze

Hose 9:9

ግብአ ካታማን ሀንዳይሳዳ ኤንቲ ቱንዶሶና። ፆሳይ ኤንታ ናቁዋ ሀሳያና፤ ናጋራ ግሾ ኤንታ ሴራና።

Hose 9:6

ኤንቲ ዮፐ ከስ ኤክኮካ ግብፀይ ኤንታ ሺሻና፤ መምፕሳ ካታማይ ኤንታ ሞጋና። ኤንቲ ሺሽዳ ብራ ሚሸ ኡባ ሻራፍ ምታና፤ ኤንቲ ደእያ በሳን ቡሎይ ዶላና።

Amoxe 8:7

ያይቆብ እያ ሱንን ጬቀትያ ጎዳይ፥ ፆሳይ፥ ሀይሳዳ ያግድ ባ ሁጰን ጫቅስ፦ “ታኒ ኤንቲ ኦዳ ኢታ ኦሶ ኡባ ዶግከ።

Amoxe 5:22

ህንተ ታዉ ፁሳ ያርሾነ ካ ያርሾ ሺሽያ ዎደ ታኒ ኤክከ። ቃስ ህንተ ታዉ እስፈተ ያርሾስ ኤህያ ዶረትዳ ሞ መሄታ በእከ።

Hose 11:5

ኤንቲ ታኮ ስሞና እፅድ ግብፀ ቢታ ስማና፤ አሶረ ቢታ ካዎይ ኤንታ ቦላ ካዎታና።

Hose 5:6

ኤንቲ ጎዳስ ያርሻናዉ ባንታ ዶርሳ ዉድያነ መሄ ዉድያ ላግ ኤክድ እያ ኮያናዉ ባና፤ ሽን እ ኤንታፈ ሻከትዳ ግሾ እያ ደሞኮና።

Ermiyaasa 14:10

ሀ አሳታባ ጎዳይ ሀይሳዳ ያጌስ፦ “ኤንቲ ቶይላተ ዳሮ ዶሶሶና፤ ባንታ ቶሁዋ ተቆኮና። ሄሳ ግሾ፥ ጎዳይ ኤንታን ኡፋይተና። እ ኤንታ ኢታ ኦሱዋ ሀሳይድ፥ ኤንታ ናጋራ ግሾ ኤንታ ሴራና” ያጌስ።

Isayaasa 1:11

“ህንተ ያርሾ ዳሮይ ታዉ አይ ኦ? ሀኖ ጋካናዉ ህንተ ታዉ ሺሽዳ ኡርገ ዶርሳነ ሞ መሄ ፁሳ ያርሾይ ታዉ ግዳና። ታኒ ኮርማታ፥ ዶርሳ ኡርገታነ ዴሻታ ሱን ኡፋይትከ።

Zaaretho 28:68

ታ ነና፥ “ዛራዳ ሀ ኦግያራ ባካ” ግዳ ኦግያራ ጎዳይ ነና ዛሪድ ማርካበን ጉየ ግብፀ የዳና። ያን ነኒ አይለ ግዳናዉ ነ ሞርከታስ ነና ባይዛናዉ ኮያና፥ ሽን ህንተና አይለያናዉ ሻምያ አስ ደመከታ።

ዮሃኒሳ ቆንጬ 16:19

ግታ ካታማይ ሄ ከይድ ሻከትስ፤ ቢታ ኡባን ደእያ ካታማት ይዶሶና። ፆሳይ ግታ ካታማ ባብሎነ ቆፕድ፥ ባ ኢታ ሀንቆ ዎይነ ኡሻይ ኩምዳ ፁኣ እዉ እሚስ።

1 ቆሮንቶሳ 11:29

ጎዳ አሹዋባ ሻክድ ኤሮና፥ ኡይ መይነ ፁአፐ ኡየይ፥ ባ ቦላ ፕርዳ ሜስነ ኡዬስ።

1 ቆሮንቶሳ 11:20

ህንተ እስፈ ሺቅያ ዎደ ህንተ ሺቀይ ጎዳ ካሁዋ ማናሳ ግደና።

Hose 12:11

ጋላድ ኢታ ናጋራንቾ፤ ጋላዳ አሳት ፓናይሳታ። ኤንቲ ጋልጋላን ኮርማታ ያርሻና። ኤንታ ያርሾ በሳይ ጎሻን ደእያ ኬላ ሹቻዳ ላለታና።

Hose 7:16

ኤንቲ ሀዳባኮ ስምዶሶና። ኤንቲ አማንና ዶንገ ግድዶሶና። ኤንታ ሀላቃት ኢታባ ኦደትዳ ግሾ ማሻን ዉራና፤ ሄስካ ኤንታዉ ግብፀን ሚቻስ ግዳና።

Hose 7:2

ሽን ታኒ ኤንታ ኢታ ኦሶ ኡባ ኤረይሳ አኬኮኮና። ኤንታ ኢታ ኦሶይ ኤንታ ናቅ ኦይክስ፤ ሄ ኢታ ኦሶይ ኡባ ዎደ ታ ስንን ደኤስ።

Hose 4:9

ካህነት ደርያፐ ዱማትቦኮና። ታኒ ኤንታ ሀኖታ ግሾ፥ ኤንታ ሴራና፤ ኤንታ ኦሱዋዳ ኤንታዉ ዛራና።

Leemiso 21:27

ጎዳይ ኢታታ ያርሹዋ እፄስ፤ ኤንቲ እያዉ ኢታ ቆፋን ሺሽያ ያርሹዋ አድ እፄስ።

1 Sameela 15:22

ሳሜል፥ “ጎዳይ ባ ቃላስ ኪተተይሳን ኡፋይተይሳ መላ ፁሳ ያርሾንነ ሀራ ያርሾን ኡፋይቲ? ሄኮ፥ ኪተተ ያርሾፈ አስ፤ እያ ስስ ዶርሳ ሞ ያርሸይሳፈ አስ።

Kessa 32:34

ሀእ ባዳ፥ ሀ አሳ ታኒ ነዉ ኦድዳ በሳ ካለ። ታ ኪታንቾይካ ነና ካለናይሳ አኬካ፥ ሽን ታኒ ሀ አሳ ኤንታ ናጋራ ግሾ ሴራና ዎደይ ያናይስ አተና” ያግስ።

Kessa 20:3

“ታፐ አትሽን፥ ሀራ ፆሰ ጎይኖፋ።

Luqaasa 12:2

ቆንጮና ቆሰትድ፥ ኤረቶና ጌምድ አትያባይ አይኮይካ ባዋ።

1 ቆሮንቶሳ 4:5

ሄሳ ግሾ፥ ዎደይ ጋኮና፥ ጎዳይ ዮና ኦደ ቦላካ ፕርዶፍተ። እ ማን ጌምዳባ ፖኦን ከሰና፤ አሳ ዎዛናን ቆሰትዳ ቆፋ ቆንጭሳና። ሄ ዎደ፥ እሶይ እሶይ ፆሳፈ ጋላታ ኤካና።

Ermiyaasa 6:20

ሳባ ቢታፈ እፃነ ዎይኮ ሃሆ ቢታፈ ይዳ ሳዎይነ ቅማመይ ታዉ አይሴ? ህንተ ፁሳ ያርሾይካ ኤከተና። ህንተ ያርሾይ ታና ኡፋይሰና” ያጌስ።

Hizqeela 29:16

እስራኤለይ ዛሪድ ማዶ ደማናዉ ግብፀን አማነተና፤ ግብፀን አማነትዳ አማነተይ አይ መላ ቆሆኮ እስራኤለይ አኬካና። ታኒ ኡባ ሃርያ ጎዳ ግደይሳ ኤንቲ ሄ ዎደ ኤራና” ያጌስ።

Hose 7:11

“ኤፍሬማ አሳይ ሆለዳ ኤያነ ጮ ጭመተይሳታ። ኤንቲ ማዶ ደማናዉ እስ ቶሆ ግብፀ፤ እስ ቶሆ አሶረ ስሞሶና።

Hose 9:7

ሴራ ጋላስ ይስ፤ ፕርዳ ዎደይ ጋክስ። እስራኤለ አሳይ ሄሳ ኤሮ! ህንተ ናጋራ ግሾነ ሞርከተ ግሾ ናበይ ኤያ መላ ፆሳ አስ ጌተትዳይስ ጎሻ መላ ታይበትስ።

Hose 6:6

ታ ያርሾ ግዶናሽን ማሮታ ኮያይስ፤ ፁሳ ያርሾ ግዶናሽን ፆሳ ኤሮ ኮያይስ።

Amoxe 3:2

ጎዳይ፥ “ሳአን ደእያ አሳ ኡባፈ ታኒ ህንተ ፃላላ ዶራስ። ሄሳ ግሾ፥ ህንተ ኦዳ ናጋራ ኡባስ ታኒ ህንተና ሴራና” ያጌስ።