Hose 7:7 - ጌሻ ማፃፋ

⁷ ኤንቲ ኡባይ ቴልዳ ጮጨ መላ ባንታ ሀላቃታ ሞሶና። ኤንታ ካዎት ኡባይ ኩንድዶሶና፤ ኤንታፈ ኦንካ ታና ፄገይ ባዋ።

Geeshsha Maxaafa

⁷ Enti ubbay teellida cooce mela banta halaqata moosona. Enta kawoti ubbay kundidosona; entafe oonika tana xeegey baawa.

Hose 7:7 Referans Kwoze

2 Kawota 15:30

አዛርያሳ ናአይ እዮአታም ካዎትዳ ላታማን ላይን፥ ኤላ ናአይ ሆሰይ ራማላ ናኣ ፓቁሄ ቦላ ማቀትድ ዎድ፥ እያ በሳን ባዉ ካዎትስ።

2 Kawota 15:25

እያ ቶራ ሞጮናታፐ እሶይ፥ ራማላ ናአይ ፓቁሄይ እያ ቦላ ማቀትድ ደንድስ። ጋላዳ አሳፐ እሻታሙ አደታ ባራ ኤክድ፥ ሳማረን ካዎ ጋን ደእያ ሚፃ ገልስ። ፓቁሄይ፥ ፓቅስያሳ፥ አርጎባነ አርያ እስፈ ዎድ እያ በሳን ባዉ ካዎትስ።

2 Kawota 15:14

ጋደ ናአይ ምናሄም ትርሳ ካታማፐ ሳማረ ብስ። ሳማረን ደእያ ያበሳ ናኣ ሳሉማ ዎድ እያ በሳን ባዉ ካዎትስ።

2 Kawota 15:10

እያቤሳ ናአይ ሳሎም ዛካርያሳ ቦላ ማቀትድ፥ ይብላማ ጌተትያ በሳን ዎድ እያ በሳን ባዉ ካዎትስ።

Hose 8:4

ኤንቲ ታና ኦይቾና ባንታዉ ካዎታ ካዎዶሶና፤ ታ ኤሮና ደእሽን ባንታዉ ሀላቃታ ዶርዶሶና። ያናዉ ማችድ ኤቃ ምስለታ ባንታ ብራፐነ ዎርቃፈ መዶሶና።

Hose 7:10

እስራኤለ አሳ ኦቶሮይ ኤንታ ቦላ ማርካቴስ። ሄስ ኡባይ ሀንንካ ኤንቲ ጎዳኮ፥ ባንታ ፆሳኮ፥ ስምቦኮና ዎይኮ እያ ኮይቦኮና።

Isayaasa 64:7

ኔኒ ነ ስን ኑፐ ገንዳሳ፤ ኑ ናጋራይ ኑና ይሳና መላ አጋዳሳ። ነ ሱን ፄገይ ዴና፤ ነና ምንድ ኦይካናዉ ኮየይ ባዋ።

Isayaasa 43:22

ሽን ነኖ ያይቆባ፥ ኔኒ ታ ሱን ፄጋባካ፤ ነኖ እስራኤለ፥ ኔኒ ታና ሳለታዳሳ።

Isayaasa 9:13

ግዶሽን፥ አሳይ ባንታና ሾጭዳይሳኮ ስምቦኮና፤ ኡባፈ ዎልቃማ ጎዳ ኮይቦኮና።

Iyyoba 36:13

“ፆሳ አማኖና አሳት ባንታ ዎዛናን ይሎትዳ መላ ደኦሶና፤ እ ኤንታ ፕርድያ ዎደ ማደ ኮይድ ዎሶኮና።

Hose 7:14

ባንታ ሂፃን ዝንእድ ዘሌሎሶና፥ ሽን ባንታ ዎዛናፐ ዎሶኮና። ካስነ ዎይነ ኡሻስ ባንታ አሳተ ጋሮሶና፥ ሽን ኤንቲ ታፐ ሃክዶሶና።

Hose 5:15

ኤንቲ ባንታ ባላ አኬካና ጋካናዉነ ታና ኮያና ጋካናዉ ታኒ ጉየ ታ በሳ ስማና። ኤንቲ ባንታ ዋያን ታና ምንድ ኮያና’ ” ያጌስ።

Daanela 9:13

ሙሰ ህግያን ፃፈትዳይሳዳ፥ ሀ ዮ ኡባይ ኑ ቦላ ጋክስ። ኑኒ ኑ ናጋራፐ ስምቦኮ፤ ነ ቱማ ስእቦኮ፤ ነና፥ ጎዳ፥ ኑ ፆሳ ማሮታ ኦይችቦኮ።

Hizqeela 22:30

“ታኒ ቢታ ይሶና መላ ድርሳ ግምብያ ኬፀይ፥ ላለትዳ ድርሳ ግምብያ ባጋራ ታ ስንን ኤቅድ ናግያ እስ አስ ኮያስ፤ ሽን ኦናካ ደማብከ።

2 Kawota 10:14

እዩይ ባ አሳታ፥ “ኤንታ ፓፃ ኦይክተ” ያግድ ኪትን፥ ኤንታ ፓፃ ኦይክድ፥ ሄንንቾታ ሞን ደእያ ሃ ኦላ ማታን ኤንታ ኦይታማነ ናምአታ ዎዶሶና፤ እ ኤንታፈ እሱዋካ አሽቤና።

2 Kawota 10:7

ሄ ካዋ ኮቻታ ድችያ አሳታኮ ዳብዳበይ ጋክዳ ዎደ፥ ላፑን ታሙ ካዋ ኮቻታ ዎዶሶና። ኤንታ ቆያ ሙጭድ፥ ኤንታ ጉግያ ኬሸን ኤክድ፥ እዝራኤላን ደእያ እዩስ የድዶሶና።

2 Kawota 9:33

እዩይ፥ “እዮ ዱገ ሆልተ” ያግስ። ኤንቲ እዮ ዱገ ሆልዶሶና። እ ሱይ ጎዳ ቦላነ ፓራታ ቦላ ርጨትስ፤ ፓራት ባንታ ቶሁዋን እዮ የዶሶና።

2 Kawota 9:24

እዩይ፥ ባ ዶንግያ ባ ኩመ ዎልቃን ዳፍድ፥ እዮራማ ናምኡ ካትሶታፐ ግዶን ዱክስ። ዶንገ ቶራይ እያ ዎዛናራ ካንድ ከይን፥ ባ ጋርያ ግዶን ኩንድስ።

1 Kawota 16:18

ካታማይ ኦይከትዳይሳ በእዳ ዎደ ዝምር ካዎ ጋ ግዶን ደእያ ግምብያ ገልድ ካዎ ጋ ታማን ኦይስ፤ እካ ሀይቅስ።

1 Kawota 16:22

ሽን ኦምራ ማድያ አሳይ ግናታ ናኣ ትብና ማድያ አሳፐ ምንዳ ግሾ ትብን ሀይቅን ኦምር ካዎትስ።

1 Kawota 15:28

ይሁዳ ካዎይ አስ ካዎትዳ ሄን ላይን ባኦስ ናዳባ ዎድ እያ በሳን እ ባዉ ካዎትስ።

Hose 13:10

ህንተ ታና፥ ‘ኑስ ካዎነ ሀላቃ እማ’ ያግድ ኦይችደታ። ህንተና አሽያ ህንተ ካዎይ አኔ? ካታማታን ደእያ ህንተ ሀላቃት አዉን ደኦና?

Mikiyaasa 2:1

ኢታባ ሀልቸይሳታ፥ ቃስ ባንታ ሂፃን ደእሸ፥ ገነ ዋት ኦነኮ ቆፐይሳታ አየ! ዎልቃይ ኤንታ ኩሸን ደእያ ግሾ፥ ሳእ ዎንትያ ዎደ ባንታ ቆፋ ፖሎሶና።

Mazmure 14:4

አስ ካ መይሳዳ፥ ኤንቲ ታ አሳ ቦንቅድ ሞሶና፤ ሀ ኢታ አሳት አይባካ ኤሮኮና፤ ኤንቲ ፆሳ ዎሶኮና።

Isayaasa 64:4

በንፐ ዶምድ፥ ነና አማነትድ፥ ናገይሳታስ ማላታታ ኦዳይ ኔፐ አትሽን፥ ሀራ ፆሲ፥ አሳ ሀይ ስእቤና፤ አሳ አይፈይ በእቤና።

Isayaasa 64:6

ኑኒ ኡባይ ቱና አስ ግድዳ፤ ኑ ፅሎተ ኦሶ ኡባይ ቱና ጩርቃ መላ። ኑ ኡባይ ቦንጮዳ ቆለትዳ፤ ኑ ናጋራይ ኑና ጫርኮዳ ፕትድ ኤፍስ።