Hose 7:2 - ጌሻ ማፃፋ

² ሽን ታኒ ኤንታ ኢታ ኦሶ ኡባ ኤረይሳ አኬኮኮና። ኤንታ ኢታ ኦሶይ ኤንታ ናቅ ኦይክስ፤ ሄ ኢታ ኦሶይ ኡባ ዎደ ታ ስንን ደኤስ።

Geeshsha Maxaafa

² Shin taani enta iita ooso ubbaa ereysa akeekokona. Enta iita oosoy enta naaqi oykis; he iita oosoy ubba wode ta sinthan de7ees.

Hose 7:2 Referans Kwoze

Luqaasa 12:2

ቆንጮና ቆሰትድ፥ ኤረቶና ጌምድ አትያባይ አይኮይካ ባዋ።

Mazmure 90:8

ኑ ኢታ ኦሱዋ ነ ስንን ዎዳሳ፤ ኑ ጌምዳ ናጋራ ነ ሶምኡዋ ፖኡዋን ዎዳሳ።

Amoxe 8:7

ያይቆብ እያ ሱንን ጬቀትያ ጎዳይ፥ ፆሳይ፥ ሀይሳዳ ያግድ ባ ሁጰን ጫቅስ፦ “ታኒ ኤንቲ ኦዳ ኢታ ኦሶ ኡባ ዶግከ።

Ermiyaasa 14:10

ሀ አሳታባ ጎዳይ ሀይሳዳ ያጌስ፦ “ኤንቲ ቶይላተ ዳሮ ዶሶሶና፤ ባንታ ቶሁዋ ተቆኮና። ሄሳ ግሾ፥ ጎዳይ ኤንታን ኡፋይተና። እ ኤንታ ኢታ ኦሱዋ ሀሳይድ፥ ኤንታ ናጋራ ግሾ ኤንታ ሴራና” ያጌስ።

Ermiyaasa 2:19

ህዛ ነ ኢታተይ ነና ሴራና፤ ነ ታና ካድዳይስ ነ ቦላ ፕርዳና። ነ ታና ጎዳ ነ ፆሳ አግዳይስ አይ መላ ኢታነ ጫሞ ግድያኮ አኬካ በአ። ነ ታዉ ያይያ ያሻይ ባዋ” ያጌስ ጎዳይ፥ ኡባፈ ዎልቃማ ፆሳይ።

Ibraawe 4:13

ፆሳ ስንፈ ቆሰትያባይ አይባ መተካ ባዋ። እያ አይፈ ስንን ኡባባይ ቆንጨነ ካሎ ደኤስ። ኑኒ ዛሮ እማናዉ በሰይ እያ ስንና።

1 ቆሮንቶሳ 4:5

ሄሳ ግሾ፥ ዎደይ ጋኮና፥ ጎዳይ ዮና ኦደ ቦላካ ፕርዶፍተ። እ ማን ጌምዳባ ፖኦን ከሰና፤ አሳ ዎዛናን ቆሰትዳ ቆፋ ቆንጭሳና። ሄ ዎደ፥ እሶይ እሶይ ፆሳፈ ጋላታ ኤካና።

Hose 9:9

ግብአ ካታማን ሀንዳይሳዳ ኤንቲ ቱንዶሶና። ፆሳይ ኤንታ ናቁዋ ሀሳያና፤ ናጋራ ግሾ ኤንታ ሴራና።

Ermiyaasa 32:19

ነ ሀልቾይ ግታ፤ ነ ኦያ ኦሶይ ዎልቃማ። አሳ ኦገ ኡባ ነ በኣሳ፤ አሳ ኡባስ እያ ኦግያዳነ እያ ኦሱዋዳ ዛራሳ።

Ermiyaasa 16:17

ታ አይፈይ ኤንታ ኦግያ ቦላ ደኤስ፤ ኤንቲ ታፐ ቆሰትቦኮና፤ ኤንታ ናጋራይ ታ ስንፈ ጌምቤና።

Ermiyaasa 4:18

ይሁዳ አሳዉ፥ ህንተ ሀኖይነ ህንተ ኦሶይ ሀይሳ ኡባ ህንተ ቦላ ኤህስ። ሀይስ ህንተዉ ሴራ። እ አይ መላ ጫም! ህንተ ዎዛና አይ መላ ጫድ!

Isayaasa 5:12

ኤንታ እማቱዋን ማስንቆይ፥ ዲ፥ ካራቦይ፥ ሱሱልኤይነ ዎይነ ኡሽ ደኤስ። ሽን ኤንቲ ጎዳ ኦሱዋ በእቦኮና፤ እያ ኩሸ ኦሱዋ አኬኮኮና።

Mazmure 25:7

ታ ናአተ ናጋራነ ኢታባ ሀሳዮፓ፤ አቤት ጎዳዉ፥ ነ ኬሀተነ ሎኦተ ሀሳያ።

Mazmure 9:16

ጎዳይ ባ ፅሎ ፕርዳን ኤረትስ፤ ኢታ አሳይ ባንታ ኢታ ኦሱዋን ኦይከትዶሶና። ሳላህ

Hose 8:13

ኤንቲ ያርሻናዉ ዶሶሶና፤ ያርሾ አሹዋ ሞሶና፥ ሽን ጎዳይ ኤንታ ያርሹዋ ኤክቤና። እ ሀእ ኤንታ ናጋራ ሀሳያና፤ ኤንታ ናጋራ ግሾ ኤንታ ሴራና፤ ኤንቲ ግብፀ ቢታ ስማና።

Isayaasa 1:3

ቦር ባ ጎዳ ኤሬስ፤ ሀረይካ ባና ሃርዳይሳ ዛዳሉዋ ኤሬስ። ሽን እስራኤለይ ኤረና፤ ታ አሳይ አኬከና።

Mazmure 50:22

ህንተኖ፥ ፆሳ ዶገይሳቶ፥ ሀይሳ አኬክተ፤ ሄስ ሀኖና እፅኮ ታ ህንተና መንረና፤ ሄ ዎደ ህንተና አሻናይ ባዋ።

Iyyoba 34:21

“ፆሳይ አሳ ሄመ ፄሌስ፤ እያ ታንጎ ኡባ ዎቼስ።

Zaaretho 32:29

ኤንቲ ጭንጭድ አኬክዳኮ ሀይሳ ኤራና፥ ባንታ ዉርሰካ ሻካናሽን።

Taybo 32:23

“ህንተ ሄሳ ኦና እፅኮ ጎዳ ቦላ ናጋራ ኦታ፤ ህዛ፥ ህንተ ናጋራ ግሾ ህንተና ሴር ጋካናይሳ ሎይ ኤርተ።

Isayaasa 44:19

ኤቃ ኦያ አሳ ግዶፈ ባ ዎዛናን፥ “እያፐ ባጋ ታማን ኤስ፤ እያ ቦንቁዋን ካ ካስ፤ እያን አሾ ጫጫዳ ማስ። እያፐ አትዳይሳ እፀትዳ ኤቃ ኦዳ መ? አትዳ ጩገ ምስ ጉፋናዳ ጎይኖ?” ያግድ ቆፕያ ዎይኮ አኬክያ አስ ባዋ።

Isayaasa 26:16

አቤት ጎዳዉ፥ መቶ ዎደ ኤንቲ ነና ኮይዶሶና። ነ ኤንታ ሴርዳ ዎደ ነና ካልካሽድ ዎስዶሶና።

Ermiyaasa 17:1

“ይሁዳ ናጋራይ ብራታ ቢረን ፃፈትስ፤ ኤንታ ዎዛና ቦላነ ያርሾ በሳን ደእያ ካጭያ ቦላ አልማዘ ጌተትያ ሹቻ ፄራን ፃፈትስ።

Ermiyaasa 44:21

“ህንተነ ህንተ ማይዛት፥ ህንተ ካዎትነ ህንተ ሀላቃት፥ ቢታን ደእያ አሳ ኡባይ፥ ይሁዳ ካታማታንነ የሩሳላመ ኦገታን እፃነ ጩይስዳይሳ ጎዳይ ኤረና ዎይኮ ዶግስ ግድ ቆፔቲ?

Hose 4:9

ካህነት ደርያፐ ዱማትቦኮና። ታኒ ኤንታ ሀኖታ ግሾ፥ ኤንታ ሴራና፤ ኤንታ ኦሱዋዳ ኤንታዉ ዛራና።

Hose 9:15

ጎዳይ፥ “ኤንታ ኢታተ ግሾ ታኒ ጋልጋላን እፆ ዶማስ። ኤንታ ናጋራ ግሾ ታኒ ኤንታ ታ ኬፈ ጎዳና፤ ህዛፐ ጉየ ታ ኤንታ ዶስከ፤ ኤንታ ሀላቃት ኡባይ ጌላታ።

Hose 12:2

ጎዳስ ይሁዳ አሳራ ሞቶይ ደኤስ፤ እ ያይቆባ ናይታ ኤንታ ኦግያዳ ሴራና፤ ኤንታ ኦሱዋዳ ኤንታዉ ዛራና።

Yoonasa 1:2

“ሄ ካታማ አሳ ኢታተይ ታ ስን ጋክዳ ግሾ፥ ደንዳዳ ህን ዎልቃማ ካታማ ናናወ ባዳ ሳባካ” ያግስ።

Mazmure 10:11

እ ባ ዎዛናን፥ “ፆሳይ ዶግስ። ባ ሶምኡዋ ገንድ በኤና” ያጌስ።

Hizqeela 21:29

ህንተ በእያ ቆንጨይ ዎርዶ፤ ህንተ ኦድያ ትንብተይ ዎርዶ። ህንተ ኢታነ ቱና አስ፤ ህንተ ፕርዳ ጋላሳይ ጋክስ ህንተ ቆን ማሽ ዎና ሀኔስ።

Hose 6:2

ናምኡ ጋላሳፐ ጉየ እ ኑና ፓና፤ ሄን ጋላሳን ኑ እያ ስንን ዳና መላ ኑና ደንና።