Hose 7:13 - ጌሻ ማፃፋ

¹³ “ኤንታ አየ! ኤንቲ ታፐ ሃክዶሶና። ኤንታዉ ዮ ግዶ! ኤንቲ ታ ቦላ ማካልዶሶና። ታኒ ኤንታ ዎዛናዉ ኮያስ፥ ሽን ኤንቲ ታ ቦላ ዎርዶ ሃሳዮሶና።

Geeshsha Maxaafa

¹³ “Enta ayye! Enti taape haakidosona. Entaw dhayo gido! Enti ta bolla makallidosona. Taani enta wozanaw koyas, shin enti ta bolla wordo haasayoosona.

Hose 7:13 Referans Kwoze

Hose 9:12

ኤንቲ ናአ የልድ ድችያባ ግድኮካ ታ ኤንታ ዎ ዉርሳና። ታኒ ኤንታፈ ሃክዳ ዎደ ኤንታና አየ!

Hose 11:12

ኤፍሬማ አሳይ ዎርዶን፥ እስራኤለ አሳይ ጭሞን ታና ተቅዶሶና። ይሁዳ አሳይ አማንያ ጌሻ ፆሳ ቦላ ፃልታምስ።

ዮሃኒሳ ቆንጬ 8:13

እስ አርጋን ሳሎ ቁ ግድ፥ ፕራሽን በአስ። ሄ አርጋንይ ባ ቃላ ቁ ኦድ፥ “አትዳ ሄ ኪታንቾት ባንታ ሞይዝያ ፑናናዉ ደእያ ግሾ፥ ሳአን ደእያ አሳ አየ! አየ! አየ!” ያግሽን ስአስ።

1 ዮሃንሳ 1:10

ኑኒ ናጋራ ኦቦኮ ጊኮ ፆሳ ዎርዳንቾ ከሶስ፤ እያ ቃላይካ ኑናን ዴና።

Maatosa 23:37

“የሩሳላመ፥ የሩሳላመ፥ ናበታ ዎያረ! ፆሳይ ኔኮ ኪትዳይሳታ ሹቻን ጫድያረ! ኩቶይ ባ ናይታ ባ ቀፈን ሀጰይሳዳ ታኒ ነ አሳ ታ ቀስያን ገቻናዉ አፑን ቶሆ ኮያድና! ሽን ታና ድጋዳሳ።

Mikiyaasa 6:4

ታኒ ህንተና ግብፀ ቢታፈ ከሳስ፤ ታ ህንተና አይለተ ቢታፈ ዎዛስ። ህንተና ካለና መላ ሙሰ፥ አሮናነ ማይራሞ ህንተዉ እማስ።

Yoonasa 1:10

እ ኤንታዉ ኮይሮትድ ኦድዳይሳዳ እ ጎዳ ስንፈ በተይሳ ኤርዶሶና። ሄሳ ግሾ፥ ኤንቲ ያይድ፥ “ላ አይባ ፓላባ ኦድ” ያግዶሶና።

Yoonasa 1:3

ሽን ዮናስ ጎዳ ስንፈ በትድ ታርሰሳ ቢታ ባናዉ ከይስ። እ፥ ዮጰ ካታማ ዎድ ታርሰሳ ብያ ማርካበ ደምስ። ጎዳ ስንፈ በታናዉ ኮይድ ታርሰሳ ባናዉ ኮሽያ ሚሸ ጭግድ ማርካብያን ገልስ።

Hose 11:2

ታኒ ኤንታ ዳርሳዳ ፄግን፥ ኤንቲ ታፐ ዳሮ ሃክድ ብዶሶና። ባኣለ ኤቃታስ ያርሾ ያርሽዶሶና፤ ኤቃ ምስለታስ እፃነ ጩይስዶሶና።

Hose 9:17

ኤንቲ እያዉ ኪተቶና እፅዳ ግሾ ታ ፆሳይ ኤንታ ፕፅር ሆላና፤ ኤንቲ ካዎተታ ግዶን ቶይላትሸ ዳና።

Hose 7:3

“ኤንቲ ካዋ ባንታ ኢታተን፥ ሀላቃታ ባንታ ዎርዱዋን ኡፋይሶሶና።

Hose 7:1

“ታኒ እስራኤለ ፓናዉ ኮይያ ዎደ ኤፍሬማ ናጋራይነ ሳማረ አሳ ኢታ ኦሶይ ቆንጭስ። ኤንቲ ኡባ ዎደ ጭሞሶና፤ ካይሶት መንድ ገሎሶና፤ ፓንጋት ከይድ ቦንቆሶና።

Hizqeela 34:6

ታ ዶርሳት ላለትዶሶና፤ ኤንቲ ዙማታ ቦላነ ደረታ ቦላ ቶይላትዶሶና። ቢታ ጋፃ ጋካናዉ ላለትዶሶና፤ ሽን ኤንታ ፆሞሰይ ዎይኮ ኮየይ ባዋ” ያጌስ ኡባ ሃርያ ጎዳይ።

Hizqeela 18:25

ግዶሽን፥ “ህንተ፥ ‘ጎዳ ኦገይ ሱረ ግደና’ ጌታ። እስራኤለ አሳዉ፥ ስእተ፤ ሱረ ግዶናይ ታ ኦግያዬ? ህንተ ኦግያ ግደኔ?

Hizqeela 18:2

“እስራኤለ ቢታባ አሳይ፥ ‘አዋቲ ቃዉኤ ዎይነ ምን፥ ናይታ አቻይ ሀይቅስ’ ያግድ ኦድያ ሌምሶይ አይቤ?

Hizqeela 16:23

ኡባ ሃርያ ጎዳይ፥ “አየ! ነና አየ!” ያጌስ። ሀ ኢታተ ኡባ ቦላ ጉጃዳ፥

Milalsa 5:16

ኑ ሁጵያፐ ካላቻይ ኩንድስ፤ ኑ ናጋራ ኦዳ ግሾ ኑና አየ!

Ermiyaasa 42:20

ህንተ ታኮ፥ ‘ኑ ግሾ ጎዳ ኑ ፆሳ ዎሳ፤ እ ነዉ ኦድያባ ኡባ ኑስ ኦዳ፤ ኑ ኦና’ ያግድ፥ ታና ጎዳኮ፥ ህንተ ፆሳኮ፥ ኪትደታ፤ ሄሳን ግታ ባላ ባልደታ።

Ermiyaasa 14:10

ሀ አሳታባ ጎዳይ ሀይሳዳ ያጌስ፦ “ኤንቲ ቶይላተ ዳሮ ዶሶሶና፤ ባንታ ቶሁዋ ተቆኮና። ሄሳ ግሾ፥ ጎዳይ ኤንታን ኡፋይተና። እ ኤንታ ኢታ ኦሱዋ ሀሳይድ፥ ኤንታ ናጋራ ግሾ ኤንታ ሴራና” ያጌስ።

Isayaasa 63:8

እ፥ “ኤንቲ ቱማ ታ አሰነ ታ ናአ ግድያ ግሾ፥ ታዉ ዎርዶቶኮና” ያግስ። ሄሳ ግሾ፥ እ ኤንታ አሸይሳ ግድስ።

Isayaasa 59:13

ኑኒ ማካልድ፥ ጎዳ ካዳ፤ ኑ ፆሳ አግድ ጉየ ስምዳ። ጌላተነ ገነ ኦደትዳ፤ ኑኒ ዎርዶ ቃንትድ ዎርዶ የልዳ።

Isayaasa 43:1

ሽን ነኖ ያይቆባ ነና መዳይ፥ ነኖ እስራኤለ፥ ነና ጊግስዳይ፥ ጎዳይ ሀይሳዳ ያጌስ፦ “ታኒ ነና ዎዝዳ ግሾ ያዮፋ፤ ታኒ ነና ነ ሱንን ፄጋስ፤ ኔኒ ታባ።

Isayaasa 41:14

ነኖ ጉፁንያዉ፥ ያይቆባ፥ ህንተኖ እስራኤለ አሳዉ፥ ያዮፍተ፤ ታኒ ህንተና ማዳና፤ ህንተና ዎዝያ እስራኤለ ጌሻይ ታና።

Isayaasa 31:1

ማዶ ደማናዉ ግብፀ ዎይሳታነ ፓራን አማነተይሳታ አየ! ፓራ ጋረታ ዳሮተንነ ፓራ አሳታ ምኖተን አማነተይሳታ አየ! ኤንቲ እስራኤለ ጌሻ ፄሎኮና ዎይኮ ጎዳፐ ማዶ ኮዮኮና።

Mazmure 106:10

እ ኤንታ እፀይሳታ ኩሸፐ አሽስ፤ ሞርከታ ኩሸፐ ኤንታ ዎዝስ።

Iyyoba 22:17

ኤንቲ ፆሳኮ፥ ‘ኑፐ ሃካ! ኡባ ዳንዳእያ ፆሳይ ኑስ አይ ኦናዉ ዳንዳኢ?’ ያግዶሶና።

Nahime 1:10

“ኔኒ ነ ግታ ዎልቃንነ ነ ምኖ ቀስያን ዎዛ ኤክዳ ነ አይለታነ ነ አሳታ።

Zaaretho 15:15

ነኒ ካሰ ግብፀ ቢታን አይለ ግድዳይሳነ ጎዳይ ነ ፆሳይ ነና ያፐ ዎዝዳይሳ ዶጎፓ። ታ ሀች ሀ ኪታ ነዉ እመይ ሄሳሳ።

Ermiyaasa 7:15

ህንተ ዳቦታ፥ ኤፍሬማ ኮቻ ታ ድግዳይሳዳ ታ ስንፈ ህንተናካ ድጋና” ያጌስ።

Ermiyaasa 51:9

ባብሎነን ደእያ አላጋ አሳይ፥ “ኑ ባብሎነ ፓናዉ ኮይዳ፤ ሽን ፓፃናዉ ዳንዳእቤና። እያ ፕርዳይ ሃክድ ሳሎ ጋክዳ ግሾነ ሻራ ጋካናዉ ቁ ግዳ ግሾ እያ አግድ ኑ ቢታ ስሞስ” ያግዶሶና።

Mikiyaasa 6:12

ሄ ካታማ ዱረት ጌላተን ኩምዳይሳታ። እያን ደእያ አሳ ኡባይ ዎርዳንቾ፤ ኤንታ እንፃርሳይ ኢታ።

Isayaasa 30:1

ጎዳይ፥ “ጌላ ናይታ አየ! ታኒ ሀልቻቦና ኦሶና፤ ታ አያናን ግዶናሽን ባንታ ሸነን ጫቅድ ናጋራ ቦላ ናጋራ ጉጀይሳታ አየ!

Isayaasa 30:2

ታና ዞረ ኦይቾና ግብፀ ዎኦሶና። ፓሮና ሚፃ ባንታዉ ተቀ፥ ግብፀ ባንታዉ ሸምፕያ ኩያ ኦሶና።

Hose 5:7

ኤንቲ ላይማተን ናይታ የልዳ ግሾ ጎዳስ አማነትቦኮና። ሄሳ ግሾ፥ እስ አጌናን ኤንትነ ኤንታ ቢታይ ያና።