Hose 4:15 - ጌሻ ማፃፋ

¹⁵ “እስራኤለ አሳቶ፥ ህንተ ላይማትኮካ፥ ይሁዳ አሳይ ህንተይሳዳ ባላ ግዶፖ። ጋልጋላ ቦፕተ፤ ቤት-አዌና (ኢታተ ኬ) ከዮፕተ፤ ‘ደኦ ፆሳይ ኤርያ መላ’ ግድ ጫቆፍተ።

Geeshsha Maxaafa

¹⁵ “Isra7eele asato, hinte laymatikoka, Yihuda asay hinteysada bala gidopo. Galgala boopite; Beet-Aweena (Iitatetha keethi) keyopite; ‘De7o Xoossay eriya mela’ gidi caaqofite.

Hose 4:15 Referans Kwoze

Hose 12:11

ጋላድ ኢታ ናጋራንቾ፤ ጋላዳ አሳት ፓናይሳታ። ኤንቲ ጋልጋላን ኮርማታ ያርሻና። ኤንታ ያርሾ በሳይ ጎሻን ደእያ ኬላ ሹቻዳ ላለታና።

Hose 9:15

ጎዳይ፥ “ኤንታ ኢታተ ግሾ ታኒ ጋልጋላን እፆ ዶማስ። ኤንታ ናጋራ ግሾ ታኒ ኤንታ ታ ኬፈ ጎዳና፤ ህዛፐ ጉየ ታ ኤንታ ዶስከ፤ ኤንታ ሀላቃት ኡባይ ጌላታ።

Amoxe 4:4

“ህንተኖ፥ እስራኤለ አሳዉ፥ ቤተለ ብድ ናጋራ ኦተ፤ ጋልጋላ ብድ ናጋራ ጉጅድ ኦተ። ዎንታ ዎንታ ህንተ ያርሹዋ ያርሽተ፤ ሄን ጋላስ ጋላስ ህንተ አስራታ ኤህተ።

Amoxe 8:14

ሳማረ ኤቃታራ ጫቅዳይሳት፥ ‘ዳና ፆሳይ ኤሮ!’ ያገይሳት፥ ‘በርሳበ ፆሳይ ኤሮ’ ያገይሳት ኩንዳና። ኤንቲ ዛር ደንዶኮና” ያጌስ።

Amoxe 5:5

ሽን ጋልጋል ድኤታና፤ ቤተለይ ያና ግሾ፥ ቤተለ ኮዮፕተ፤ ጋልጋላ ገሎፕተ። በርሳበ ፕኖፍተ” ያጌስ ጎዳይ።

Hose 10:8

እስራኤለ አሳይ አዌና ካታማን ኤቃስ ጎይንሸ፥ ናጋራ ኦያ ቃ በሳት ላለታና። ኤንታ ያርሾ በሳን አጉንነ ጎምኦረይ ዶላና። ሄ ዎደ ኤንቲ ደረታኮ፥ “ኑና ቆስተ!” ዙማታኮ፥ “ኑና ገንተ” ያጋና።

Hose 10:5

ሳማረ ካታማን ደእያ አሳይ ቤት-አዌናን ደእያ ማራ ምስልያስ ያሻን ኮኮሮሶና። እያ ቦንቾይ እያፐ ቃረትዳ ግሾ እያዉ ዬካና፤ ሄ ኤቃ ምስልያ ካህነት ዋሳና።

Hose 5:8

ግብአ ካታማን ሞይዘ፥ ራማ ካታማን ዛየ ፑንተ። ብንያመ አሳዉ፥ ‘ጉየ ስሚድ በእተ’ ያግድ ቤት-አዌናን ዋስተ።

Ermiyaasa 5:2

ኤንቲ፥ ‘ደኦ ጎዳይ ኤርያ መላ’ ግድ ጫቅኮካ፥ ዎርዶ ጫቆሶና” ያጌስ ጎዳይ።

Efesoona 5:11

ጎእ ባይና ማ ኦሶ ቆንጭስተፐ አትሽን፥ እያራ እስፎፕተ።

Amoxe 6:10

ሀይቅዳይሳታ ዳቦታፐ እሶይ አሀ ሞጋናዉ ሶፐ ከስ ኤፍሸ፥ ሄ ኬን ቆሰትዳ ኡራኮ፥ “ኔራ አትዳ ሀራ አስ ደኢ?” ያግድ ኦይቻና። እ ዛሪድ፥ “ባዋ” ያጋና። ኦይቸይስ ዛሪድ፥ “ሀይዛ፥ ሀይዛ! ጎዳ ሱን ኑኒ ፄጋናዉ ኮሸና” ያጋና።

Hose 11:12

ኤፍሬማ አሳይ ዎርዶን፥ እስራኤለ አሳይ ጭሞን ታና ተቅዶሶና። ይሁዳ አሳይ አማንያ ጌሻ ፆሳ ቦላ ፃልታምስ።

Hose 4:12

ኤንቲ ምፈ ኦሰትዳ ኤቃ ምስለ ዞረ ኦይቾሶና፤ ኤንታ ፃምአይ ኤንታ ኦይሻ ዛሬስ። ላይማተ አያናይ ኤንታ ባለስ፤ ኤንቲ ባንታ ፆሳፈ ሃክድ ላይማትዶሶና።

Hizqeela 20:39

እስራኤለ አሳዉ፥ ህንተኮ ኡባ ሃርያ ጎዳይ ሀይሳዳ ያጌስ፦ “ሀእ ታ ኦደይሳ ህንተ ስኦና እፅኮ፥ ኡባይ ብድ ህንተ ኤቃ ጎይንተ። ሽን ህዛፐ ጉየ፥ ህንተ እሞታንነ ህንተ ኤቃታን ታ ጌሻ ሱን ቱንሶፕተ።

Isayaasa 48:1

“ህንተኖ፥ ያይቆባ ሶ አሳዉ፥ እስራኤለ ሱንን ፄገትዳይሳቶ፥ ይሁዳ ኮቻፈ ይዳይሳቶ፥ ሀይሳ ስእተ። ህንተ ጎዳ ሱንን ጫቀታ፤ እስራኤለ ፆሳ ፄገታ፤ ሽን ቱማተንነ ፅሎተን ግደና።

Ermiyaasa 44:26

“ግዶሽን፥ ህንተኖ፥ ግብፀ ቢታን ደእያ ይሁዳ አሳዉ፥ ጎዳይ ግያባ ስእተ! ጎዳይ ሀይሳዳ ያጌስ፤ ‘ህዛፐ ጉየ ግብፀ ቢታን ደእያ ይሁዳ አሳፐ እሶይካ ታ ሱንን፥ “ኡባ ሃርያ ጎዳይ ኤሮ” ’ ግድ ጫቆና መላ ታ ግታ ሱንን ጫቃስ።

Iyyasu 5:9

ጎዳይ እያሱኮ፥ “ሀች ታኒ ግብፀታ ቦርያ ህንተፈ ድጋስ” ያግስ። ሄሳ ግሾ፥ ሄ በሳ ሱንይ ሀች ጋካናዉ ጋልጋላ ጌተትድ ፄገቴስ።

Iyyasu 7:2

እስራኤለ አሳይ እያርኮ ማታን ዱንካንድ ደእሽን፥ እያሱይ ቤት-አዌና ማታን ቤተለፐ ዶሎሀ ባጋን ደእያ ጋየ ካታማነ እያ ሄራ ፆሞስድ ያና መላ ጉ አሳታ ኪትስ። ኪተትዳ አሳት ብድ፥ ጋየ ካታማ ፆሞስዶሶና።

2 Taarike 17:4

እዮሳፈፅ ባ አዋ ኦገን ሄመትድ ጎዳ ኪታ ፖልስ። እስራኤለ ካዎት ኦዳ ኢታ ኦሶታ ኦቤና።

2 Taarike 21:11

እዮራም ይሁዳ ገዘ ቢታን ቃ ጎይኖ በሳታ ጊግስስ፤ የሩሳላመን አሳ ላይማታና መላ ኦስ፤ ይሁዳ አሳካ ባለስ።

Hose 12:1

ኤፍሬማ አሳይ ዎንታፈ ኦማርስ ጋካናዉ ዶሎሀ ጫርኮ ኦይኬስ ዎይኮ የደስ። ኤንቲ ዎርዶነ ጌላተ ዳርሶሶና፤ አሶረ ቢታራ ጫቅዶሶና፤ ሻማሆ ዛይተ ግብፀ ቢታ የዶሶና።

Hose 12:12

ያይቆብ ሶረ ቢታ ባቃትስ፤ እስራኤለይ ማቾ ኤካናዉ ኡነ ኦስ። ኮይታ እማናዉ ያን ዶርሰ ሄምስ።