Hose 3:4 - ጌሻ ማፃፋ

⁴ እስራኤለ አሳይ ካዎይ ዎይኮ ሀላቅ ባይና፥ ያርሾይ ዎይኮ ኤቃ ቱስ ባይና፥ ኤፉደ ማኦይ ዎይኮ ኤቃ ምስለይ ባይና ዳሮ ዎደ ዳና።

Geeshsha Maxaafa

⁴ Isra7eele asay kawoy woyko halaqi bayna, yarshoy woyko eeqa tuussi bayna, efuude ma7oy woyko eeqa misiley bayna daro wode daana.

Hose 3:4 Referans Kwoze

አይሰይሳታ 17:5

ምካስ ኤቃ ጎይንያ ኬ ደኤስ። እ ኤፉደነ ሶ ግዶ ኤቃ ምስለታ ጊግስድ፥ ሄ ኬን ባ ናይታፐ እሱዋ ካህነ ኦድ ሹምስ።

2 Taarike 15:2

ካዋ አሳራ ጋሄታናዉ አዛርያስ ብድ፥ “አሳ፥ ይሁዳ አሳዉነ ብንያመ አሳዉ ስእተ! ህንተ ጎዳራ ግድኮ እካ ህንተራ ግዳና። ህንተ እያ ኮይኮ እ ህንተዉ በንታና፤ ሽን ህንተ እያ አግኮ እ ህንተና አጋና።

Medhetethi 31:19

ላቢ ባ ዶርሳታ እክስያ ቃንፃናዉ ብዳሽን፥ ራሄላ ባ አዋ ሶ ኤቃ ምስለታ ካይሶታሱ።

Ibraawe 10:26

ኑኒ ቱማ ኤራተ ኤክዳፐ ጉየ ኤርሸ ናጋራ ኦኮ፥ ህዛፐ ኑ ናጋራ ግሾ ያርሸታና ያርሾይ ባዋ።

Daanela 12:11

“ጋላስ ጋላስ ያርሸትያ ያርሾይ ድገትዳፐነ ዮ ቱናተይ ሄ በሳን ኤቅዳፐ ስምን፥ 1,290 ጋላስ።

Daanela 9:27

ላፑን ላይ ግዶን፥ ሄ ሀላቃይ አሳራ ምኖ ጫቆ ጫቀታና። ሄ ላፑን ላይታ ባጋ ዛዋን ያርሾነ እሞታ ድጋና። አዋጀትዳ ፕርዳይ፥ እያ ቦላ ትገታና ጋካናዉ፥ እ ዮ ኤህያ ቱናተ ፆሳ ኬን ኤሳና” ያግስ።

1 Sameela 23:9

ሳኦል ባ ቦላ ኢታባ ኦናዉ ማቅዳይሳ ዳዊቲ ኤርድ ካህንያ አብያታራኮ፥ “ኤፉድያ ሃ ኤካ ያ” ያግስ።

አይሰይሳታ 8:27

ገድዮን ዎርቃ ኤቃ ምስልያ ጊግስድ፥ ባ ደእያ ኦፍራ ካታማን ዎስ። እስራኤለ አሳ ኡባይ ጎዳ አግድ ሄ ኤቃ ምስልያ ጎይንዶሶና፤ ሄስ ገድዮናስነ እያ ሶ አሳስ ፅሄ ግድስ።

Kessa 28:4

ኤንቲ ጊግሳና ማኦትካ ሀይሳታ፤ ትራን ማኤትያ ማኦ፥ ኤፉደ፥ አዱሳ ቃምሰ፥ አሌቀትድ ዳደትዳ ሻምዘ፥ ቃጨነ ዳንጮ። ነ እሻይ አሮንነ እያ ናይት ካህነ ግድድ ታዉ ሀጋዝሸ ማአና መላ ጌሻ ማኦታ ኤንታዉ ጊግሶ።

Yohaanisa 19:15

አይሁደት ባንታ ቃላ ቁ ኦድ፥ “ድጋ! ድጋ! ማስቃልያ ቦላ ካቃ” ያግዶሶና። ጵላፆስ ዛሪድ፥ “ህንተ ካዋ ታኒ ማስቃልያ ቦላ ካቃናይሳ ኮዬቲ?” ያግድ ኦይችስ። ካህነ ሀላቃት፥ “ቄሳረፐ ሀራ ካዎይ ኑስ ባዋ” ያግዶሶና።

Luqaasa 21:24

ኤንቲ ማሻን ሀይቃና፥ አሳ ኡባይ አላጋ ቢታ ድኤታና። አይሁደ ግዶና አሳ ዎደይ ፖለታና ጋካናዉ የሩሳላመይ ኤንታናን የትዳይሳ ግዳና።

Zakaryaasa 13:2

ሄ ዎደ ታኒ ኤንቲ ናምአን ቆፈቶና መላ ኤቃታ ሱን ቢታፈ ይሳና። ቃስ ናበታነ ቱና አያናታ ቢታፈ ይሳና። ታኒ ኡባፈ ዎልቃማ ጎዳይ ሀይሳ ኦዳይስ።

Hose 13:11

ታኒ ታ ሀንቁዋን ህንተዉ ካዎ እማስ፤ ታ ይሉዋን እያ ደንስ።

Hose 2:11

ታኒ እ ኡፋይሳ ባለታ ኡባ፥ አጌና ፄሮ ጋላሳታ፥ እ ሳምባታ ጋላሳታ፥ ላይን ላይን ቦንቸትያ ባለታ አሻና።

Daanela 11:31

“እያ ኦላንቾት ፆሳ ኬነ እያ ዩሹዋ ቱንሳና፤ ጋላስ ጋላስ ያርሸትያ ያርሹዋ ድጋና። ያትድ፥ ዮ ቱናተ ያን ኤሳና።

Hizqeela 21:21

ባብሎነ ካዎይ ኦገት ጋሄትያ ዳጋላን፥ ማላ ቱሳታ ማታን ኤቄስ። እ አዉ ኦግያራ ባነኮ ኤራናዉ፥ ዶንገ ቶራን ሳማ የጋና፤ ባ ኤቃታ ዞረ ኦይቻና፤ ማራጭያ በአና።

Hizqeela 20:32

ህንተ፥ ‘ኑኒ ምነ ሹቹ ጎይንያ ሀራ ካዎተታ መላነ ቢታን ደእያ ሀራ አሳ መላ ግዳና ያግድ ቆፔታ። ሽን ህንተ ቆፋይ ፖሎ ሀነና።’ ”

2 Kawota 23:24

ካህነ ሀላቃይ ካልቅያስ ፆሳ ኬን በንትዳ ማፃፋን ፃፈትዳ ህግያ ቃላ ምንናዳ፥ ቱና አያና ፄገይሳታነ ማሮታ፥ ሶ ግዶ ኤቃ ምስለታ፥ ኤቃ ሚሸታነ ይሁዳ ቢታንነ የሩሳላመ ካታማን በንትዳ ሀራ እፀትዳባታ ኡባ እዮስያስ ይስስ።

2 Sameela 6:14

ዳዊቲ ሊኖፐ ኦሰትዳ ኤፉደ ማእድ፥ ባዉ ደእያ ዎልቃ ኡባን ጎዳ ስንን ዱርስ።

1 Sameela 30:7

ዳዊቲ አብመለከ ናኣ ካህንያ አብያታራኮ፥ “ኤፉድያ ኤካዳ ያ” ያግን፥ አብያታር ኤፉድያ ዳዊታስ ኤህስ።

1 Sameela 23:6

አብመለከ ናአይ አብያታር ዳዊታኮ ቃእላ ባቃትዳ ዎደ ኤፉደ ማኡዋ ኤክድ ብስ።

1 Sameela 22:18

ካዎይ ዶይቃ፥ “ኤንታ ነ ዎ” ያግድ ኪትስ። ኤዶመ አደይ ዶይቅ ካህነታ ሾጭድ፥ ሄ ጋላስ ኤፉደ ማእዳ ሆስፑን ታማነ እቻሹ ካህነታ ዎስ።

1 Sameela 21:9

አብመለከይ፥ “ኔኒ ኤላ ዛንጋራን ዎዳ ፍልስፄመ አድያ ጎልያዳ ማሻይ ሀይሳን ደኤስ፤ ጩርቃራ ፃፀትድ፥ ኤፉደ ማኡዋፐ ጉየ ባጋራ ደኤስ። ኔኒ ኮያባ ግድኮ እያ ኤካ፤ እያፐ አትሽን፥ ሀራ ማሽ ሀይሳን ባዋ” ያግስ። ዳዊቲ፥ “እያ መላ ማሽ ባዋ፤ እያ ታዉ ሀማ” ያግስ።

1 Sameela 14:3

ሴሎን ጎዳ ካህነ ግድዳ ኤል ናአይ፥ ካህነይ ፍንሃስ የልዳ እካቦዳ እሻይ፥ አክፁባ ናአይ፥ አክይ ኤፉደ ማእድ፥ ኤንታ ግዶን ደኤስ። ዮናታን ኤንታ ግዶን ባይናይሳ ኦንካ ኤርቤና።

1 Sameela 2:18

ሽን ሳሜል ናአ ደእሸ ሊኖፐ ኦሰትዳ ኤፉደ ማኦ ማእድ ጎዳ ስንን ኦስ።

Leeweta 8:7

አሮና ማኡዋ ማይዝድ፥ ዳንጮ ዳንጭስስ፤ አዱሳ ማኡዋ ማይዝድ እያ ቦላ ኤፉደ ማኡዋ ማይዝስ። ኤፉድያ አሌቅስድ ዳድዳ ሳቅያን አሮና ፄሳራ ጋድ ቃችስ።

Medhetethi 49:10

መርናዉ ሃረይስ ያና ጋካናዉ ካዎተ ፃምአይ፥ ይሁዳ ኩሸፐ ከየና፤ ካዎተት እያዉ ኪተታና።

Medhetethi 31:34

ራሄላ ሶ ኤቃ ምስለታ ኤካዳ ግማለ ኮራ ጋርሳን ቆሳዳ እያ ቦላ ኡታሱ። ላቢ ዱንካንያን ደእያባ ኡባ ፕልግድ ኮይስ። ሽን አይኮካ ደምቤና።

አይሰይሳታ 18:14

ላይሻ ቢታ ዎቻናዉ ብዳ እቻሹ አሳት ባንታ እሻታኮ፥ “ሀ በሳን፥ ሀ ኬታፐ እሱዋን ኤፉደይ፥ ሶ ግዶ ኤቃ ምስለትነ ምፈ ኦድ ብራ ሼሽድ ትይዳ ምስለይ ደኤይሳ ኤሬቲ? አነ አይ ኦናዉ ኮሽያኮ ቆፕተ” ያግዶሶና።

1 Sameela 15:23

ጌላተ ማሮ ናጋራ መላ፤ ቃስ ኦቶሮይ ኢታ ኤቃ ጎይኖ መላ። ኔኒ ጎዳ ቃላ እፅዳ ግሾ ጎዳይ ነ ካዎ ግዶና መላ እፅስ” ያግስ።

Milalsa 2:9

የሩሳላመ ፐንገ ሳንቃት ቢታን ሞገትዶሶና፤ ኤንታ ጎርደ ምታ መንረድ ይስስ። ካዎይነ ሞርናት ድኤትድ ካዎተታ ግዶ ብዶሶና፤ ህገ ታማርሰይ ባዋ፤ ናበትካ ህዛፐ ጉየ ቆንጨ በኦኮና።

Hose 13:10

ህንተ ታና፥ ‘ኑስ ካዎነ ሀላቃ እማ’ ያግድ ኦይችደታ። ህንተና አሽያ ህንተ ካዎይ አኔ? ካታማታን ደእያ ህንተ ሀላቃት አዉን ደኦና?

Zakaryaasa 10:2

ኤቃት ሀዳባ ኦዶሶና፤ ማሮት ዎርዶ ቆንጨ በኦሶና፤ አሙሄይሳት ዎርዶ አሙሆ ኦዶሶና፤ ሀዳ ምን ምንሶና። ሄሳ ግሾ፥ አሳይ ይዳ ዶርሳዳ ቶይላቶሶና፤ ኤንታ ሄምያ አስ ባይና ግሾ፥ ኤንቲ ቆሄትዶሶና።

Kessa 28:6

“ኤፉደ ጌተትያ ማኡዋ ዎርቃ ጫቻ ቃጭናፐ፥ ካሎሰፐ፥ ኦቻ ቴራ ዳነይሳፈ፥ ዞኦ ቃጭናፐነ አልኦ ሊኖፐ ኩሸ ሂላንቾት አሌቅስድ ጊግሶ።

Hizqeela 19:14

ታም እያ ኡባፈ ከይድ፥ እያ አይፍያነ ታሽያ ምስ። ካዎታ ፃምአ ግዳና ምኖ ታሸይ፥ እያ ቦላ በንትቤና። ሀይስ ዬሆ ዘለልስ፤ ሀይሳ ዘለልስ ከስያ ዎደ ጎኤታናዉ በሴስ” ያግስ።

Hizqeela 21:31

ታኒ ታ ሀንቁዋ ህንተ ቦላ ጉሳና፤ ታ ሀንቆ ታማይ ህንተ ቦላ ኤፃና፤ ይሶ ሜዘትዳ፥ ዎዛና ምኖ አሳስ አዳ እማና።