Hose 3:1 - ጌሻ ማፃፋ

¹ ጎዳይ ታና፥ “እስራኤለ አሳይ ሀራ ፆሳታኮ ስሚድ፥ ዛብበ ኡይ ያርሻናዉ ኮይኮካ፥ ጎዳይ ኤንታ ዶሰይሳዳ እዮ ዶሳ። እያ ሀራ ላገያባነ ላይማትያባ ግድኮካ ኔኒ እዮ ዶሳ” ያግስ።

Geeshsha Maxaafa

¹ Goday tana, “Isra7eele asay hara xoossatako simmidi, zabibe uythaa yarshanaw koykoka, Goday enta doseysada iyo dosa. Iya hara laggethiyabanne laymatiyaba gidikoka neeni iyo dosa” yaagis.

Hose 3:1 Referans Kwoze

Ermiyaasa 31:20

“ኤፍሬም ታዉ ቱማ አልኦነ ታ ዶስያ ናአ ግደኔ? ታኒ እያ ሱን ደንያ ዎደ ኡባን እያ ሀሳያይስ። ሄሳ ግሾ፥ ታ ዎዛናይ እያ ላሞቴስ፤ ታ እያዉ ዳሮ ቃታይስ” ያጌስ ጎዳይ።

Isayaasa 45:22

ህንተኖ ቢታ ጋፃፐ ጋፃ ጋካናዉ ደኤይሳቶ፥ ታኮ ስሚድ አትተ፤ ታፐ አትሽን፥ ሀራ ፆሲ ባዋ።

Mikiyaasa 7:7

ሽን ታኒ ኡፋይሳን ጎዳ ፄላና፤ ታና አሽያ ፆሳ ናጋና፤ ታ ፆሳይ ታና ስአና።

Hose 11:8

ኤፍሬም፥ ታኒ ነና ዋታዳ አጎ? እስራኤለ፥ ታኒ ነና ዋታዳ አ እሞ? ታኒ ነና ዋታዳ አዳማ ካታማዳ ኦ? ታኒ ነና ዋታዳ ፃቦይማ ካታማዳ ኦ? ታኒ ነና ዳሮ ዶስያ ግሾ ታ ዎዛናይ ሄሳ ኤሮ ጌና።

1 ጰፅሮሳ 4:3

ካሰ ህንተ አማኖና አሳይ ደእዳይሳዳ ደእደታ። ህንተ ኢታ አሞን፥ ላይማተን፥ ማን፥ ቱናተ ደንያ የን፥ ፖክያ ኤቃ ጎይኖን ካሰ ደእዳ ዱሳይ ግዳና።

Zakaryaasa 1:16

ሄሳ ግሾ፥ ታኒ የሩሳላመኮ ማሮታን ስማና፤ ታ ኬይ ዛሪድ ያን ኬፀታና፤ የሩሳላመ ካታማ ቦላ ዋ ዎዶሮ የጋና” ያጌስ ኡባፈ ዎልቃማ ጎዳይ።

Ermiyaasa 3:20

ሽን እስራኤለ አሳዉ፥ ህንተ ባ አዝናስ አማነቶና ማችዳ ታዉ አማነትበከታ” ያጌስ ጎዳይ።

Mazmure 123:2

አደ አይለይ ባ ጎዳ ኩሸ ፄለይሳዳ፥ ማጫ አይልያ ባ ጎዳተ ኩሸ በኤይሳዳ፥ ኔኒ ኑና ማራና ጋካናዉ፥ ኑ አይፈይ ጎዳኮ፥ ኑ ፆሳኮ ፄሌስ።

1 ቆሮንቶሳ 10:21

ህንተ ጎዳ ፁአፐ ኡይሸ፥ ቃስ ቱና አያናታ ፁአፐ ኡያናዉ ዳንዳኤከታ። ጎዳ ጋይታፐ ምሸ ቃስ ቱና አያናታ ጋይታፐ ማናዉ ዳንዳኤከታ።

Amoxe 6:6

ዎይነይ ኡሻ ከረራ ጋነይሳቶ፥ አልኦ ሽቶን ትየተይሳቶ፥ ዮሰፋ ኮቻታ ዩዋን አዛኖናይሳቶ፥ ህንተና አየ!

Amoxe 2:8

ኤንቲ አሳፐ አጮስ ኦይክዳ ማኡዋ ያርሽያ በሳታን ኡባ ማታን ሂፅድ፥ ዝንኦሶና፤ ቃስ አሳፐ አጮስ ኤክዳ ዎይነ ኡሻ ባንታ ፆሳታ ኬን ኡዮሶና።

Nahime 9:31

ሽን ኔኒ ኬሀነ ማርያ ፆሲ ግድያ ግሾ፥ ነ ግታ ማሮተን ኤንታ አጋባካ፤ ቡርፆራ ይሳባካ።

2 Kawota 13:23

ሽን ጎዳይ አብራሃመራ፥ ይሳቃራነ ያይቆባራ ጫቅዳ ጫቁዋ ግሾ፥ ኤንታዉ ኬህስ፥ ቃትስ፥ ቆፕስ። ሀች ጋካናዉ እ ኤንታ ይስቤና ዎይኮ ባ ስንፈ ድግቤና።

2 Sameela 6:19

እስራኤለ አሳ ኡባስ፥ ማጫስ አደስ ሁጰን ሁጰን እስ እስ ኡይ፥ እስ እስ ቃንፆ አሾነ እስ እስ ዎይነ ኑካ ግሽስ። ሄሳፈ ጉየ አሳ ኡባይ ባ ሶ ሶ ስምስ።

አይሰይሳታ 10:16

አላጋ ፆሳታ ባንታ ግዶፈ ድግድ፥ ጎዳ ጎይንዶሶና። ጎዳይ እስራኤለ አሳ ኡንኤተ በእድ ምሸትስ።

አይሰይሳታ 9:27

ኡባይ ባንታ ጋደ ብድ ዎይነ ማፅዶሶና፤ ዎይንያ አግድ ግታ ግብራ ጊግስዶሶና። ባንታ ኤቃ ኬ ገልድ ያን ምሸነ ኡይሸ አብመለከ ጫይዶሶና።

Kessa 32:6

ዎንተ ጋላስ ጉራ አሳይ ደንድድ፥ ፁሳ ያርሾነ እስፈተ ያርሾ ያርሽዶሶና። ያትድ፥ አሳይ ማናዉነ ኡያናዉ ኡትዶሶና። ም ኡይ ስሚድ፥ ዱራናዉነ ፖኮባ ሀናናዉ ደንድዶሶና።

1 ቆሮንቶሳ 10:7

ጌሻ ማፃፋን፥ “አሳይ ማናዉነ ኡያናዉ ኡትዶሶና፤ ቃስ የፃናዉ ደንድዶሶና” ጌተትዳይሳዳ ኤንታፈ እሶት እሶት ኤቃ ጎይንዳይሳ መላ ህንተ ኤቃ ጎይኖፍተ።

Maatosa 26:50

የሱሲ እያኮ፥ “ታ ላግያዉ፥ ኔኒ ኦናባ ኦ አጋ” ያግስ። ሄሳፈ ጉየ፥ ሺቅድ፥ የሱሳ ኦይክዶሶና።

Hose 7:5

ባንታ ካዋ ቦንቾ ባኣለ ጋላሳን ሀላቃት ዎይነ ኡሻን ማትዶሶና። እካ ቀልቅሰይሳታስ ባ ኩሽያ እሚስ።

Hose 4:11

ላይማተ፥ ጋምእዳ ዎይነ ኡሽነ ማልአንቶ ዎይነ ኡሽ ታ አሳ ዎዛና ይስስ።

1 Taarike 16:3

እስራኤለ አሳ ኡባስ ማጫስነ አደስ፥ ሁጰን ሁጰን እስ ሙመ ኡይ፥ እስ ቃንፆ አሾነ እስ ዎይነ ኑካ ግሽስ።

Solomone 2:5

ታኒ እያ ሲቁዋን ኦይከታዳ ሀርግዳ ግሾ፥ ዛብበ አይፈ ሙዝድ ታና ጋሽትስተ፤ አፕለ ሙዝድ ታ ዎልቃ ምንተ።

Hose 2:5

ኤንታ አይያ ላይማታሱ፤ ካዉሻባ ሀናዳ ኤንታ ቃንታሱ። እያ፥ ‘ታኒ ታ ካነ ታ ሃ፥ ታ ሱፍያነ ታ ሊኑዋ፥ ታ ዛይትያነ ታ ኡሻ ታዉ እምያ ታ ላገታ ካላዳ ባና’ ያጋሱ።