Hose 2:7 - ጌሻ ማፃፋ

⁷ እያ ባ ላገታ ጌዶ ዎፃና፥ ሽን ጋኩኩ፤ ኤንታ ኮያና፥ ሽን ደሙኩ። ሄሳፈ ጉየ፥ ‘ሀእ ዱሳፈ ታዉ በንይስ ሎኦ ግድያ ግሾ፥ ስማዳ ታ ኮይሮ አዝናኮ ባና’ ያጋና።

Geeshsha Maxaafa

⁷ Iya ba laggethota geedo woxana, shin gakuku; enta koyana, shin demmuku. Hessafe guye, ‘Ha77i duussaafe taw beniysi lo77o gidiya gisho, simmada ta koyro azinaako baana’ yaagana.

Hose 2:7 Referans Kwoze

Ermiyaasa 2:2

“ባዳ የሩሳላመ አሳ ሀይን ሀይሳዳ ያጋዳ አዋጃ። ነ ናአተን ታዉ አይ መላ አማነትዳኮ፥ ነ ቡሮ መዳን ደእያ ዎደ ታና አይ መላ ሲቅዳኮ፥ ታ አኬካይስ። ኔኒ መላ ቢታን ዘረ ዘረት ኤሮና ቢታን ታና ካላዳሳ።

Hose 5:13

“ ‘ኤፍሬም ባ ሀርግያ፥ ይሁድ ባ ማዱን በእዳ ዎደ ኤፍሬም አሶረ ቢታ ብስ፤ ሄ ግታ ካዋ ማዶ ኦይችስ። ሽን እ ኤንታ ሀርግያ ላናዉ ዎይኮ ኤንታ ማዱን ፓናዉ ዳንዳእቤና።

Hose 13:6

ታኒ ህንተና ሙዝን፥ ምድ ካልድ ኦቶርትደታ፤ ሄሳፈ ጉየ ታና ዶግደታ።

Hizqeela 23:4

ኤንታፈ ባይረ ሱንይ ኦሆሎ፤ ካሎ ምቸ ሱንይ ኦሆልባ። ኤንታ ናምአ ታኒ ማችን፥ ታዉ አደነ ማጫ ናአ የልዶሶና። ኦሆላ ሳማረ፤ ኦሆልባ ቃስ የሩሳላመ።”

Ermiyaasa 14:22

ካዎተታ ኤቃታፐ እሶይ እራ ቡክሳናዉ ዳንዳኢ? ሳሎይ ባ ሸነን ፑሳናዉ ዳንዳኢ? ዳንዳኤና! አቤት ጎዳዉ፥ ኑ ፆሳዉ፥ ሄሳ ዳንዳኤይ ነና! ሀይሳ ኡባ ኦይ ነና ግድያ ግሾ ነናን ኡፋይስ ኦስ።

Hose 14:1

እስራኤለ አሳዉ፥ ህንተ ናጋራ ጋሶን በትድ ኩንድዳ ግሾ ሀእ ጎዳ፥ ህንተ ፆሳኮ ስምተ።

Hose 5:15

ኤንቲ ባንታ ባላ አኬካና ጋካናዉነ ታና ኮያና ጋካናዉ ታኒ ጉየ ታ በሳ ስማና። ኤንቲ ባንታ ዋያን ታና ምንድ ኮያና’ ” ያጌስ።

Daanela 5:21

አሳ ግዶፈ ጎደትስ፤ እያ ካሀይ ላመትን ዶአ ግድስ። ቦራዳ ማታ ምሸ ደምባ ሀረታራ እስፈ ደእስ። እያ አሳተይ ሳሎ አካን ላክስ። ሄስ ሀንዳይ፥ ኡባፈ ቃ ፆሳይ አሳ ናይታ ካዎተ ኡባ ሃረይሳነ ባ ኮይዳይሳስ እመይሳ እ ኤራና መላሳ።

Daanela 4:32

ኔኒ አሳ ግዶፈ ጎደታዳ፥ ባዞ ዶአታራ ዳና፤ ነ ቦራዳ ማታ ማና። ኡባፈ ቃ ፆሳይ አሳ ናይታ ካዎተ ኡባ ሃረይሳነ እ ባ ኮይዳ አሳስ ካዎተ እመይሳ ኔኒ ኤራና ጋካናዉ ላፑን ላይ ነ ቦላራ አና” ያግስ።

Daanela 4:25

ኔኒ አሳ ግዶፈ ጎደታዳ ዶአታራ እስፈ ዳና። ኔኒ ቦራዳ ማታ ማናነ ሳሎ አካን ላካና። ቃስ ኡባፈ ቃ ፆሳይ፥ አሳ ናይታ ካዎተ ኡባ ሃረይሳነ ካዎተ ባ ኮይዳ አሳስ እመይሳ ነ ኤራና ጋካናዉ፥ ላፑን ላይ ነ ቦላራ አና።

Daanela 4:17

ኡባፈ ቃ ፆሳይ አሳ ናይታ ካዎተ ኡባ ሃረይሳ፥ ካዎተ ኮይያ አሳስ እመይሳነ ሀር አቶሽን ቦረትዳይሳ ሹመይሳ ደኦን ደእያ አስ ኡባይ ኤራና መላ፥ ሄሳ ኪታንቾት አዋጅዶሶና፤ ጌሻት ፕርዳ ኤህዶሶና’ ” ያግስ።

Hizqeela 23:22

ሄሳ ግሾ፥ ኦሆልበ፥ ኡባ ሃርያ ጎዳይ ሀይሳዳ ያጌስ፦ “ታኒ ነ ላገታ፥ ነ ሻተታ አግዳይሳታ ነ ቦላ ደንና፤ ታ ኤንታ ነ ቦላ ኡባ በሳራ ኤሀና።

Hizqeela 20:32

ህንተ፥ ‘ኑኒ ምነ ሹቹ ጎይንያ ሀራ ካዎተታ መላነ ቢታን ደእያ ሀራ አሳ መላ ግዳና ያግድ ቆፔታ። ሽን ህንተ ቆፋይ ፖሎ ሀነና።’ ”

Hizqeela 16:18

ታ እምዳ አሌቆ ማኡዋ ሄ ምስለታ ማይዛዳሳ፤ ታ ዛይትያነ ታ እፃንያ ኤንታዉ ሺሻዳሳ።

Hizqeela 16:8

“ዛራዳ ታ ያራ አሸ ነና ፄልያ ዎደ፥ ኔኒ ገሎስ ጋካዳ፥ ካሎ ቦርሰትያ አሰ ግዳዳሳ። ታ አፍላ ማጫራ ነ ቦላ የጋዳ፥ ነ ካሉዋ ካማስ፤ ታ ኔራ ጫቃዳ ነና ታዉ ቡዞ ኦስ” ያጌስ ኡባ ሃርያ ጎዳይ።

Ermiyaasa 31:32

ሄ ጫቆይ ታ ኤንታ ግብፀፈ ከሳናዉ ኤንታ ኩሽያ ኦይክዳ ዎደ ኤንታ ማይዛታራ ጫቅዳ ጫቁዋ መላ ግደና። ታ ኤንታዉ አዝና መላ ግዳ ኡትንካ ኤንቲ ታ ጫቁዋ መንዶሶና” ያጌስ ጎዳይ።

Ermiyaasa 31:18

“ኤፍሬማ ኮቻታ ዙዙን ታ ስአስ። ኤንቲ፥ ‘ኔኒ ኑና ዋትቦና ዎፋኖዳ ዋዳሳ፤ ኑካ ኬድዳ። ኔኒ ጎዳ፥ ኑ ፆሳ ግድያ ግሾ ኑና ዛራ፤ ኑኒ ኔኮ ስማና።

Ermiyaasa 2:36

ኔኒ ነ ኦግያ ላማሸ አይስ ዎፃይ? ነና አሶረይ ዬላይዳይሳዳ ግብፀይ ዬላያና።

Ermiyaasa 2:28

ሽን ህንተ፥ ህንተዉ መዳ ፆሳት አዉን ደኦና? ህንተ መቶን ገልያ ዎደ ህንተና አሻናዉ ዳንዳእኮ ደንድድ ህንተና አሾ። ህንተኖ፥ ይሁዳ አሳዉ፥ ህንተ ፆሳት ህንተ ካታማታ መላ ዳሮ” ያጌስ ጎዳይ።

Isayaasa 30:16

ህንተ፥ ‘አካይ፥ ኑኒ ፓራ ቦላ ኡትድ ባቃታና’ ያግደታ፤ ሄሳ ግሾ፥ ህንተ ባቃታና። ቃስ ህንተ፥ ‘ኤሶትያ ፓራ ቶግድ ባና’ ” ያግደታ፤ ሽን ህንተና የደይሳት ህንተፈ አ ኤሶታና።

Mazmure 116:7

ጎዳይ ነዉ ኬሀ ግድያ ግሾ፥ ህዛ ታ ሸምፐ፥ ዎፑ ጋ።

Ermiyaasa 3:1

“እስ አስ ባ ማችዉ የድን፥ እያ ባዳ ሀራ አዝና ገልኮ፥ ሄ አደይ እዮ ዛሪ? ዛርኮ ሄ ቢታይ ቱና ግደኔ? ሽን ነ ላይማታናዉ ኮያዳ ዳሮ ላገታራ ደአዳሳ፤ ሀእ ኔኒ ታኮ ስማኔ? ያጌስ ጎዳይ

Hose 2:16

ሄ ጋላስ እያ ታና፥ “ታ አዝናዉ” ያጋዳ ፄጋና፤ ካሰይሳዳ፥ “ታ ጎዳዉ” ያጋዳ ፄጉኩ።

2 Taarike 28:23

ባና ፆንዳ ዳማስቆ ፆሳታስ ያርሽሸ፥ “ሶረ ካዎታ ፆሳት ኤንታ ማድዳ ግሾ ታናካ ኤንቲ ማዳና መላ ታኒ ኤንታዉ ያርሻና” ያግስ። ሽን ሄ ፆሳት እያዉነ እስራኤለ አሳ ኡባስ ዮ ኤህዶሶና።

Ermiyaasa 44:17

ኑ ኦና ግድ ቆፕዳባ ኡባ ኦና። ኑኒ፥ ኑ ማይዛት፥ ኑ ካዎትነ ኑ ሀላቃት ይሁዳ ካታማታንነ የሩሳላመ ኦገታን ካሰ ኦዳይሳዳ ሳሎ ካውዉ ጌተትያርስ ኑ ፆሴስ እፃነ ጩይሳና፤ ኡሻ ያርሹዋ እዉ ጉሳና። ኑ ካሰ ሄሳ ኦያ ዎደ፥ ኑስ ዳሮ ካ ደኤስ፤ ሄ ዎደ ኑስ ሳእ ኬሀ፤ ኑና አይብካ መትቤና።

Hizqeela 23:12

እያካ አሶረ ሃረይሳት፥ ቶራ ሞጮናታ፥ ሎኦ ማኦ ማእዳ ኦላንቾታነ ፓራ ቶግያ አሳታ፥ ናአተነ ማላ ሎኦ አሳታ ምንዳ ሲቃሱ።

Hose 1:2

ጎዳይ ኮይሮ ሆሰ ባጋራ ኦድዳ ዎደ “ታ አሳይ ታፐ ሃክድ ኢታ ላይማተ ኦዳ ግሾ፥ ኔኒ ባዳ፥ ላይማ ማጫስ ኤካዳ ላይማ ናይታ ኢፐ የላ” ያግስ።