Hose 12:6 - ጌሻ ማፃፋ

⁶ ሄሳ ግሾ፥ ህንተ ፆሳኮ ስምተ፤ ሲቆነ ሱረ ፕርዳ ምን ኦይክተ፤ ህንተ ፆሳይ ኦና ጋካናዉ ናግተ።

Geeshsha Maxaafa

⁶ Hessa gisho, hinte Xoossaako simmite; siiqonne suure pirdaa minthi oykite; hinte Xoossay oothana gakanaw naagite.

Hose 12:6 Referans Kwoze

Mikiyaasa 6:8

አሳ ናኦ፥ ጎዳይ ነዉ ሎኦባ ኦድ ዎስ። ጎዳይ ኔፐ ኮየይ አይቤ? ኔኒ ሱረ ፕርዳና መላ፥ ማሮታ ዶሳና መላነ አሽከተን ነ ፆሳራ ዳና መላ ግደኔ?

Mikiyaasa 7:7

ሽን ታኒ ኡፋይሳን ጎዳ ፄላና፤ ታና አሽያ ፆሳ ናጋና፤ ታ ፆሳይ ታና ስአና።

Hose 14:1

እስራኤለ አሳዉ፥ ህንተ ናጋራ ጋሶን በትድ ኩንድዳ ግሾ ሀእ ጎዳ፥ ህንተ ፆሳኮ ስምተ።

Zakaryaasa 7:9

“ኡባፈ ዎልቃማ ጎዳይ ካሰ እምዳ ኪታይ፥ ‘ሱረ ፕርዳ ፕርድተ፤ ህንተ እሶይ እሱዋስ ኬሀተነ ማሮተ ኦተ።

Yayqooba 2:13

አሰ ማሮና ኦናካ ፆሳይ ማሮና ፕርዳና። ሽን ማሮተይ ፕርዳ ፆኔስ።

Yayqooba 1:27

ፆሳ አዋ ስንን ቦረይ ባይና ጌሻ አማኖይ ሀይሳ፦ አይያ አዉ ባይና ናይታነ አምኤታ ማዶነ አላምያ ቱናፐ ባና ናጎ።

ሃዋሬታ ኦሱዋ 26:20

ሽን ታኒ ኮይሮታዳ ዳማስቆን ሄሳፈ ጉየ የሩሳላመንነ ይሁዳ ቢታ ኡባን ደኤይሳትነ አይሁደ ግዶናይሳት ባንታ ናጋራፐ ፆሳኮ ስማና መላነ ናጋራፐ ስሙዋ በሲያ ኦሶ ኦና መላ ቃላ ኦዳስ።

ሃዋሬታ ኦሱዋ 2:38

ጰፅሮስ ኤንታኮ፥ “ህንተ ናጋራይ አቶ ጌተታና መላ ናጋራፐ ስሚድ፥ ህንተ እሶይ እሶይ የሱስ ክርስቶሳ ሱንን ፃማቀትተ። ፆሳይ እምያ ጌሻ አያና ህንተ ኤካና።

Zakaryaasa 8:16

ህንተ ኦናዉ ኮሽያባይ ሀይሳ፦ እሶይ እሱዋራ ቱማ ኦደትተ፤ ፕርዳ ዳባባን ቱማነ ሳሩዋ ኤህያ ፕርዳ ፕርድተ።

Zakaryaasa 1:3

ሽን ሀእ አሳስ ሀይሳዳ ያጋዳ ኦዳ፦ ‘ታኮ ስምተ፤ ታኒ ህንተኮ ስማና’ ያጌስ ኡባፈ ዎልቃማ ጎዳይ።

Sofonaasa 3:8

“አነ ታኒ ፕርድያ ጋላሳይ ጋካናዉ ጉ ናግተ። ታኒ ደረታነ ካዎተታ ሺሻናዉ ቆፋ ቃቻስ፤ ታ ሀንቁዋ ሱላ ኤንታ ቦላ ጉሳና፤ ቢታይ ኩመ ታ ሀንቁዋ ታማን ፁገታና።

Inbaqoome 2:3

ቆንጨይ ባ ዎድያ ናጌስ፤ ቆንጨይ ፖለትያ ዎደይ ኤለ ጋካና፤ ዎርዶ ግደና። ጋምእኮካ ናጋ፤ እ ቱማ ሀናና፤ ጋምኤና።”

Amoxe 5:24

ሽን ሱረ ፕርድ ፑልቶ ሃዳ፥ ፅሎተ መሎና ሻፋ ሃዳ ጎጎ።

Iyyu7eela 2:13

ህንተ ዎዛናፐ አትሽን፥ ህንተ ማኡዋ ፔፕተ። ጎዳ፥ ህንተ ፆሳኮ፥ ስምተ፤ እ፥ ቃይነ ማሮት ኩምዳይሳ፤ እ፥ ሀንቃናዉ ኤለሶናይሳነ ሲቆይ ዳርዳይሳ፤ እ፥ ህንተና ሴራናዉ ኤለሰና።

Hose 10:12

ጎዳይ ይድ ፅሎተ ህንተ ቦላ ቡክሳና ጋካናዉ እያ ኮይተ። ህንተ ፅሎተ ዘርያባ ግድኮ መርና ሲቆ ጫካና። ሄሳ ግሾ፥ ኦ ቢታ ዎርፃፍተ።

Hose 4:1

ሀ ቢታን ደእያ አሳ ኡባ፥ ጎዳይ ሞትያባይ ደእያ ግሾ፥ እስራኤለ አሳቶ፥ ጎዳ ቃላ ስእተ። ሄስካ፥ ቢታ ቦላ አማነተ፥ ሲቆይነ ፆሳ ኤሮይ ባዋ።

Ermiyaasa 22:15

ነ ዳሮ ዝጋን ኬፅዳይስ ነና ሎኦ ካዎ ከሴስ ጋዳ ቆፓይ? ነ አዋ እዮስያሳስ ምያባይነ ኡያባይ ይዴ? እ ሱረ ፕርዳ ፕርድስ፤ ፅሎ ኦስ። ሄሳ ግሾ፥ እያዉ ኡባባይ እንጀትስ።

Isayaasa 58:6

“ታኒ ዶርያ ፆማይ ሀይሳ፤ ሱረ ፕርዳ ዮ ሳንላታ ብላና መላነ ቃምባራ መንድ ኡንኤትዳይሳታ ላአ ከሳና መላ ግደነዬ?

Isayaasa 40:31

ሽን ጎዳ አማነትድ ናገይሳት፥ ባንታ ዎልቃ ኦራና። ኤንቲ አርጋንዳ ቀፈን ፓላና፤ ዎፃና፥ ሽን ዳቡሮኮና፤ ሄመታና፥ ሽን አርጋጮኮና።

Isayaasa 31:6

“ህንተኖ እስራኤለ አሳዉ፥ ህንተ ማካልድ እፅዳ፥ እያኮ ስምተ።

Isayaasa 30:18

ሽን ጎዳይ ህንተዉ ኬሀናዉ ናጌስ፤ ጎዳይ ፅሎ ፕርድያ ፆሲ ግድያ ግሾ ህንተዉ ቃታናዉ ደንዳና። እያ አማነትድ ናግያ ኡባይ አንጀትዳይሳታ።

Isayaasa 8:17

ታኒ ባ ሶምኡዋ ያይቆባ ዘረፈ ገንያ ጎዳ ናጋና፤ እያን አማነታና።

Isayaasa 1:16

ሜጨትተ፤ ህንተና ጌሽተ፤ ህንተ ኢታ ኦሱዋ ታ ስንፈ ድግተ፤ ገነ ሀኑዋ አግተ።

Leemiso 21:3

ያርሾ ያርሻናፐ አድ፥ ፅሎነ ሱረ ኦይሳ ጎዳይ ዶሴስ።

Leemiso 1:23

ታ ሴራ ህንተ ስእዳባ ግድያኮ፥ ታኒ ታ ኤራ ህንተ ቦላ ጉሳና፤ ታ ቃላካ ህንተና ታማርሳና።

Mazmure 123:2

አደ አይለይ ባ ጎዳ ኩሸ ፄለይሳዳ፥ ማጫ አይልያ ባ ጎዳተ ኩሸ በኤይሳዳ፥ ኔኒ ኑና ማራና ጋካናዉ፥ ኑ አይፈይ ጎዳኮ፥ ኑ ፆሳኮ ፄሌስ።

Mazmure 37:7

ጎዳ ስንን ስእ ጋዳ ደአ፤ ዳንዳአን ናጋ፤ ኢታ አሳታ ሀልቾይ ፖለትን በአዳ ይሎቶፓ።

Mazmure 27:14

ጎዳን ኡፋይስ ኦ፤ ምና፥ ያዮፋ፤ ጎዳን ኡፋይስ ኦ።

Medhetethi 49:18

“አቤት ጎዳዉ፥ ታኒ ነ አሹዋ ናጋይስ።

Hizqeela 18:30

“ህንተኖ፥ እስራኤለ አሳዉ፥ ታ ህንተና ህንተ ኦሱዋ ኦሱዋ ፕርዳና። ኡባ ሃርያ ጎዳይ ሀይሳዳ ያጌስ፤ ናጋር ህንተዉ ዮስ ጋሶ ግዶና መላ ፓፅተ፤ ህንተ ባላ ኡባፈ ስምተ።

Iyyu7eela 2:12

“ሀእካ ፆማን፥ ዬሆንነ አዛኖን ህንተ ፖሎ ዎዛናፐ ታኮ ስምተ።”

Kessa 3:15

ፆሳይ ዛሪድ፥ “ኔኒ እስራኤለታ ጎዳይ ህንተ አዋታ፥ አብራሃመ፥ ይሳቃነ ያይቆባ ፆሳይ፥ ታና ህንተኮ ኪትስ። ሀይስ ታ መርና ሱን፤ ያና የለተ ኡባይ ሀ ሱንን ታና ፄጋና።

Amoxe 4:13

ደረታ ጊግስዳይ፥ ጫርኮ መዳይ፥ ባ ዎዛና ቆፋ አሳስ ቆንጭሰይ፥ ጋላሳ ፖኡዋ ማን ላመይ፥ ቢታ ቃ በሳታ ቦላ ሄመተይ፥ እያ ሱንይ ጎዳ፥ ኡባፈ ዎልቃማ ፆሳ።