Hose 12:2 - ጌሻ ማፃፋ

² ጎዳስ ይሁዳ አሳራ ሞቶይ ደኤስ፤ እ ያይቆባ ናይታ ኤንታ ኦግያዳ ሴራና፤ ኤንታ ኦሱዋዳ ኤንታዉ ዛራና።

Geeshsha Maxaafa

² Godaas Yihuda asaara mootoy de7ees; I Yayqooba nayta enta ogiyada seerana; enta oosuwada entaw zaarana.

Hose 12:2 Referans Kwoze

Mikiyaasa 6:2

ህንተ ደረት፥ ህንተ ምኖ ሳኣ ባሶት፥ ጎዳይ ሞትያ ሞቱዋ ስእተ። ጎዳይ ባ አሳራ ሞተቴስ፤ እስራኤለ አሳራ ፓላሜስ።

Hose 4:1

ሀ ቢታን ደእያ አሳ ኡባ፥ ጎዳይ ሞትያባይ ደእያ ግሾ፥ እስራኤለ አሳቶ፥ ጎዳ ቃላ ስእተ። ሄስካ፥ ቢታ ቦላ አማነተ፥ ሲቆይነ ፆሳ ኤሮይ ባዋ።

Isayaasa 10:6

ኤንታ ሻሉዋ ድአናዳነ ቦንቃናዳ፤ ኦገ ኡርቃዳ ኤንታ የናዳ ፆሰ ኤሮና ካዎተ ቦላ ታኒ አሶረ ኪታና፤ ታና ሀንቀዳ አሳ ቦላ እያ የዳና።

Galatiya 6:7

ህንተ፥ ህንተና ጭሞፍተ። አስ ባ ዘርዳባ ዛሪድ ጫክያ ግሾ ፆሳ ቦላ ቀልቅሶፕተ።

Roome 2:6

ፆሳይ እሱዋስ እሱዋስ እያ ኦሱዋ መላ እማና።

Maatosa 16:27

አሳ ናአይ ባ አዋ ቦንቹዋን ባ ኪታንቾታራ ያና። ሄ ዎደ እስ እስ ኡራስ እያ ኦሱዋዳ እማና።

Hose 8:13

ኤንቲ ያርሻናዉ ዶሶሶና፤ ያርሾ አሹዋ ሞሶና፥ ሽን ጎዳይ ኤንታ ያርሹዋ ኤክቤና። እ ሀእ ኤንታ ናጋራ ሀሳያና፤ ኤንታ ናጋራ ግሾ ኤንታ ሴራና፤ ኤንቲ ግብፀ ቢታ ስማና።

Hose 4:9

ካህነት ደርያፐ ዱማትቦኮና። ታኒ ኤንታ ሀኖታ ግሾ፥ ኤንታ ሴራና፤ ኤንታ ኦሱዋዳ ኤንታዉ ዛራና።

Hose 2:13

እያ ታና ዶጋዳ ባ ላገታ ካላዳ፥ ሳጋዮታንነ አሌቆታን አሌቀታዳ፥ ባኣለ ኤቃስ እፃነ ጩይስዳ ጋላሳታ ግሾ ታኒ እዮ ሴራና፤ ያጌስ ጎዳይ።

Ermiyaasa 25:31

ጎዳስ ካዎተታራ ሞቶይ ደእያ ግሾ እያ ዋሶይ ሳአ ጋፃ ጋክድ ስኤቴስ። ጎዳይ አሳ ኡባራ ፕርደታና፤ እ ኢታታ ማሻስ አድ እማና” ያጌስ ጎዳይ።

Isayaasa 59:18

እ ኤንታዉ ኤንታ ኦሱዋዳ ኦሱዋዳ ዛራና፤ ሀንቁዋ ባ ሞርከታስ፥ ሴራ ባራ ኤቀተይሳታስ ጭጋና፤ ዩሾይ አባን ተቀትዳ ቢታታስ ኤንታ ኦሱዋዳ እማና።

Isayaasa 24:21

ሄ ጋላስ ጎዳይ ሳሎ ዎልቃታ ሳሎን፥ ሳኣ ካዎታ ሳአን ፕርዳና።

Isayaasa 10:12

ጎዳይ ፅዮነ ደርያ ቦላነ የሩሳላመ ቦላ ባ ኦሱዋ ኡባ ፖልዳፐ ጉየ፥ አሶረ ካዋ እያ ኦቶሩዋስነ ጬቁዋስ እያ ሴራና።

Isayaasa 3:11

ኤንቲ ባንታ ኩሸ ኦሱዋ ጋትያ ኤካና ግሾነ ዮይ ኤንታ ቦላ ይዳ ግሾ ኢታታ አየ!

Hose 9:9

ግብአ ካታማን ሀንዳይሳዳ ኤንቲ ቱንዶሶና። ፆሳይ ኤንታ ናቁዋ ሀሳያና፤ ናጋራ ግሾ ኤንታ ሴራና።

Hose 7:2

ሽን ታኒ ኤንታ ኢታ ኦሶ ኡባ ኤረይሳ አኬኮኮና። ኤንታ ኢታ ኦሶይ ኤንታ ናቅ ኦይክስ፤ ሄ ኢታ ኦሶይ ኡባ ዎደ ታ ስንን ደኤስ።

Hose 9:15

ጎዳይ፥ “ኤንታ ኢታተ ግሾ ታኒ ጋልጋላን እፆ ዶማስ። ኤንታ ናጋራ ግሾ ታኒ ኤንታ ታ ኬፈ ጎዳና፤ ህዛፐ ጉየ ታ ኤንታ ዶስከ፤ ኤንታ ሀላቃት ኡባይ ጌላታ።

Amoxe 2:4

ጎዳይ፥ “ይሁዳ አሳይ ዛር ዛር ኦዳ ናጋራ ግሾ፥ ታኒ ኤንታ ሴሮና አግከ። ኤንቲ ጎዳ ህግያ እፅዶሶና፤ እያ ኪታ ናግቦኮና። ኤንታ አዋት ካልዳ ዎርዶ ፆሳት ኤንታና ባለዶሶና።

2 Kawota 17:4

ሽን ጉ ላይፈ ጉየ፥ ካዎይ ሆሰይ፥ ግብፀ ካዋ ሰጎራስ ኪታ የድድ፥ ባና ማዳና መላ ኦይችስ። ካሰይሳዳ አሶረ ካዋስ ጊራ እመይሳ አጋግስ። ካዎይ ሳልምናሶር ሄሳ ስእዳ ዎደ እያ ኦይድ፥ ቃሾ ኬ ገልስስ።

Iyyoba 15:2

“ጭንጫ አስ ጫርኮዳ ኦይከቶናባ ኦዴቲ? ዎይኮ ዶሎሀ ባጋ ጫርኩዋን ባ ኡሉዋ ጮ ኩን?

Mazmure 78:36

ሽን ኤንቲ ባንታ እንፃርሳን ዎርዶትዶሶና፤ ባንታ ዶናን ጭምዶሶና።

Erata 5:15

አስ ኡባይ ካሎ የለትዳይሳዳ መላ ኩሸ ስሚድ ባና። አይ መላ እ ዳቡርድ ኦኮካ ኤክድ ብያባይ ባዋ።

Isayaasa 30:6

ነገባን ደእያ ዶአታባ ጎዳይ ኦድዳይ ሀይሳ፦ ኪተትዳይሳት መቶይነ ኡንእ ደእያ ቢታራ፥ አደ ጋሞይነ ማጫ ጋሞይ ዎራራ፥ ኢታነ ፆንገትያ ሾሻት ደእያ ባዙዋራ ካንድ ባና። ሀረታነ ግማለታ ዞኮን ባንታ ዱረተ ጫንድ ኤንታ አይኮካ ማዶና ቢታ ባና።

Hose 7:1

“ታኒ እስራኤለ ፓናዉ ኮይያ ዎደ ኤፍሬማ ናጋራይነ ሳማረ አሳ ኢታ ኦሶይ ቆንጭስ። ኤንቲ ኡባ ዎደ ጭሞሶና፤ ካይሶት መንድ ገሎሶና፤ ፓንጋት ከይድ ቦንቆሶና።

Hose 7:11

“ኤፍሬማ አሳይ ሆለዳ ኤያነ ጮ ጭመተይሳታ። ኤንቲ ማዶ ደማናዉ እስ ቶሆ ግብፀ፤ እስ ቶሆ አሶረ ስሞሶና።

Hose 8:9

ኤንቲ ባዞ ሀረይ ባርካ ቶይላተይሳ መላ ቶይላትሸ አሶረ ብዶሶና። ኤፍሬማ አሳይ ባንታ ሚሽያን ላገ ሻምዶሶና።

Hose 8:10

ባንታና ማዳና መላ ሚሸን ሻምኮካ ታ ኤንታ ሺሻና። ካረ ቢታ ካዎትነ ሀላቃት ኤንታና ኡንኤን ኤንቲ ጮ ያና።