Hose 1:2 - ጌሻ ማፃፋ

² ጎዳይ ኮይሮ ሆሰ ባጋራ ኦድዳ ዎደ “ታ አሳይ ታፐ ሃክድ ኢታ ላይማተ ኦዳ ግሾ፥ ኔኒ ባዳ፥ ላይማ ማጫስ ኤካዳ ላይማ ናይታ ኢፐ የላ” ያግስ።

Geeshsha Maxaafa

² Goday koyro Hose baggara odida wode “Ta asay taape haakidi iita laymatethi oothida gisho, neeni bada, layma maccas ekada layma nayta iipe yela” yaagis.

Hose 1:2 Referans Kwoze

Hose 3:1

ጎዳይ ታና፥ “እስራኤለ አሳይ ሀራ ፆሳታኮ ስሚድ፥ ዛብበ ኡይ ያርሻናዉ ኮይኮካ፥ ጎዳይ ኤንታ ዶሰይሳዳ እዮ ዶሳ። እያ ሀራ ላገያባነ ላይማትያባ ግድኮካ ኔኒ እዮ ዶሳ” ያግስ።

Zaaretho 31:16

ጎዳይ ሙሰኮ፥ “ኔኒ ማታ ዎደ ሀይቃዳ ነ አዋታን ጋሄታሳ። ኔፐ ጉየ፥ ሀ አሳይ ታዉ አማነቶናይሳታ ግዳና፤ ታ ኤንታራ ገልዳ ጫቁዋ መንና። ኤንቲ ታና አግድ፥ ባንታ ላትያ ቢታን ደእያ ኤቃታ ካላና።

Ermiyaasa 3:9

ላይማተይ እዉ ላፋባ ግድያ ግሾ፥ ምራነ ሹቻራ ላይማታዳ ቢታ ቱንሳሱ።

Mazmure 106:39

ሄሳዳ ኤንቲ ባንታ ኦሶን ቱንዶሶና፤ ባንታ ሀኖታን ባንታ ላይማ ከስዶሶና።

ዮሃኒሳ ቆንጬ 17:5

እ ሶምኦን ፁራ ኦሶ ብርሸይ ደእያ ሱንይ፥ “ግታ ባብሎነይ፥ ላይማተስነ ሳአን ደእያ ቱናባ ኡባስ አዮ” ግያ ፁፈይ ፃፈትድ ኡትስ።

2 ጰፅሮሳ 2:14

ላይማትያ ማጫስ ፄልድ አጎና አይፈይ ኤንታዉ ደኤስ፤ ቃስ ናጋራ ኦይሳ አጎኮና። አማኖን ምንቦና አሳ ጭሞሶና። ኤንታዉ ኡባ ዎደ አሞትያ ዎዛን ደኤስ፤ ኤንቲ ባደትዳይሳታ።

Hizqeela 6:9

ማሻፈ አትዳ ኤንቲ፥ ድኤትድ ብዳ ካዎተታ ግዶን ደእሸ ታና ሀሳያና። ኤንቲ ባንታ ላይማ ዎዛናንነ አሞትያ አይፍያን ኤቃ ጎይናናዉ ስሚድ ታ ዎዛና መንዳይሳ ኤንቲ አኬካና። ኤንቲ ባንታ ኢታ ኦሱንነ እፀትዳ ኤቃ ጎይኖ ጋሶን ባንታና ሻተታና።

Hose 5:3

ታኒ ኤፍሬማ ኤራይስ፤ እስራኤለይ ታፐ ጌምቤና። ኤፍሬማ፥ ኔኒ ሀእ ላይማ ግዳዳሳ፤ እስራኤለይ ቱንስ።”

Marqoosa 1:1

ሀይስ ፆሳ ናአ የሱስ ክርስቶሳ ዎንገላ ዶመ።

Ermiyaasa 2:13

ታ አሳይ ናምኡ ናጋራ ኦዶሶና፤ ሄስካ፥ ደኦ ፑልቶ ግድዳ ታና አግስ። ሃ ኦይካናዉ ዳንዳኦና፥ ፆኤ ኦላታ ባንታዉ ቦክዶሶና።

Mazmure 73:27

ኔፐ ሃከይሳት ያና፤ ነና ካደይሳታ ኡባ ነ ዉርሳና።

2 Taarike 21:13

እስራኤለ ካዎታ ኦግያን ሄመታዳሳ። አካባ ሶ አሳይ ኦዳይሳዳ ይሁዳንነ የሩሳላመን ደእያ አሳይ ኤቃ ጎይናና መላ ኦዳሳ። ቃስ ኔፐ ሎእያ፥ ነ አዋ ሶ አሳ፥ ነ እሻታ ዎዳሳ።

Ermiyaasa 2:20

“ታ ነ ቃምባራ ዳሮ ዎደፐ ካሰ መንስ፤ ነ ቃሹዋ ዱስ። ኔኒ፥ ‘ታ ነና ጎይንከ’ ያጋዳሳ። ደረ ቦላነ ዳሻ ም ጋርሳን ላይማታናዉ ዝንአዳሳ።

Ermiyaasa 2:23

ኔኒ ዋናዳ፥ ‘ታ ቱናብከ፤ ባኣለ ኤቃ ጎይናብከ’ ጋይ? ኔኒ ዛንጋራን ሀንዳባ ፄላ፤ ነ ኦዳባ አኬካ። ኔኒ ያነ ሃነ ዎፅያ ዚታ ከይዳ ግማለ መላ።

Hose 2:7

እያ ባ ላገታ ጌዶ ዎፃና፥ ሽን ጋኩኩ፤ ኤንታ ኮያና፥ ሽን ደሙኩ። ሄሳፈ ጉየ፥ ‘ሀእ ዱሳፈ ታዉ በንይስ ሎኦ ግድያ ግሾ፥ ስማዳ ታ ኮይሮ አዝናኮ ባና’ ያጋና።