Astiro 1:4 - ጌሻ ማፃፋ

⁴ ካዎይ እስ ፄታነ ሆስፑን ታሙ ጋላስ ኩመ ባ ካዎተ ዱረተነ ባ ያሽያ ቦንቹዋ ኡባ ኤንታ በስስ።

Geeshsha Maxaafa

⁴ Kawoy issi xeetanne hospun tammu gallas kumethi ba kawotethaa duretethaanne ba yashshiya bonchuwa ubbaa enta bessis.

Astiro 1:4 Referans Kwoze

Iyyoba 40:10

ሄሳ ግድኮ፥ ነ ቦንቹዋነ ግታተ ማአ፤ ነ ዎልቃነ ቴሙዋ ግፃ።

ዮሃኒሳ ቆንጬ 4:11

“ኑ ጎዳዉ፥ ኑ ፆሳዉ፥ ኔኒ ቦንቾ፥ ሳባነ ዎልቃ ኤካናዉ በሳሳ። ኔኒ ኡባ መዳሳ፤ ኡባባይ ነ ሸንያዳ ሀንስ፥ መትስ” ያግዶሶና።

Qolaasiyasa 1:27

ፆሳይ አይሁደ ግዶና አሳ ግዶን ሀ ፁራ ቦንቾ ዱረተ ቆንጭስስ። እካ ቦንቾ ኡፋይስ ግድዳ ህንተ ግዶን ደእያ ክርስቶሳ።

Efesoona 1:18

ፆሳይ ህንተና ፄግዳ ኡፋይሳይነ ጌሻት ላትያ ቦንቾ ላታይ አይ መላ ዳሮኮ ህንተ ኤራና መላ ፆሳይ ህንተ ዎዛና አይፍያ ዶያና መላ ታኒ ፆሳ ዎሳይስ።

Roome 9:23

ሄሳ እ ኦዳይ ኮይሮትድ ቦንቾስ ጊግስዳ፥ ባ ዶርዳ ናይታስ ባ ቦንቹዋ ቆንጭሳናሳ።

Maatosa 6:13

ኑና ኢታፐ አሻፈ አትሽን፥ ፓጨን ገልሶፋ። [ካዎተይ፥ ዎልቃይነ ቦንቾይ መርናዉ ኔሳ፤ አምንእ።’]

Maatosa 4:8

ዉርሰን ፃላሄይ የሱሳ እስ ዎልቃማ ዙማ ሁጰ ከስድ አላምያ ካዎተታ ኤንታ ቦንቹዋራ እስፈ በስድ፥

Daanela 5:18

“ካዋዉ፥ ኡባፈ ቃ ፆሳይ ነ አዋ ናቡካዳናፆራስ ካዎተ፥ ግታተ፥ ቦንቾነ ቴማ እሚስ።

Daanela 4:36

ታ ካሀይ ስምን፥ ታ ካዎተ ቦንቾይነ ታ ቴማይ ታዉ ስምስ። ካሰ ታና ዞረይሳትነ ታ ሞርናት ታና ኮይዶሶና። ታኒ ታ አራታን ምናስ፤ ታዉ ካሰይሳፈ አያ ግታተ ጉዠትስ።

Daanela 4:30

ካዎይ፥ “ታኒ፥ ታ ግታ ዎልቃን፥ ታ ግታ ቦንቹዋስ ካዎይ ዳና መላ ታ ኬፅዳ ዎልቃማ ባብሎነ ካታማይ ሀይሳ ግደኔ?” ያግስ።

Hizqeela 28:5

ነ ዛልእያ ኤራን ዳሮ ዎ ደማዳሳ፤ ነ ዱረተ ጋሶን ነ ዎዛናይ ኦቶርትስ’ ” ያጌስ።

Isayaasa 39:2

ህዝቅያስ ኪተትድ ይዳ አሳታ ሞክስ። ባ ሻሉዋ ምንጅያ ኬን ደእያ ብራ፥ ዎርቃ፥ ሳዉዋ፥ ሎኦ ዛይተ፥ ባ ኦላ ሚሸታነ ባ ሻሉዋ ምንጅያ ኬን ደእያባ ኡባ ኤንታ በስስ። ባ ሶን ዎይኮ ባ ጋዋን ደእያባ ኡባፈ ህዝቅያስ ኤንታ በሶና አግዳባይ ባዋ።

Mazmure 145:5

ኤንቲ ነ ቦንቹዋ፥ ነ ቴማነ ነ ግታተ ኦዳና። ታኒ ነ ማላልስያ ኦሱዋ ዛራ ዛራዳ ቆፓና።

Mazmure 93:1

ጎዳይ ካዎትስ! ፆሳይ ቦንቾ ማእስ፤ ዎልቃ ዳንጭስ፤ ሳእ ምንድ ኤቅስ፤ ቃፀና።

Mazmure 45:3

ዎልቃማ ካዋዉ፥ ነ ማሻ ዳንጫ፤ ቦንቾነ ቴማ ማአ።

Mazmure 21:5

ኔኒ እያዉ ፆኖ እምዳ ግሾ፥ እያ ቦንቾይ ዳርስ፤ ግታተነ ቴማ እያዉ እማዳሳ።

1 Taarike 29:25

ጎዳይ ሶሎሞነ እስራኤለ አሳ ኡባ ስንን ቁ ቁ ኦስ፤ ካሰ እስራኤለ ካዎታስ እመትቦና ቦንቾ ሶሎሞነስ እሚስ።

Astiro 1:3

እ ካዎትዳ ሄን ላይን፥ ባፐ ጋርሳራ ዳይናታስነ ቢታ አይሰይሳታስ ግታ ግብራ ጊግስስ። ሄ ግብራ በሳን ሜዶናነ ፋርሰ ቶራ ሞጮናት፥ ቢታ ሃረይሳትነ አይሰይሳት በንትዶሶና።

Astiro 1:5

ሄ ጋላሳታፐ ጉየ፥ ካዎይ ቃስ ሀራ ላፑን ጋላስ ጋምእያ ግብራ፥ ሱሳ ካታማን፥ ዱረፐ ማንቆ ጋካናዉ ደእያ አሳ ኡባስ ጊግስስ። ሄ ግብራይ ካዎ ጋይ ደእያ አታክልተ በሳን ጊግስ።