Astiro 1:3 - ጌሻ ማፃፋ

³ እ ካዎትዳ ሄን ላይን፥ ባፐ ጋርሳራ ዳይናታስነ ቢታ አይሰይሳታስ ግታ ግብራ ጊግስስ። ሄ ግብራ በሳን ሜዶናነ ፋርሰ ቶራ ሞጮናት፥ ቢታ ሃረይሳትነ አይሰይሳት በንትዶሶና።

Geeshsha Maxaafa

³ I kawotida heedzantho laythan, baape garsara daynnatasinne biitta ayseysatas gita gibira giigisis. He gibira bessan Meedonanne Farse toora moconati, biitta haareysatinne ayseysati bentidosona.

Astiro 1:3 Referans Kwoze

Marqoosa 6:21

ሄሮዲስ ባ የለትዳ ጋላሳ ቦንቻናዉ ደርያ ሃረይሳታስ፥ ሻላቃታስነ ጋልላን ደእያ ግታ አሳስ እማቶ ጊግስስ። ሄስ ሄሮድያዳስ እንጀ ጋላስ ግድስ።

Daanela 5:1

እስ ጋላስ ካዎይ ብልፃሶር ሙኩሉ ግድያ ባ ሹማታስ ግብራ ጊግስድ፥ ኤንታራ እስፈ ዎይነ ኡሻ ኡይስ።

Astiro 2:18

ሄሳፈ ጉየ፥ ካዎይ አስትር ቦንቹዋስ ግታ ግብራ ጊግስድ፥ ሀላቃታነ ቢታ አይሰይሳታ ፄግስ። ቃስ ባ ካዎተ ግዶን ኡፋይሳ ባለይ ቦንቸታና መላ አዋጅስ። ቢታ ኡባስ እስ ላይ ጊራ ማርስ። እሞታካ ባ ኬሀተ መላ ሁጰን ሁጰን እሚስ።

1 Kawota 3:15

ሶሎሞነይ ስኮፈ ባርክድ፥ ሄኮ፥ ፆሳይ እያዉ አሙሆን ኦድዳይሳ አኬክስ። እ፥ የሩሳላመ ስሚድ፥ ጎዳ ጫቆ ታቦትያ ስንን ኤቅድ፥ ፁሳ ያርሾነ እስፈተ ያርሾ ያርሽስ። ያትድ፥ ባ ሞርናታስ ግብራ ጊግስስ።

Ermiyaasa 51:11

“ጎዳይ ባብሎነ ይሳናዉ ቆፋ ቃችዳ ግሾ፥ ሜዶና ካዎታ ደንስ። እ ባ ኬ ግሾ ሀሎ ከያናዉ ቆፕስ። ሜዶና ሀላቃት፥ ‘ዶንገ ቶራ ሌፍተ፤ ጎንዳለ ኦይክተ።

Isayaasa 21:2

ታኒ እስ ያሽያ ቆንጨ በአስ፤ አድ እመይስ አድ እሜስ፤ ድኤይስ ድኤስ። ኤላማ ከያ! ሜዶና ካታማ ኦይካ! ባብሎነይ ጋዳ ዋይያ ታኒ ድጋና።

Medhetethi 40:20

ሄን ጋላሳን ግብፀ ካዎይ ባ የለትዳ ጋላሳን ባ ሞርናታ ኡባስ ግብራ ጊግስስ። ኡሻ ካፑዋነ ካ ካፑዋ ብል ኤህድ ባ አሳ ስንን ኤስስ።

Daanela 8:20

ኔኒ በእዳ ናምኡ ካጨራ ደእያ ዶርሳይ፥ ሜዶናነ ፋርሰ ካዎታ ሌምሶ።

Daanela 6:1

ካዎይ ዳርዮስ ባ ካዎተ ኡባ ግዶን ባፐ ጋርሳራ ቢታ ሃርያ ፄታነ ላታሙ አሳታ ሹማናዉ ቆፕስ።

Daanela 5:28

ፓረስ፦ (ሻከትስ) ‘ነ ካዎተይ ሻከትድ ሜዶናስነ ፋርሰስ እመትስ’ ” ጉሱ።

Astiro 1:14

ካዎይ ግታ ማት ደእያ ላፑን ፋርሰነ ሜዶና ሹማታ፥ አርቀስዮሳ፥ ሸታራ፥ አድማታ፥ ታርሸሻ፥ ማሬሳ፥ ማርሳናነ መሙካና ፄግስስ።

Izira 1:2

ፋርሰ ካዎይ ቅሮስ ሀይሳዳ ያጌስ፤ “ጎዳይ፥ ሳሎ ፆሳይ ሀ ሳኣ ካዎተታ ኡባ ታዉ እሚስ። ቃስ ይሁዳን ደእያ የሩሳላመን እያዉ ኬ ኬፃና መላ ታና ሹምስ።

Astiro 1:4

ካዎይ እስ ፄታነ ሆስፑን ታሙ ጋላስ ኩመ ባ ካዎተ ዱረተነ ባ ያሽያ ቦንቹዋ ኡባ ኤንታ በስስ።

Astiro 3:7

አርፀክስስ ካዎትዳ ታማነ ናምአን ላይን፥ ንሳነ ጌተትያ ኮይሮ አጌናን፥ አይሁደታ ዎያ አጌናነ ጋላሳ ኤራናዉ፥ ፑርማ ጌተትያ ሳማ እያ ስንን የጋና መላ ሃም ኪትስ። ሄ ሳማይ ዎዳ ማራን፥ አዳረ ጌተትያ ታማነ ናምአን አጌናን፥ ታማነ ሄን ጋላስ አይሁደት ዉርያ ጋላስ ግደይስ ቃሸትስ።