2 ፅሞትዮሳ 2:12 - ጌሻ ማፃፋ

¹² ኑኒ ገንጭኮ፥ እያራ እስፈ ካዎታና። ኑኒ እያ ካድኮ፥ እ ኑና ካዳና።

Gofa New Testament

¹² Nuuni gencciko, iyara issife kawotana. Nuuni iya kaddiko, i nuna kaddana.

Geeshsha Maxaafa

¹² Nuuni genciko, iyara issife kawotana. Nuuni iya kaddiko, I nuna kaddana.

Ooratha Caaquwa Goofatho

¹² Nuuni gencciko, iyara issife kawotana. Nuuni iya kaddiko, i nuna kaddana.

ኦራ ጫቁዋ ጎፋ

¹² ኑኒ ጌንጪኮ፥ ኢያራ ኢሲፌ ካዎታና። ኑኒ ኢያ ካዲኮ፥ ኢ ኑና ካዳና።

2 ፅሞትዮሳ 2:12 Referans Kwoze

Roome 8:17

ኑኒ እያ ናይታ ግድኮ ፆሳ አንጁዋ ላታና፤ ክርስቶሳራ ዎላ ሄ አንጁዋ ላታና። ቃስ ኑኒ ክርስቶሳራ መቱዋ ኤክኮ እያራ ዎላ እያ ቦንቹዋን ሻከታና።

Maatosa 10:33

ሽን አሳ ስንን ታና ካደይሳ ታንካ ሳሎን ደእያ ታ አዋ ስንን ካዳና።

ዮሃኒሳ ቆንጬ 20:4

ሄሳፈ ጉየ፥ አራታታነ አራታታ ቦላ ኡትድ ፕርዳና መላ ማት እመትዳይሳታ በአስ። የሱሳስ ማርካትዳ ግሾነ ፆሳ ቃላ ኦድዳ ግሾ ባንታ ቆያ ጎይረትዳ አሳ ሸምፑዋ በአስ። ኤንቲ ዶኣ ዎይኮ ዶኣ ምስልያ ጎይንቦኮና። ኤንቲ ዶኣ ማላ ባንታ ሶምኦን ዎይኮ ባንታ ኩሸን ዎቦኮና። ኤንቲ ሀይቆፐ ደንድድ ክርስቶሳራ እስፈ ሙኩሉ ላይ ሃርዶሶና።

ዮሃኒሳ ቆንጬ 20:6

ኮይሮ ደንዱዋስ ቃድ ደኤይሳት አንጀትዳይሳታነ ጌሻታ። ኤንታ ቦላ ናምአን ሀይቁዋስ ዎልቅ ባዋ። ኤንቲ ፆሳስነ ክርስቶሳስ ካህነ ግዳና፤ እያራ እስፈ ሙኩሉ ላይ ሃራና።

Luqaasa 12:9

አሳ ስንን ታና ካደይሳስ ፆሳ ኪታንቾታ ስንን ታ እያ ካዳና።

ዮሃኒሳ ቆንጬ 5:10

ኤንቲ እያ ፆሳ አዋስ ኦና መላ ኤንታና ካህነ ካዎተ ኦዳሳ። ኤንትካ ቢታ ኡባ ሃራና” ያግድ ኦራ ማዝሙረ የፅዶሶና።

Luqaasa 9:26

ኦንካ ታናንነ ታ ቃላን ዬላትኮ፥ አሳ ናእ ባ ቦንቹዋራ ሄሳዳካ አዋ ቦንቹዋራነ ጌሻ ኪታንቾታ ቦንቹዋራ ያ ዎደ እያን ዬላታና።

ዮሃኒሳ ቆንጬ 2:13

ታኒ ነ ደእያ በሳ ኤራይስ፤ ኔኒ ፃላሄ አራታይ ደእያ በሳን ደኣሳ፤ ታ ሱን ምን ናጋዳሳ። ሀር አቶሽን፥ ፃላሄይ ደእያ ህንተ ካታማን ሀይቅዳ ታ አማነትዳ ማርካይ፥ አንትጳስ፥ ደእያ ዎደካ አማኑዋ አጋባካ።

ዮሃኒሳ ቆንጬ 1:9

ታኒ፥ ዮሃንስ፥ ህንተ እሻይ፥ ህንተራ እስፈ የሱሳን ዋይያ፥ እያ ካዎተነ እያ ዳንዳኣ በአስ። ታኒ ፆሳ ቃላ ግሾነ የሱሳባ ማርካትዳ ግሾ፥ ዩሾይ አባን ተቀትዳ ቢታን፥ ፓፅሞን ደአይስ።

Yihuda 1:4

ኤንታ ፕርዳይ በንፐ ፃፈትድ ኡትዳ፥ እስ እስ አሳት ኦንካ ኤሮና ህንተ ግዶ ገልዶሶና። ኤንቲ ፆሳ ኤሮናይሳታ፥ ኑ ፆሳ አ ኬሀተ ላይማታናዉ ጎኤትያ ኦገ ኦድ ኤኮሶና። ባ ፃላላ ካዎ ግድዳ፥ ኑ ጎዳ የሱስ ክርስቶሳ ካዶሶና።

ፍልጵስዩሳ 1:28

ህንተ ሞርከታስ ያዮፍተ። ኤንቲ ህንተራ ኤቀትያባ ግድኮ ሄስ ህንተዉ አቶተስ፥ ኤንታዉ ዮስ ፆሳፈ ግድዳ ማላ።

Marqoosa 8:38

ፆሳ አማኖና ሀ ኢታ የለተን፥ እስ አስ ታናንነ ታ ቃላን ዬላትኮ፥ አሳ ናአይ፥ ቃስ ባ አዋ ቦንቾን ጌሻ ኪታንቾታራ ያ ዎደ እያን ዬላታና” ያግስ።

Maatosa 26:35

ጰፅሮስ ዛሪድ፥ “ታኒ ኔራ እስፈ ሀይቆፐ አትሽን፥ ነና ኡባካ ካድከ” ያግስ። ሀንኮ እያ ታማረት ኡባይካ ሄሳዳ ግዶሶና።

ዮሃኒሳ ቆንጬ 3:8

ታኒ ነ ኦሱዋ ኤራስ፤ ሄኮ ታ ነ ስንን ኦንካ ጎርዳናዉ ዳንዳኦና ዶያ ፐንገ ዎስ። ነ ዎልቃይ ጉ ግድኮካ፥ ታ ቃላ ናጋዳሳ፤ ታና ካዳባካ።

Leemiso 30:9

ዱረ ግዳዳ፥ “ጎዳይ ኦኔ?” ጋዳ ነና ካዳና፤ ማንቆ ግዳዳ፥ ካይሳዳ ታ ፆሳ ሱን ጫይሳና።

ሃዋሬታ ኦሱዋ 14:22

ያን አማነይሳታ ምንሸነ ኤንቲ አማኖን ምንድ ደአና መላ ዞርሸ፥ “ፆሳ ካዎተ ገላናዉ ኑኒ ዳሮ ዋየ ኤካናዉ በሴስ” ያግድ ታማርስዶሶና።

Marqoosa 10:33

“ሄኮ፥ ኑኒ የሩሳላመ ሀእ ከዮስ። ያን አሳ ናአይ፥ ካህነ ሀላቃታስነ ህገ አስታማረታስ አድ እመታና። ኤንቲ እያ ቦላ ሀይቆ ፕርዳ ፕርዳና፤ ቃስ አይሁደ ግዶና ደርያስ እያ አድ እማና።

Maatosa 26:75

የሱሲ እያኮ፥ “ኔኒ ኩቶይ ዋሳናፐ ስን ታና ሄ ቶሆ ካዳና” ግዳይሳ ጰፅሮስ አኬክድ፥ ካረ ከይድ ኢታ ዬሆ ዬክስ።

ዮሃኒሳ ቆንጬ 1:6

ኑኒ ፆሳ እያ አዋስ ኦና መላ ኑና ካዎተ ካህነ ኦስ። እያዉ መርናፐ መርና ጋካናዉ ቦንቾይነ ዎልቃይ ግዶ። አምንእ።

Luqaasa 22:29

ህንተ ታ ጋይታፐ ማና መላ፥ ኡያና መላነ አራታታ ቦላ ኡትድ ታማነ ናምኡ እስራኤለ ሼሻታ ቦላ ፕርዳና መላ ታ አዋይ ታና ሹምዳይሳዳ ታካ ህንተና ታ ካዎተን ሹማና” ያግስ።

Roome 5:17

እስ አሳ ናጋራ ጋሶን ሀይቆይ አሳ ኡባ ቦላ ካዎትስ። ሽን የሱስ ክርስቶሳ ባጋራ ፆሳ አ ኬሀተነ ፅሎተ እሞታ ኤክያ ኡባይ፥ ፆኖ ደኦን ደኦሶና።

1 ፅሞትዮሳ 5:8

ሽን ባ ዳቦታስ፥ ኡባፈ አድ ባ ሶ አሳስ ቆፖና ኦንካ ባ አማኑዋ ካድዳይሳ፤ አማኖና አሳፐካ አዳ ኢታ።

ዮሃኒሳ ቆንጬ 3:10

ኔኒ፥ ‘ገንጫ’ ጋዳ ታ ኪትዳ ኪታ ናግዳ ግሾ፥ ኩመ አላምያ ፓጫናዉ ያ ዋየ ዎድያፐ ታኒ ነና ናጋና።

ዮሃኒሳ ቆንጬ 3:21

ታ ፆናዳ ታ አዋራ እያ አራታን ኡትዳይሳዳ ፆንዳይ ታራ ታ አራታን ኡታና መላ ማታ እማና።