2 ጰፅሮሳ 2:1 - ጌሻ ማፃፋ

¹ ሽን ዎርዶ ናበት ካሰ አሳ ግዶን ደኤይሳ መላ ሀእካ ዎርዶ አስታማረት ህንተ ግዶን ደንዳና። ኤንቲ ባንታና ዎዝዳ፥ ጎዳ ካድድ፥ ይስያ ዎርዶ ትምርትያ ኤሀና። ሄሳን ኤንቲ ባንታ ቦላ ኤለስድ ዮ ኤሆሶና።

Gofa New Testament

¹ Shin worddo nabeti kase asaa giddon de7eyssa mela ha77ika worddo asttamaareti hintte giddon denddana. Entti banttana wozida, Godaa kaddidi, dhayssiya worddo timirttiya ehana. Hessan entti bantta bolla ellesidi dhayo ehoosona.

Geeshsha Maxaafa

¹ Shin wordo nabeti kase asaa giddon de7eysa mela ha77ika wordo astamaareti hinte giddon dendana. Enti bantana wozida, Godaa kaddidi, dhaysiya wordo timirtiya ehana. Hessan enti banta bolla ellesidi dhayo ehoosona.

Ooratha Caaquwa Goofatho

¹ Shin worddo nabeti kase asaa giddon de7eyssa mela ha77ika worddo asttamaareti hintte giddon denddana. Entti banttana wozida, Godaa kaddidi, dhayssiya worddo timirttiya ehana. Hessan entti bantta bolla ellesidi dhayo ehoosona.

ኦራ ጫቁዋ ጎፋ

¹ ሺን ዎርዶ ናቤቲ ካሴ ኣሳ ጊዶን ዴዔይሳ ሜላ ሃዒካ ዎርዶ ኣስታማሬቲ ሂንቴ ጊዶን ዴንዳና። ኤንቲ ባንታና ዎዚዳ፥ ጎዳ ካዲዲ፥ ይሲያ ዎርዶ ቲሚርቲያ ኤሃና። ሄሳን ኤንቲ ባንታ ቦላ ኤሌሲዲ ዮ ኤሆሶና።

2 ጰፅሮሳ 2:1 Referans Kwoze

Maatosa 7:15

“ቦላ ባጋራ ዶርሰ ዳንድ ባንታ ጋን ሱመ ግድድ ህንተ ግዶ ገልያ ዎርዳንቾ ናበታፐ ናገትተ።

Yihuda 1:4

ኤንታ ፕርዳይ በንፐ ፃፈትድ ኡትዳ፥ እስ እስ አሳት ኦንካ ኤሮና ህንተ ግዶ ገልዶሶና። ኤንቲ ፆሳ ኤሮናይሳታ፥ ኑ ፆሳ አ ኬሀተ ላይማታናዉ ጎኤትያ ኦገ ኦድ ኤኮሶና። ባ ፃላላ ካዎ ግድዳ፥ ኑ ጎዳ የሱስ ክርስቶሳ ካዶሶና።

2 ጰፅሮሳ 2:3

ዎርዶ አስታማረት ሚሸ ያርድ ባንታዉ መ ከስዳ ሀይሰን ህንተና ቦንቃና። በንፐ ዶምድ ኤንታ ፕርዳይ ጊግድ ኡትስ፤ ኤንታ ዮይካ ኤንታና ናግድ ኡትስ።

2 ፅሞትዮሳ 4:3

አሳይ ቱማ ትምርትያ ስኦና እፅያ ዎደይ ያና። ኤንቲ ባንታ አሙዋ ካልድ፥ ባንታዉ ስአናዉ ኡፋይስያባ ኦድያ አስታማረታ ሺሾሶና።

Maatosa 24:11

ቃስ ዳሮ ዎርዶ ናበት ደንድድ ዳሮታ ባለና።

Galatiya 2:4

ግዶሽን፥ አማንያ እሻታ ዳንድ ኑ ግዶ ገልዳ እሶት እሶት እ ቃፃረታና መላ ኮይዶሶና። ሄ አሳት ክርስቶስ የሱሳን ኑስ ደእያ ላአተ ዎችድ በአናዉ ጌማን ኑ ግዶ ገልድ ዛሪድ ኑና አይለ ኦናዉ ኮዮሶና።

1 ቆሮንቶሳ 11:19

ህንተ ግዶፈ ቱም ደኤይሳት ኦናንተኮ ኤረታና መላ ህንተ ግዶን ሻሆይ ዳናይስ አተና።

1 ዮሃንሳ 4:1

ታ ሲቆ እሻቶ፥ አያናታ ኡባ አማኖፕተ፥ ሽን ኤንቲ ፆሳፈ ይዳኮ ፓጭድ በእተ። አይስ ጊኮ፥ ዳሮ ዎርዶ ናበት አላመን ደንድዶሶና።

Qolaasiyasa 2:8

ክርስቶሳፐ ግዶናሽን፥ አሳ ዎጋንነ ሀ አላምያ ጮ ዎጋን ካትዳ ትምርተንነ አሳፐ ይዳ ኤራተን ኦንካ ህንተና ጭም ባለድ ድኦና መላ ናገትተ።

Tito 3:10

ሻሄተ መያ ኡራ ኮይሮ ዞራ፤ ናምአን ሀንቀታ፥ ሄሳፈ ጉየ፥ እያፐ ሃካ።

Tito 1:11

ኤንቲ በሶና ኦገን ሚሸ ደማናዉ ኮይድ፥ ታማርሳናዉ በሶናባ ታማርስሸ ኬ አሳ ኡባ ኢስያ ግሾ ኤንታ ትምርትያ ተቃናዉ በሴስ።

ፍልጵስዩሳ 3:19

ኤንታ ዉርሰይ ዮ፤ ኤንታ ኡሎይ ኤንታዉ ፆሰ። ዬላታናዉ በሲያባን ኤንቲ ጬቀቶሶና፤ ቃስ ሀ ሳአባ ፃላላ ቆፖሶና።

1 ቆሮንቶሳ 6:20

ፆሳይ ህንተና ጋተን ሻምስ። ሄሳ ግሾ፥ ህንተ አሳተን ፆሰ ቦንችተ።

Marqoosa 13:22

ዎርዳንቾ ክርስቶሳትነ ዎርዶ ናበት ደንድድ ባንታዉ ዳንዳኤትኮ፥ ሀር አቶሽን ፆሳይ ዶርዳይሳታካ ባለናዉ ማላታታነ ማላልስያባታ በሳና።

ዮሃኒሳ ቆንጬ 5:9

ኤንቲ፥ “ፃ ማፃፋ ኤካናዉ፥ ማታመታ ብላናዉ ነዉ በሴስ። አይስ ጊኮ፥ ኔኒ ሹከታዳሳ፤ ኮቸ ኡባፈ፥ ዱማ ዱማ ዶናፐ፥ ያራታፐነ ካዎተታ ኡባፈ ነ ሱን ፆሳስ ዎዛዳሳ።

ዮሃኒሳ ቆንጬ 2:9

ታኒ ነ ዋያነ ነ ማንቆተ ኤራይስ፤ ግዶሽን ኔኒ ዱረ። አይሁደ ግዶናሽን ባንታና አይሁደ ገይሳት ጫይያ ጫሻ ታ ኤራይስ፥ ሽን ኤንቲ ፃላሄ ማባራን ደኦሶና።

Ibraawe 10:29

ያትን፥ ፆሳ ናኣ ካዳ ኡራይ፥ ባና ጌሽዳ ፆሳ ጫቆ ሱ ቱናባዳ ቆፕዳ ኡራይ፥ ቃስ አ ኬሀተ አያና ጫይዳ ኡራይ፥ አይ መላ ኢታ ፕርዳ ኤካናዉ በሲያኮ አነ ቆፕተ።

Qolaasiyasa 2:18

ቆፐ ቆሞ አሽከተንነ ኪታንቾ ጎይኖን ጬቀትያ ኦንካ ህንተና ህንተ ዎይቱዋፐ አሾፎ። ሄሳ መላ አስ ባ በእዳ ቆንጨን ናሸትሸ ባ አሾ ቆፋን ጮ ኦቶርቴስ።

Efesoona 4:14

ህዛፐ ጉየ፥ አሳ ገነ ጭሞን ጊግዳ ባለያ ዎርዶ ትምርተ ጫርኮንነ ሆበን ገደነ ሃ ኩሎ ካእያ ናይታ መላ ግዳናዉ በሰና።

Maatosa 24:24

አይስ ጊኮ፥ ዎርዶ ክርስቶሳትነ ዎርዶ ናበት ደንዳና። ኤንታዉ ዳንዳኤትኮ፥ ሀር አቶሽን ፆሳይ ዶርዳይሳታካ ባለናዉ ግታ ማላታታነ ማላልስያባታ ኦና።

Maatosa 10:33

ሽን አሳ ስንን ታና ካደይሳ ታንካ ሳሎን ደእያ ታ አዋ ስንን ካዳና።

ዮሃኒሳ ቆንጬ 13:14

ኮይሮ ዶኣ በሳን ኦና መላ፥ እያዉ እመትዳ ማላታታን ሳአን ደእያ አሳ ኡባ እ ባለስ። ማሻን ማዱንፅድ ፓፅዳ ዶኣ ቦንቾስ ምስለ ጊግሳና መላ ኤንታና ኪትስ።

ዮሃኒሳ ቆንጬ 2:13

ታኒ ነ ደእያ በሳ ኤራይስ፤ ኔኒ ፃላሄ አራታይ ደእያ በሳን ደኣሳ፤ ታ ሱን ምን ናጋዳሳ። ሀር አቶሽን፥ ፃላሄይ ደእያ ህንተ ካታማን ሀይቅዳ ታ አማነትዳ ማርካይ፥ አንትጳስ፥ ደእያ ዎደካ አማኑዋ አጋባካ።

Yihuda 1:18

ኤንቲ፥ “ዉርሰ ዎድያን፥ ባንታ አሙዋ ካልድ ቶቸይሳት ያና” ያግዶሶና።

1 ዮሃንሳ 2:26

ህንተና ባለያ አሳ ግሾ ታኒ ሀይሳ ህንተዉ ፃፋስ።

1 ጰፅሮሳ 1:8

ህንተ የሱሳ በእቤከታ፥ ሽን እያ ሲቀታ። ህንተ ሀእ እያ በእቦናባ ግድኮካ፥ እያ አማነታ። ቃስ ኦዳን ቆንጭሳናዉ ዳንዳኤቶና ኡፋይሳንነ ቦንቾን ኩምደታ።

Efesoona 1:7

ፆሳ አ ኬሀተ ዱረተዳ ክርስቶሳ ሱን ዎዘትድ ናጋራ አቶተ ደምዳ።

Galatiya 5:20

ኤቃ ጎይኖ፥ ብታ፥ ሞርከተ፥ ካች፥ ቃናተ፥ ሀንቆ፥ ባና ዶሶ፥ ሻከተ፥ ኢታ ቶቦ

Galatiya 4:17

ሄ አሳት ህንተና ባንታኮ ዛራናዉ ኮዮሶና፥ ሽን ኤንታ ቆፋይ ሎኦሳ ግደና። ኤንታ ቆፋይ ህንተና ሻካናሳነ ህንተ ኤንታዉ ቆፓና መላ ኦናሳ።

Roome 16:18

ሄሳ መላ አሳት ባንታዉ ኦሶናፐ አትሽን፥ ኑ ጎዳ ክርስቶሳስ ኦኮና። ባንታ ማልእያ ዶናንነ ሳጶያ ቃላን አይኮ ኤሮና አሳ ዎዛና ባለሶና።

Luqaasa 21:8

የሱሲ ያግድ ኤንታዉ ዛሮ እሚስ፦ “ባለቶና መላ ናገትተ። ዳሮት፥ ‘ታኒ ክርስቶሳ፥ ዎደይ ማታትስ’ ያግሸ ታ ሱንን ያና፥ ሽን ህንተ ኤንታ ካሎፍተ።

Luqaasa 6:26

አስ ኡባይ ህንተ ሎኦተ ፃላላ ኦድያ ዎደ ህንተና አየ! ኤንታ አዋት በን ዎርዳንቾ ናበታ ቦላ ሄሳዳ ኦዶሶና።

Maatosa 24:5

አይስ ጊኮ፥ ዳሮ አሳት ታ ሱንን፥ ‘ታኒ ክርስቶሳ፥ ፆሳይ አሳ አሻናዉ ኪትዳይሳ’ ያግሸ ይድ ዳሮ አሳ ባለና።

Milkiyaasa 3:5

“ሄሳፈ ጉየ፥ ፕርዳስ ታኒ ህንተኮ ያዳ፥ ብታንቾታ፥ ላመይሳታ፥ ዎርዶን ጫቀይሳታ፥ ኦሳንቾታ ዳሞዘ ድገይሳታ፥ አምኤታነ ይኦታ ኡንኤይሳታ፥ በታንቾታስ ፕርዳ ድገይሳታነ ታዉ ያዮናይሳታ ቦላ ኤሶን ማርካታና” ያጌስ ኡባፈ ዎልቃማ ጎዳይ።

Mikiyaasa 3:11

እያ ሀላቃት ዎፈን ፕርዶሶና፤ ካህነት ሚሸን ታማርሶሶና፤ ናበት ሚሸይ ባይና ሙሩኖኮና። ሽን ሄ ኡባ ኦድ፥ “ጎዳይ ኑ ግዶን ደእያ ግሾ፥ ኑ ቦላ ኢታባይ ዬና” ያግድ እያ አማነቶሶና።

Mikiyaasa 3:5

ጎዳይ ዎርዶ ናበታኮ፥ “ህንተ ምያባ እምያ ዎደ፥ ‘ነዉ ሳእ ሳሮ’ ያጌታ፤ ሽን ህንተና ሙዞና እፅኮ እያ ቦላ ኦላ አዋጀታ።

Milalsa 2:14

ነ ናበት ዎርዶነ ፓና ቆንጨ በእዶሶና፤ ነ ድኤቶና መላ ነ ናጋራ ቆንጭስድ ኦድቦኮና፤ ኤንቲ ባለያ ዎርዶ ቆንጨ ነዉ በእዶሶና።

Galatiya 3:13

“ም ቦላ ካቀትድ ሀይቅያ ኦንካ ባደትዳይሳ” ጌተትድ ፃፈትዳ ግሾ፥ ክርስቶስ ኑ ግሾ ባደትዳይሳ ግድድ፥ ኑና ህገ ባደፈ ዎዝስ።

1 ቆሮንቶሳ 7:23

ፆሳይ ህንተና ጋተን ሻምዳ ግሾ አሳ አይለ ግዶፕተ።

Mikiyaasa 2:11

እስ ጭምያ ዎርዳንቾይ ይድ፥ ‘ህንተ ስንፈ ዎይነ ኡሻንነ ማይያ ኡሻን ኡፋይታና’ ያግድ ዎርዶ ትንብተ ኦድኮ፥ እ ህንተዉ ናበ ግዳና።

Hose 9:8

ናበይ ፆሳራ ግድድ፥ ኤፍሬማ ናጌስ፤ ሽን እያ ኦግያን ፅሄይ የገትስ፤ ፆሳ ኬን እያ ሞርከተ ናጌስ።

Ermiyaasa 37:19

ያትን፥ ‘ባብሎነ ካዎይ ይድ ህንተናነ ህንተ ቢታ ኦለና’ ያግድ ነዉ ትንብተ ኦድዳ ነ ናበት ሀእ አዉን ደኦና?

Isayaasa 9:15

ጭማትነ ቦንቸትዳይሳት ሁጰ፤ ዎርዶ ታማርስያ ናበት ጎይና።

1 Kawota 22:6

እስራኤለ ካዎይ ኦይዱ ፄቱ ናበታ እስፈ ሺሽድ፥ “ጋላዳን ደእያ ራሞታ ካታማ ኦላናዉ ቦየ ቦፖ” ያግድ ኦይችስ። ኤንቲ፥ “ባ፤ ጎዳይ ሄ ካታማ ካዋ ኩሸን አድ እማና” ያግዶሶና።

ዮሃኒሳ ቆንጬ 3:8

ታኒ ነ ኦሱዋ ኤራስ፤ ሄኮ ታ ነ ስንን ኦንካ ጎርዳናዉ ዳንዳኦና ዶያ ፐንገ ዎስ። ነ ዎልቃይ ጉ ግድኮካ፥ ታ ቃላ ናጋዳሳ፤ ታና ካዳባካ።

Luqaasa 12:9

አሳ ስንን ታና ካደይሳስ ፆሳ ኪታንቾታ ስንን ታ እያ ካዳና።

Zaaretho 32:6

ህንተኖ፥ ኤያነ አኬክ ባይና አሳዉ፥ ህንተ ጎዳስ እምያ ዛሮይ ሀይሴ? እ ህንተና መዳ ህንተ አዋ ግደኔ? ህንተና መድ ምን ኤስዳይ እያ ግደኔ?

Kessa 15:16

ዳጋምነ ያሽ ኤንታ ኦይክስ። አቤት ጎዳዉ፥ ኤንቲ ነ ዎልቃ ግታተ በእድ፥ ነ አሳይ አና ጋካናዉ፥ ኔኒ ዎዝዳ አሳይ አና ጋካናዉ፥ ሹቻዳ ቶለትድ ኤቅዶሶና።

Ermiyaasa 6:13

“ጉፈ ግታ ጋካናዉ ኡባይ ባና ጎእያባ ኮዬስ። ናበትነ ካህነት ኡባይ ጭሞሶና።

Ermiyaasa 29:21

ታ ሱንን ዎርዶ ትንብተ ኦድያ፥ ቆላያ ናኣ አካባባነ ማሰያ ናኣ ሰደቅያሳባ ኡባፈ ዎልቃማ ጎዳይ፥ እስራኤለ ፆሳይ ሀይሳዳ ያጌስ። “ታ ኤንታ ባብሎነ ካዋ ናቡካዳናፆራስ አዳ እማና። ህንተ ፄልሽን፥ እ ኤንታ ዎና።

1 ፅሞትዮሳ 5:8

ሽን ባ ዳቦታስ፥ ኡባፈ አድ ባ ሶ አሳስ ቆፖና ኦንካ ባ አማኑዋ ካድዳይሳ፤ አማኖና አሳፐካ አዳ ኢታ።

ዮሃኒሳ ቆንጬ 6:10

ኤንቲ ባንታ ቃላ ቁ ኦድ፥ “ኡባ ሃርያ ጎዳዉ፥ ጌሻዉ፥ ቱማንቹዋዉ፥ ሳአን ደእያ አሳ ቦላ ነ ፕርዳናይነ ኑ ሱ ግሾ ሀሎ ከያናይ አዉዴ?” ያግዶሶና።