1 Sameela 7:3 - ጌሻ ማፃፋ

³ ሳሜል እስራኤለ አሳኮ፥ “ኩመ ዎዛናፐ ህንተ ጎዳኮ ስምዳባ ግድኮ፥ አላጋ ፆሳታነ አስታሮተ ኤቃ ህንተ ግዶፈ ድግተ። ህንተናተ ጎዳስ ሼተ፤ እያ ፃላላስ ኪተትተ፤ እ ህንተና ፍልስፄመታ ኩሸፐ አሻና” ያግስ።

Geeshsha Maxaafa

³ Sameeli Isra7eele asaako, “Kumetha wozanape hinte Godaako simmidaba gidiko, allaga xoossatanne Astaroote eeqa hinte giddofe diggite. Hintenatethaa Godaas sheedhite; iya xalaalas kiitetite; I hintena Filisxeemeta kushepe ashshana” yaagis.

1 Sameela 7:3 Referans Kwoze

Luqaasa 4:8

የሱሲ ዛሪድ፥ “ነ ጎዳ፥ ነ ፆሳ፥ እያ ፃላላ ጎይና ጌተትድ ፃፈትስ” ያግስ።

Zaaretho 13:4

ጎዳ ህንተ ፆሳ ካልተ፤ እያዉ ያይተ፤ እያ ኪታ ናግተ፤ እያ ቃላ ስእተ፤ እያዉ ጎይንተ፤ እያፐ ዱፆፍተ።

Maatosa 4:10

የሱሲ ዛሪድ፥ “ሀ ፃላህያዉ፥ ታፐ ሃካ! ‘ነ ጎዳ፥ ነ ፆሳ ጎይና፥ እያ ፃላላ ሀጋዛ’ ጌተትድ ፆሳ ቃላን ፃፈትስ” ያግስ።

Zaaretho 6:13

ጎዳ፥ ነ ፆሳ ያያ፤ እያ ፃላላ ጎይና፤ እያ ሱንን ጫቃ።

Isayaasa 55:7

ኢታ አስ ባ ኦግያፐ ስሞ፤ ናጋራንቾይ ባ ቆፋ አጎ። ጎዳኮ ስሞ፥ እካ እያ ማራና፤ እ ኑ ፆሳኮ ስሞ፥ እያዉ አቶ ጋና።

Iyyasu 24:14

ቃስካ እያሱይ ካልድ፥ “ጎዳ ቦንችተ፤ ፖሎ አማነተንነ ሱረ ዎዛናን እያዉ ኪተትተ። ህንተ ማይዛት ኤፍራፂሳ ሻፋፐ ሄፍንንነ ግብፀን ጎይንዳ ኤቃታ አግድ ጎዳ ጎይንተ።

Iyyasu 24:23

እያሱይ ዛሪድ፥ “ህንተ ግዶን ደእያ ኤቃ ፆሳታ ድግተ፤ ህንተ ዎዛና ጎዳኮ፥ እስራኤለ ፆሳኮ ዛርተ” ያግስ።

Yohaanisa 4:24

ፆሳይ አያና፤ እያዉ ጎይነይሳት አያናንነ ቱማተን ጎይናናዉ በሴስ” ያግስ።

Zaaretho 10:20

ጎዳ፥ ነ ፆሳ ያያ፤ እያዉ ኦ፤ እያራ ኦይከታ፤ እያ ሱንን ጫቃ።

1 Kawota 8:48

ኤንታና ድእድ ኤፍዳ ሞርከታ ቢታን ደእሸ፥ ባንታ ኩመ ዎዛናንነ ባንታ ኩመ ቆፋን ኔኮ ስምኮ፥ ኔኒ ኤንታ ማይዛታስ እምዳ ኤንታ ቢታኮ፥ ነ ዶርዳ ካታማኮነ ታኒ ነ ሱንስ ኬፅዳ ኬኮ ስሚድ፥ ነና ዎስኮ፥

Maatosa 6:24

“እስ አስ ናምኡ ጎዳስ ሃረታናዉ ዳንዳኤና። እሱዋ ዶስኮ ሀንኩዋ እፄስ፤ ዎይኮ እሱዋ ቦንችኮ ሀንኩዋ ካስ። ፆሳስነ ሚሸስ ሃረታናዉ ዳንዳኤከታ።

Maatosa 15:8

“ ‘ሀ አሳይ ታና ባንታ ዶናን ቦንቼስ፥ ሽን ኤንታ ዎዛናይ ታፐ ሃሆን ደኤስ።

አይሰይሳታ 10:6

ቃስካ እስራኤለ አሳይ ጎዳ ስንን ኢታባ ኦዶሶና። ኤንቲ ባኣለነ አስታሮታ ኤቃታ፥ ሶረ ፆሳታ፥ ስዶና ፆሳታ፥ ሞአበ ፆሳታ፥ አሞነ ፆሳታነ ፍልስፄመ ፆሳታ ጎይንዶሶና። ኤንቲ ጎዳ አጋግዶሶና፤ እያ ጎይንቦኮና።

1 Taarike 22:19

ህዛ ጎዳ ህንተ ፆሳ ኮያናዉ ህንተ ዎዛናነ ህንተ ሸምፑዋ እምተ። ጎዳ ሱንስ ኬፀትዳ ኬ ግዶን ጎዳ ጫቆ ታቦትያነ ፆሳ ጌሻ ሚሸታ ኤህድ ዎና መላ ደንድድ ጎዳ ፆሳ ኬ ኬፅተ” ያግስ።

Medhetethi 35:2

ሄሳ ግሾ፥ ያይቆብ ባ ሶ አሳነ እያራ ደኤይሳታ ኡባ፥ “ህንተ ግዶን ደእያ አላጋ ፆሳታ ድግተ። ህንተና ጌሽተ፥ ህንተ ማኡዋ ላምተ።

Hizqeela 18:31

ህንተ ኢታ ኦሱዋ ኡባ ዎራ የግድ፥ ኦራ ዎዛናነ ኦራ አያና ኤክተ። ህንተኖ፥ እስራኤለ አሳዉ፥ አይስ ሀይቄቲ?

1 Taarike 28:9

“ሶሎሞነ፥ ታ ናአዉ፥ ፆሳይ አሳ ዎዛናነ ቆፋ ኡባ ኤርያ ግሾ ነ አዋ ፆሳ ኤራ፤ ኩመ ዎዛናንነ ሸነን እያዉ ኦ። ኔኒ እያ ኮይኮ እ ነዉ በንታና፤ ሽን ኔኒ እያ አግኮ እ ነና መርናዉ አጋና።

Leemiso 16:1

አስ ባ ዎዛናን ሀልቼስ፤ ሽን ልከ ዛሮይ ጎዳፐ በንቴስ።

2 Taarike 19:3

ግዶሽን፥ አሼራ ኤቃ ምስለታ ቢታፈ ድግዳ ግሾነ ፆሳ ኮያናዉ ነ ዎዛና ጊግስዳ ግሾ ኔኒ ሎኦባ ኦዳሳ” ያግስ።

አይሰይሳታ 10:16

አላጋ ፆሳታ ባንታ ግዶፈ ድግድ፥ ጎዳ ጎይንዶሶና። ጎዳይ እስራኤለ አሳ ኡንኤተ በእድ ምሸትስ።

Hose 14:1

እስራኤለ አሳዉ፥ ህንተ ናጋራ ጋሶን በትድ ኩንድዳ ግሾ ሀእ ጎዳ፥ ህንተ ፆሳኮ ስምተ።

2 Taarike 30:19

ህገይ ኪተይሳዳ ሀይሳቲ ባንታና ጌሾናባ ግድኮካ ኤንቲ ነና ጎዳ፥ ባንታ አዋታ ፆሳ ኮያናዉ ባንታ ዎዛና ጊግስዳ ግሾ ነ ኤንታዉ አቶ ያጋ” ያግድ ዎስስ።

አይሰይሳታ 2:13

ቃስ ጎዳ አግድ፥ ባኣለነ አስታሮተ ኤቃ ጎይንዶሶና።

1 Sameela 31:10

ሳኦላ ኦላ ሚሽያ አስታሮተ ጌተትያ ኤንታ ማጫ ፆሰ ኬን ዎዶሶና። ሳኦላ አሀ ቤት-ሳና ካታማ ግምብያ ቦላ ምስማረን ሽድ ካቅዶሶና።

Iyyasu 13:31

ቃስ ጋላዳፐ ባጋነ ባሳነን ኦገ ካዎተስ ዋና ካታማ ግድዳ አስታሮተነ ኤድራአ ጌተትያ ካታማታ ጋኬስ። ሄ ኡባይ ምናሰ ናአ ማክራ ኮቻስ ኤንታ ኮቻን ኮቻን ጋክዳይሳ።

1 Kawota 11:33

ታኒ ሄሳ ኦያ ጋሶይ፥ ሶሎሞነይ ታና አግድ ስዶና ፆስዉ አስታሮቶ፥ ሞአበ ፆሳ ካሞሻነ አሞነ ፆሳ ሞሎካ ጎይንዳ ግሾሳ። ቃስ ታ ኦግያን ሄመቶና እፅዳ ግሾነ እያ አዋይ ዳዊቲ ኪተትዳይሳዳ ታ ዎጋነ ታ ህግያ ናጎና እፅዳ ግሾሳ።

Ermiyaasa 24:7

ታኒ ጎዳ ግድዳይሳ ኤንቲ ኤራና መላ ኤንታዉ ዎዛና እማና። ኤንቲ ባንታ ኩመ ዎዛናፐ ታኮ ስማናዉ ደእያ ግሾ፥ ኤንቲ ታ አሰ ግዳና፤ ታ ኤንታ ፆሰ ግዳና” ያጌስ።

Ermiyaasa 36:3

ታ ይሁዳ አሳ ቦላ ኤሀና ጋዳ ሀልችዳ ቦሻ ኡባ ስእድ፥ ኦን ኤር፥ ኤንቲ ባንታ ኢታ ኦሱዋፐ ስማና፤ ታ ኤንታ ናቁዋነ ኤንታ ናጋራ አቶ ጋና” ያግስ።

Hizqeela 14:6

“ሄሳ ግሾ፥ እስራኤለ አሳስ ሀይሳዳ ያጋዳ ኦዳ። ኡባ ሃርያ ጎዳይ ሀይሳዳ ያጌስ፤ ናጋራ ፓፅተ፤ ህንተ ኤቃ አግተ፤ ህንተ ቱና ኦሶ ኡባፈ ስምተ።

Zaaretho 4:29

ሽን ያን ደአሸ ነ ጎዳ፥ ነ ፆሳ ኮያና፤ ነ እያ ኩመ ዎዛናፐነ ኩመ ሸምፖፈ ኮይኮ ደማና።

አይሰይሳታ 2:11

ሄሳፈ ጉየ፥ እስራኤለ አሳይ ጎዳ ስንን ኢታባ ኦዶሶና፤ ባኣለ ኤቃ ምስለታ ጎይንዶሶና።

2 Kawota 17:39

ሄሳ አግድ፥ ጎዳ ህንተ ፆሳ ጎይንተ። ህንተ ሞርከታ ኡባፈ ህንተና አሻናይ ታና” ያግድ ኪትስ።

2 Kawota 23:15

እስራኤለ አሳ፥ ናጋራ ኦስስዳ ናባፃ ናአይ እዮርባም ቤተለን ቃ በሳን ጊግስዳ ያርሾ በሳ ካዎይ እዮስያስ ላልስ። ላልድ ሄ ያርሾ በሳ ሹቻታካ መንረድ፥ ለ ከስስ፤ አሼር ምስልያካ ፁግስ።

2 Taarike 20:33

ግዶሽን፥ ቃ ጎይኖ በሳታ ይስቤና፤ አሳይ ቡሮ ባ ኩመ ዎዛናን ባንታ አዋታ ፆሳኮ ስምቤና።

Ermiyaasa 4:1

ጎዳይ ያጌስ፥ “እስራኤለ አሳዉ፥ ስምኮ፥ ታኮ ስምተ። ህንተ ታና ሻትያ ህንተ ኤቃታ ታ ስንፈ ድግኮ፥ ታ ኦግያፐ ካረ ከዮና እፅኮ፥