1 Sameela 16:1 - ጌሻ ማፃፋ

¹ ጎዳይ ሳሜላኮ፥ “እስራኤለ ቦላ እ ካዎ ግዶና መላ ታኒ እፅዳ ሳኦላስ ኔኒ አዉደ ጋካናዉ ዬካይ? አነ ካጨን ዛይተ ኩንዳ ቤተለመ አድያ እሰየኮ ባ፤ ካዎ ግዳና መላ ታኒ እያ ናይታ ግዶፈ እሱዋ ዶራ ዎስ” ያግስ።

Geeshsha Maxaafa

¹ Goday Sameelako, “Isra7eele bolla I kawo gidonna mela taani ixida Saa7olas neeni awude gakanaw yeekay? Ane kacen zayte kunthada Beetelem addiya Isseyeko ba; kawo gidana mela taani iya nayta giddofe issuwa doora wothas” yaagis.

1 Sameela 16:1 Referans Kwoze

2 Kawota 9:1

ናበይ ኤልስ ናበታ ጩጋፐ እስ አስ ፄግድ፥ “ነ ማኡዋ ማአዳ፥ ፃሮ ዛይትያ ነ ኩሸን ኦይካዳ፥ ጋላዳን ደእያ ራሞታ ባ።

1 Sameela 15:23

ጌላተ ማሮ ናጋራ መላ፤ ቃስ ኦቶሮይ ኢታ ኤቃ ጎይኖ መላ። ኔኒ ጎዳ ቃላ እፅዳ ግሾ ጎዳይ ነ ካዎ ግዶና መላ እፅስ” ያግስ።

1 Sameela 15:35

ሳሜል ሀይቃና ጋካናዉ ሳኦላ በአናዉ ስሚድ ብቤና፥ ሽን ሳሜል ሳኦላ ግሾ ዬክስ። ሳኦላ እስራኤለ ቦላ ካዎ ኦዳይሳስ ጎዳይ አዛንስ።

Roome 15:12

ሄሳዳ እሳያስ፥ “እሰየ ኮቻፈ የለትያ እሶይ ያና፤ እ ካዎተ ኡባ ሃራና። ኤንቲ ባንታ ኡፋይሳ እያ ቦላ ዎና” ያጌስ።

1 Sameela 16:15

ሳኦላ አይለት፥ “ፆሳፈ ኪተትዳ ኢታ አያናይ ነና ዋይሴስ።

1 Sameela 10:1

ሄ ዎደ ሳሜል ትግያባራ ዛይተ ኤክድ፥ ሳኦላ ሁጰን ትይስ። ሳኦላ ዬርድ፥ ሀይሳዳ ያግስ፤ “ባ አሳ እስራኤለ ካለና መላ ጎዳይ ነና ትይስ።

1 Sameela 15:26

ሳሜል፥ “ታኒ ኔራ ስማዳ ቢከ፤ ኔኒ ጎዳ ቃላ እፅዳ ግሾ ነ እስራኤለ ቦላ ካዎ ግዶና መላ ጎዳይ እፅስ” ያግስ።

1 Sameela 9:16

“ዎንቶ ሀኖደ ብንያመ ቢታፈ እስ አስ ታ ኔኮ የዳና፤ እ ታ አሳ እስራኤለ ካለና መላ ትያ። እ ታ አሳ ፍልስፄመ ኩሸፐ አሻና፤ ታ አሳ ዋሶይ ታኮ ጋክዳ ግሾ ታ ኤንታ በአስ” ያግስ።

1 Sameela 15:11

“ሳኦል ታና ካለይሳ አግድ፥ ታ ኪታ ናግቦና ግሾ፥ ታኒ ሳኦላ ካዎዳይሳን ቂሮታስ” ያግስ። ሳሜል ሄሳ ስእዳ ዎደ ኡንኤትድ ቃማ ኩመ ጎዳኮ ዋስስ።

Ermiyaasa 6:30

ጎዳይ ኤንታ የግድ አግዳ ግሾ፥ ኤንቲ የገትዳ ብራ ጌተታና” ያጌስ።

2 Kawota 9:6

እዩይ ደንድድ ሶ ገልን፥ ናበይ እያ ሁጰን ዛይተ ትግድ፥ “ጎዳይ እስራኤለ ፆሳይ፥ ነና ሀይሳዳ ያጌስ፥ ‘ኔኒ ጎዳ ደርያ፥ እስራኤለ ቦላ ካዎታና መላ ታኒ ነና ትያስ።

1 Sameela 16:23

ሄሳፈ ስምን፥ ፆሳፈ ኪተትዳ ኢታ አያናይ ሳኦላ ኦይክያ ዎደ ኡባን ዳዊቲ ዲ ኤክድ ዲፄስ። እ ዲፅያ ዎደ ኢታ አያናይ ሳኦላ የዴስነ እያዉ ሎኤስ።

Ermiyaasa 7:16

“ኤርምያሳ፥ ታ ስኦና ግሾ፥ ሀ አሳስ ዎሶፋ፤ ኤንታ ግሾ ታና ኦይቾፋ ዎይኮ ዋሶፋ፤ ኤንታዉ ጋናቶፓ።

Isayaasa 55:4

ሄኮ፥ ታኒ እያ ካዎተታስ ማርካ፥ ካለይሳነ ሀላቃ ኦስ።

Isayaasa 11:10

ሄ ዎደ እሰየ ፃጶይ አሳስ ማላ ግዳና፤ ካዎተ ኡባይ እያ ኮያና፤ እ ደእያ በሳይ ቦንቸታና።

2 Kawota 9:3

ሄሳፈ ጉየ፥ ፃሮ ዛይትያ ኤካዳ፥ እያ ሁጵያን ትጋዳ፥ ‘ነና እስራኤለ ቦላ ካዎ ኦ ትያና መላ ጎዳይ ታና ኪትስ’ ያጋ። ያታዳ ፐንግያ ዶያዳ፥ ኤለሳዳ ባቃታ” ያግስ።

1 ዮሃንሳ 5:16

ኦንካ ባ እሻይ ሀይቆ በሶና ናጋራ ኦሽን በእኮ፥ ፆሳ እያዉ ዎሳናዉ በሴስ። ሀይቆ በሶና ናጋራ ኦዳይሳታስ ፆሳይ ደኦ እማና። ሀይቆ በሲያ ናጋር ደኤስ። ታኒ ህንተና ሄሳስ ፆሳ ዎስተ ጊከ።

Ermiyaasa 15:1

ሄሳፈ ጉየ፥ ጎዳይ ታኮ ሀይሳዳ ያግስ፦ “ሀር አቶሽን ሙሰይነ ሳሜል ታ ስንን ኤቅድ ዎስያኮካ ታ ዎዛናይ ሀ አሳኮ ስመና። ኤንታ ታ ስንፈ ድጋ፤ ኤንቲ ቦ።

Ermiyaasa 11:14

“ኤርምያሳ፥ ሀ አሳስ ታና አይኮካ ዎሶፋ፤ ኤንታ ግሾ ጋናቶፓ ዎይኮ ኦይቾፋ። ኤንቲ ባንታ መቱዋ ጋላስ ታና ፄግያ ዎደ ታ ኤንታ ስእከ።

Isayaasa 11:1

እሰየ ዱሩማይ አጫና፤ እያ ፃጱዋፐ አይፍያ ታሸይ ከያና።

Ibraawe 11:32

ህዛ፥ ሀራ ታ አይ ጎ? ገድዮናባ፥ ባራቃባ፥ ሳምሶናባ፥ ዮፍታሄባ፥ ዳዊታባ፥ ሳሜላባ፥ ቃስ ናበታባ ኦዳናዉ ታዉ ዎደይ ግደና።

1 Kawota 8:16

‘ታኒ ታ አሳ፥ እስራኤለ ግብፀፈ ከስዳ ጋላሳፐ ዶምን፥ ታ ሱንይ እያን ዳና መላ ኬ ኬፃናዉ እስራኤለ ኮቻታ ግዶን እስ ካታማካ ዶራብከ። ሽን ታ አሳ እስራኤለ ካለና መላ ታኒ ዳዊታ ዶራስ’ ያግስ።

1 Taarike 11:3

እስራኤለ ጭማት ኡባይ ካዋ ዳዊታኮ ይዳ ዎደ እ ኤንታራ ከብሮናን ጎዳ ስንን ጫቅስ። ጎዳይ ሳሜላ ባጋራ ኦድዳ ቃላዳ ዳዊቲ እስራኤለ ቦላ ካዎታናዳ ኤንቲ እያ ትይዶሶና።

1 Taarike 28:4

ታኒ እስራኤለ ቦላ መርናዉ ካዎታናዳ፥ ጎዳይ እስራኤለ ፆሳይ ታ አዋ ሶፐ ታና ዶርስ። ካለናዳ ኮይሮ ይሁዳ ኮቻ ዶርስ፤ ይሁዳ ኮቻፈ ታ አዋ ሶ አሳ ዶርስ፤ ታ አዋ ናይታ ግዶፈ ታና ዶርድ እስራኤለ ኡባ ቦላ ካዎያናዉ ዶስስ።

Zakaryaasa 4:14

እ ዛሪድ፥ “ሀይሳቲ ሳአ ኡባ ጎዳስ ኦያ ናምኡ ትየትዳ አሳታ” ያግስ።

1 Sameela 17:12

ዳዊቲ ይሁዳ ቢታን ቤተለመን ደእያ ኤፍራታ አድያ እሰየ ናአ። እሰየስ ሆስፑን አደ ናይት ደኦሶና፤ ሳኦላ ካዎተ ላይን እሰየይ ዳሮ ላይ ደእዳ ጭማ።