1 Sameela 12:3 - ጌሻ ማፃፋ

³ ሄኮ፥ ታኒ ህንተ ስንን ኤቃስ፤ ጎዳ ስንንነ እ ትይዳ ካዋ ስንን ታ ቦላ ማርካትተ። ታኒ ኦደ ቦሩ ኤካድና? ኦደ ሀረ ኤካድና? ኦና ጭማድና? ኦና ኡንኤድና? በአሸ በኦናዳ ሀናናዉ ኦደፈ ዎፈ ኤካድና? ሀይሳታፐ እሱዋ ታኒ ኦዳባ ግድኮ ታዉ ኦድተ፤ ታ ቃንፃና” ያግስ።

Geeshsha Maxaafa

³ Heko, taani hinte sinthan eqas; Godaa sinthaninne I tiyida kawa sinthan ta bolla markatite. Taani oodde booru ekadina? Oodde hare ekadina? Oona cimmadina? Oona un7ethadina? Be7ashe be7onnaada hananaw oodefe wodhaafe ekadina? Haysatape issuwa taani oothidaba gidiko taw odite; ta qanxana” yaagis.

1 Sameela 12:3 Referans Kwoze

ሃዋሬታ ኦሱዋ 20:33

“ታኒ ኦደ ብራ ዎይኮ ዎርቃ ዎይኮ አፍላ አሞታብከ።

Taybo 16:15

ያትን፥ ሙሰይ ዳሮ ሀንቀትድ፥ ጎዳኮ፥ “ኔኒ ኤንታ ያርሹዋ ኤኮፋ፤ ታ ኤንታፈ እሱዋካ ቆሀብከ፤ ቃስ ሀር አቶሽን እስ ሀረካ ኤንታፈ ኤካብከ” ያግስ።

1 ጰፅሮሳ 5:2

ህንተ አዋተፈ ጋርሳን ደእያ ፆሳ ዉድያ ሄምተ። ፆሳይ ኮየይሳዳ ዶሳናፐ አትሽን፥ ኡንኤትድ ሄሞፍተ። ቃስ ሚሸ ኮሻን ግዶናሽን፥ ሀጋዛናዉ ደእያ ሎኦ ቆፋን ሄምተ።

1 Sameela 24:6

ዳዊቲ ባ አሳኮ፥ “ጎዳይ ትይዳ ካዋ፥ ታ ጎዳ ቦላ ታኒ ሄሳ ኦናይስ ዎይኮ እያ ቦላ ታ ኩሽያ ደንናይስ ታፐ ሃኮ፤ ጎዳይ ትይድ እያ ካዎስ” ያግስ።

Zaaretho 16:19

ፅሎ ፕርዳ ዎቢሶፓ፤ ሶምኦ በአዳ ማዶፋ፤ ዎፈ ኤኮፋ። ዎፈይ ጭንጫታ አይፍያ ቆቅሴስ፥ ፅሎታ ቃላ ጌላዬስ።

1 ተሰሎንቀ 2:10

ኑ ደኦይ ህንተ አማነይሳታ ማታንነ ፆሳ ስንን ጌሽ፥ ፅሎነ ቦረቶናይሳ ግደይሳስ ህንተ ማርካ።

1 Sameela 12:5

ሳሜል፥ “ህንተ ታ ኩሸን አይ ባላካ ደምቦናይሳ ጎዳይነ እ ትይዳ ካዎይ ሀች ህንተ ቦላ ማርካ” ያግስ። አሳይ፥ “ኤ፥ ፆሳይ ማርካ” ያግዶሶና።

1 Sameela 10:1

ሄ ዎደ ሳሜል ትግያባራ ዛይተ ኤክድ፥ ሳኦላ ሁጰን ትይስ። ሳኦላ ዬርድ፥ ሀይሳዳ ያግስ፤ “ባ አሳ እስራኤለ ካለና መላ ጎዳይ ነና ትይስ።

Kessa 23:8

ዎፈ ኤኮፋ፤ ዎፈይ ሱረ ፄልያ አሳ አይፈ ቆቅሴስ፥ ፅሎታ ፕርዳ ምርቄስ።

1 ተሰሎንቀ 2:5

ኑ ሚሸ ያርድ ዎርዶ ህንተና ሳቢሸ ህንተኮ ዮናይሳ ሎይድ ኤሬታ፤ ፆሳይ ኑስ ማርካ።

Kessa 20:17

“ነ ላግያ ኬ አሞቶፋ። ነ ላግያ ማችዉ፥ ዎይኮ እያ አይለታ፥ ዎይኮ እያ መህያ፥ ዎይኮ እያ ሀርያ፥ ዎይኮ እያዉ ደእያባ አይባካ አሞቶፋ” ያግስ።

Luqaasa 19:8

ግዶሽን፥ ዛክዮስ ኤቅድ ጎዳኮ፥ “ጎዳዉ፥ ሄኮ ታዉ ደእያ ሻሎ ኡባፈ ባጋ ማንቆታስ እማና። አሳፐ አይባካ ዎርዶን ባለዳ ኤክዳባ ግድኮ ኦይዱ ኩሸ ዛራና” ያግስ።

Maatosa 22:21

ኤንቲ፥ “ሮመ ካዎይሳ” ያግዶሶና። ያትን የሱሲ ኤንታኮ፥ “ህዛ፥ ካዋስ በሰይሳ ካዋስ፥ ፆሳስ በሰይሳ ፆሳስ እምተ” ያግስ።

Leeweta 6:4

ሄሳን ናጋራንቾ ግድድ በንትኮ፥ ካይስዳባ ዎይኮ ቦንቅዳባ ዎይኮ ሀዳራ ኤክዳባ ዎይኮ ይን ደምዳባ፥

Kessa 22:4

እ ካይስዳ መሄይ ፓፃ ደእሸ እያ ኩሸን በንትኮ፥ ቦር ዎይኮ ሀረ ዎይኮ ዶርሰ ግድኮ፥ እ ካይስዳይሳስ ናምኡ ኩሸ ጭጎ።

2 ቆሮንቶሳ 12:14

ታኒ ህንተኮ ባናዉ ጊገትሽን ሀይስ ታዉ ሄን። ታ ህንተናፐ አትሽን፥ ህንተዉ ደእያባ ኮዮና ግሾ ህንተና ዋይሳናዉ ኮይከ። የልዳይሳት ባንታ ናይታስ ሻሎ ምንጆሶናፐ አትሽን፥ ናይት ባንታና የልዳይሳታስ ሻሎ ምንጆኮና።

1 Sameela 2:35

ታ ዎዛናዳነ ታ ቆፋዳ ኦያ ታዉ አማነትያ ካህነ ደንና። ታኒ እያዉ አማነትዳ ሶ አስ እማና፤ ታኒ ትይዳ ካዋ ስንን ኤንቲ ኡባ ዎደ ኦና።

1 Sameela 12:4

ኤንቲ ዛሪድ፥ “ኔኒ ኑና ጭማባካ፤ ዎይኮ ኑና ኡንኤባካ፤ ነ ኦደ ኩሸፐ አይባካ ኤካባካ” ያግዶሶና።

Leemiso 15:27

ዎርዶን ዎ ደማናዉ አልያ አስ ባ ሶ አሳ ቦላ መቶ ኤሄስ፤ ሽን ዎፈ እፅያ አስ ደኦን ዳና።

Leeweta 6:5

ዎይኮ ዎርዶን ጫቅድ ኤክዳ ኩመ ሻሉዋ ጎዳስ ዛሮ። ቃስ ባ ናቆ ያርሹዋ ያርሽያ ጋላስ ባ ኤክዳባ ቦላ ፄታፐ ላታሙ ኩሸ ጉጅድ ሻሉዋ ጎዳስ እሞ።

1 Sameela 24:7

ዳዊቲ ሀይሳዳ ግድ፥ ሳኦላ ባ አሳን ቦሽሶና ድግስ። ሳኦል ጎንጎሉዋ ግዶፈ ከይድ ባ ኦግያ ብስ።

1 Sameela 24:11

ታ አዋዉ፥ ታ ኩሸን ደእያ ነ ማኡዋ ማጫራ ሀይሳ ፄላ። ነ ማኡዋ ማጫራፐ ቃንፃ ኤካስ፥ ሽን ነና ዎብከ። ታኒ ነና ቆሆናይሳነ ነ ቦላ ማካሎናይሳ አኬካ፤ ታኒ ነና ቆሀብከ፥ ሽን ኔኒ ታና ዎናዉ ሻንካታሳ።

1 Sameela 26:9

ሽን ዳዊቲ አብሳያኮ፥ “ኔኒ እያ ዎፓ፤ ጎዳይ ትይዳ ካዋ ቦላ ባ ኩሽያ ደንያ ኦናካ ጎዳይ ሴራና።

1 Sameela 26:11

ጎዳይ ትይዳ ካዋ ቦላ ታ ኩሽያ ደንናዳ ታና ጎዳይ ተቆ። አነ እያ ሁጰ ሶን ደእያ ቶራነ ሃ ኦይክያ ሚሽያ ኤክድ ቦስ” ያግስ።

2 Sameela 22:22

አይስ ጊኮ ታኒ ጎዳ ኦግያ ካላስ፤ ቃስ ታ ፆሳ አጋዳ ኢታ ኦብከ።

Nahime 5:11

ኤንታ ጎሻ፥ ዎይነነ ሻማሆ ዛይተ ጋድያነ ኬ ኡባ ኤንታዉ ዛርተ። ቃስ ሚሸፐ፥ ካፈ፥ ዎይነፐነ ዛይተፐ ህንተ ኤንታፈ ኤክዳ ፄታፐ እስ ኩሸ የሎ ኤክዳይሳ ኤለ ዛርተ” ያጋስ።

Mazmure 15:5

ባ ሚሽያ የሎን ታልኦናይ፥ ፅሎ አስ ቆሀናዉ ዎፈ ኤኮናይ፥ ሀይሳታ ኦያ ኡራይ መርናዉ ቃፀና።