1 ፅሞትዮሳ 3:16 - ጌሻ ማፃፋ

¹⁶ ኑ አማኑዋ ፁራይ ስይ ባይና ግታ። ክርስቶስ አሾ ማእድ ቆንጭስ፤ እያ ቱማተ ጌሻ አያናይ ማርካትስ። ኪታንቾታስ በንትስ፤ እ ካዎተ ኡባስ ሳባከትስ። አላመን ደእያ አሳን አማነትስ፤ ቦንቾን ሳሎ ኤከትስ።

Gofa New Testament

¹⁶ Nu ammanuwa xuuray sidhey baynna gita. Kiristtoosi asho ma7idi qonccis. Iya tumatethaa Geeshsha Ayyaanay markkattis. Kiitanchchotas benttis; I kawotetha ubbaas sabbakettis. Alamen de7iya asan ammanettis; bonchchon salo ekettis.

Geeshsha Maxaafa

¹⁶ Nu ammanuwa xuuray sidhey bayna gita. Kiristoosi asho ma7idi qoncis; Iya tumatethaa Geeshsha Ayyaanay markatis. Kiitanchotas bentis; I kawotetha ubbaas sabbaketis. Alamen de7iya asan ammanetis; bonchon salo eketis.

Ooratha Caaquwa Goofatho

¹⁶ Nu ammanuwa xuuray sidhey baynna gita. Kiristtoosi asho ma77idi qonccis; Iya tumatethaa Geeshsha Ayyaanay markkattis. Kiitanchchotas benttis; I kawotetha ubbaas sabbakettis. Alamen de7iya asan ammanettis; bonchchon salo ekettis.

ኦራ ጫቁዋ ጎፋ

¹⁶ ኑ ኣማኑዋ ፁራይ ሲይ ባይና ጊታ። ኪሪስቶሲ ኣሾ ማዒዲ ቆንጪስ፤ ኢያ ቱማቴ ጌሻ ኣያናይ ማርካቲስ። ኪታንቾታስ ቤንቲስ፤ ኢ ካዎቴ ኡባስ ሳባኬቲስ። ኣላሜን ዴዒያ ኣሳን ኣማኔቲስ፤ ቦንቾን ሳሎ ኤኬቲስ።

1 ፅሞትዮሳ 3:16 Referans Kwoze

Yohaanisa 1:14

ቃላይ አሰ ግድስ፤ አ ኬሀተነ ቱማ ኩምድ ኑ ግዶን ደእስ። እ አዋስ እስ ናኣ ግድድ ኤክዳ እያ ቦንቹዋ ኑኒ በእዳ።

Ibraawe 1:3

ናአይ ፆሳ ቦንቹዋ ጶለነ ኩመ ፆሳ ፆሳተ ኤክድ፥ ባ ዎልቃማ ቃላን ሀ አላምያ ካትስድ ኦይክስ። አሳ ኤንታ ናጋራፐ ጌሽዳፐ ጉየ ኡባፈ ቦላ ፆሳ ኡሻቻ ባጋን ሳሉዋን ኡትስ።

Marqoosa 16:19

ጎዳይ የሱሲ ታማረታራ ኦደትዳፐ ጉየ፥ ፑደ ሳሎ ከይስ፤ ፆሳፈ ኡሻቻ ባጋራ ኡትስ።

Roome 16:25

ጋላታይ ፆሳስ ግዶ። ታኒ፥ የሱስ ክርስቶሳባ ኦድያ ዎንገላ ቃላነ ዳሮ ዎደፐ ቆሰትድ ጋምእዳ ቱማተን፥ ፆሳይ ህንተና አማኖን ምንድ ኤሳናዉ ዳንዳኤስ።

Luqaasa 24:4

ኤንቲ ያን ኤቅድ አይብ ሀንደ ግድ ቆፕሽን አኬኮና ዳሮ ጶልያ አፍላ ማእዳ ናምኡ አሳት ኤንታ ማታን ኤቅዶሶና።

Qolaasiyasa 1:23

ህንተ፥ ህንተ አማኑዋን ቃፆና ምንድነ ፃጵድ ዳናዉ በሴስ። ህንተ ዎንገላ ቃላ ስእዳ ዎደ ኤክዳ ኡፋይሳ ምን ኦይክተ። ሄ ዎንገላይ ህንተ ስእዳይሳነ ቢታ ኡባን ሳባከትዳይሳ። ታ፥ ጳዉሎስካ ሀ ዎንገላስ ኦሳንቾ ግዳስ።

1 ዮሃንሳ 1:2

ሄ ደኦይ ቆንጭን፥ ኑኒ እያ በእድ፥ እያባ ማርካቶስ። አዋ ማታን ደእያ ኑስ ቆንጭዳ፥ መርና ደኡዋባ ህንተዉ አዋጆስ።

1 ጰፅሮሳ 3:22

እ ሳሎ ብድ ፆሳ ኡሻቻን ኡትድ፥ ኪታንቾታ፥ ማታ አዋታነ ዎልቃማታ ሃሬስ።

1 ጰፅሮሳ 1:12

ናበት ኦድዳ ትንብተይ ባንታዉ ግዶናሽን፥ ህንተዉ ግደይሳ ፆሳይ ህንተዉ ቆንጭስስ። ሀእ አሳይ ህንተዉ ኦድዳ ዎንገላ ሳሎፐ ኪተትዳ ጌሻ አያና ዎልቃን ህንተዉ ኦድዶሶና። ኪታንቾትካ ሄሳ በአናዉ አሞትዶሶና።

Isayaasa 9:6

ኑስ ናእ የለትስ! አደ ናእ ኑስ እመትስ! ካዎተ ማት እያ ሀሽያን ግዳና፤ እያ ሱንይ፥ “ማላልስያ ዞራንቾ፥ ዎልቃማ ፆሳ፥ መርና አዋ፥ ሳሮተ ሀላቃ” ጌተታና።

Qolaasiyasa 2:2

ታ ባፀትያ ጋሶይካ ኤንቲ ባንታ ዎዛናን ምንድ፥ ሲቆን ቃሸትድ፥ ፖሎ ግድዳ ኩመ አኬካ ዱረተ ደምድ ፆሳ ፁራ ክርስቶሳ ኤራና መላሳ።

Qolaasiyasa 1:27

ፆሳይ አይሁደ ግዶና አሳ ግዶን ሀ ፁራ ቦንቾ ዱረተ ቆንጭስስ። እካ ቦንቾ ኡፋይስ ግድዳ ህንተ ግዶን ደእያ ክርስቶሳ።

Qolaasiyasa 1:6

ህንተ ሄ ዎንገላ ስእዳ ዎደነ ፆሳ አ ኬሀተ ቱማ ሻክ ኤርዳ ዎደፐ ዶምድ ህንተ ግዶን ሀንዳይሳዳ ቢታ ኡባን ድጭሸነ አይፍሸ ደኤስ።

Luqaasa 22:43

ኪታንቾይ ሳሎፐ ቆንጭድ ምንስ።

Maatosa 3:16

የሱሲ ፃማቀትዳ መላ ሃፈ ከይስ። ኢራካ ሳሎይ ዶየትን ፆሳ አያናይ ሆለዳ ይሽን ቃስ ባ ቦላ ዎልአምድ ዎሽን በእስ።

1 ዮሃንሳ 3:5

ክርስቶስ አሳ ናጋራ ይሳናዉ ቆንጭዳይሳ ህንተ ኤሬታ፤ እያን ናጋር ባዋ።

Ibraawe 12:2

ኑ አማኑዋስ ኦገ ዶይዳይሳነ ኑ ዉርሰ ፖሉዋኮ ኑና ጋያ የሱሳ ቦላ ኑ አይፍያ ዎስ። የሱሲ ዎደፐ ደእያ ኡፋይሳ ግሾ ማስቃልያ ዋይያ ዳንዳእድ፥ ዬላ ሀይቁዋ ካድ፥ ፆሳፈ ኡሻቻ ባጋን ኡትስ።

1 ፅሞትዮሳ 3:9

አማኑዋ ፁራ ጌሻ ካሀን ናገይሳታ ግዳናዉ በሴስ።

Yohaanisa 20:12

ቦ ማኦ ማእዳ ናምኡ ኪታንቾት የሱሳ አሀይ ዝንእዳ በሳን እሶይ ሁጰሶራ ሀንኮይ ቶሆሶራ ኡትዳሽን በአሱ።

Maatosa 1:23

“ሄኮ ጌላእያ ቃንታና፤ አደ ናአ የላና፤ እያ ሱንይ አማኑኤላ” ጌተታና ጎይስ ፖለታና መላ ሀ ኡባይ ሀንስ። አማኑኤላ ገይሳስ ብርሸይ “ፆሳይ ኑራ ደኤስ” ጉሱ።

ዮሃኒሳ ቆንጬ 7:9

ሄሳፈ ጉየ፥ ኮቸ ኡባፈ፥ ካዎተ ኡባፈ፥ ያራ ኡባፈነ ዱማ ዱማ ዶናፐ ዛው ባይና ዳሮ አሳ በአስ። ሄ አሳይ ቦ ማኦ ማእድ፥ ዛምባ ሀይ ባንታ ኩሸን ኦይክድ፥ አራታ ስንንነ ዶርሳ ስንን ኤቅዶሶና።

1 ጰፅሮሳ 1:20

ፆሳይ አላመይ መታናፐ ካሰ ክርስቶሳ ዶርስ፥ ሽን ሀ ዉርሰ ዎድያን ክርስቶስ ህንተ ግሾ ቆንጭስ።

Ibraawe 7:7

ጉይ ግታን አንጀተይስ ፓላንና።

Efesoona 6:19

ታኒ ዎንገላ ፁራ ያሽ ባይና ቆንጭሳዳ ኦዳና መላ ፆሳይ ታዉ ቃላ እማና መላ ዎስተ።

Efesoona 1:9

ፆሳይ ባ ዶስዳይሳዳ ክርስቶሳ ባጋራ እያ ሸንያ ፁራ ኑ ኤራና መላ ኦስ።

Galatiya 4:4

ሽን ዎደይ ጋክዳ ዎደ ፆሳይ ህገፈ ጋርሳን፥ ማጫሳፐ የለትዳ ባ ናኣ ኪትስ።

1 ቆሮንቶሳ 15:47

ኮይሮ አዳመይ ቢታፈ መትዳ ቢታ አስ፤ ናምአን አዳመይ ሳሎፐ ይዳ ሳሎ አስ።

1 ቆሮንቶሳ 2:7

ሽን ኑኒ ኦድያ ጭንጨተይ፥ ዳሮ ዎደፐ ስን ፆሳይ ኑ ቦንቹዋስ ጊግስዳይሳነ ጌምድ ደእያ ፁራ ጭንጫተ።

Roome 10:18

ግዶሽን፥ እስራኤለ አሳይ ቃላ ስእቦኮና ጉሰዬ? አካይ፥ ስእዶሶና። ጌሻ ማፃፋን፥ “ኤንታ ቃላይ ቢታ ኡባን ስኤትስ፥ ኤንታ ኦዳይ ሳኣ ጋፃ ጋክስ” ያገትስ።

ሃዋሬታ ኦሱዋ 20:28

“ባ ናኣ ሱን ዎዝዳ ፆሳ ዎሳ ኬ ናግተ። ጌሻ አያናይ ህንተና ሀላቃ ኦድ ዶርዳ ዉድያስነ ህንተ ሁጵያስ ናገትተ።

Galatiya 2:8

ህዛ፥ ጰፅሮስ አይሁደታ ሀዋረ ግዳና መላ ኦዳ ፆሳይ፥ ታካ አይሁደ ግዶና አሳስ ሀዋረ ግዳና መላ ኦስ።

Roome 9:5

ኤንቲ የለተን ማይዛታ ኮቸ፤ ቃስ ክርስቶስ አሾን ኤንታ ኮቸ ግድድ ይስ። ኡባፈ ቦላ ግድዳ ፆሳይ መርናዉ ጋላተቶ። አምንእ!

ሃዋሬታ ኦሱዋ 10:34

ካልድካ፥ ጰፅሮስ፥ “ፆሳይ አሳ ሶምኦ በእድ አሰ አሳፐ ሻከና።

Roome 8:3

ኑ ናጋራ አሳተ ጋሶን፥ ህገይ ዳቡራንቾ ግድያ ግሾ ኑና አሻናዉ ዳንዳእቤና። ፆሳይ ባ ናኣ ናጋራንቾ አሳ ሌምሶን ናጋራስ ያርሾ ግዳና መላ ኪትድ ሄሳ ኦስ። ያትድ፥ ፆሳይ ክርስቶሳ አሹዋ ባጋራ ናጋራ፥ ናጋራንቾ አሳ ግዶን ፕርድስ።

ሃዋሬታ ኦሱዋ 14:27

አንፆከ ጋክዳ ዎደ ዎሳ ኬ አሳ ሺሽድ ፆሳይ ኤንታራ ኦዳ ኦሱዋ ኡባነ አይሁደ ግዶና አሳይ አማናና መላ ኤንታዉ ዋት ፐንገ ዶይዳኮ ኦድዶሶና።

Yohaanisa 16:28

ታኒ አዋ ማታፐ ሀ አላምያ ያስ፤ ቃስ አላምያ አጋዳ አዋኮ ባና” ያግስ።

Yohaanisa 13:3

የሱሲ አዋይ ኡባባ እያ ኩሸን ዎዳይሳ፥ እ ፆሳ ማታፐ ይዳይሳነ ስሚድ እያኮ ባናይሳ ኤርስ።

Luqaasa 24:51

ኤንታና አንጅሸ ኤንታፈ ሻከትድ ፑደ ሳሎ ኤከትስ።

ዮሃኒሳ ቆንጬ 17:7

ኪታንቾይ ታኮ፥ “ኔኒ አይስ ማላለታይ? ታኒ ነዉ ማጫሰ ፁራ ኦዳነ እያ ቶክዳ ላፑን ሁጰይነ ታሙ ካጨይ ደእያ ዶኣ ፁራ ኦዳ ኦዳና።

ዮሃኒሳ ቆንጬ 17:5

እ ሶምኦን ፁራ ኦሶ ብርሸይ ደእያ ሱንይ፥ “ግታ ባብሎነይ፥ ላይማተስነ ሳአን ደእያ ቱናባ ኡባስ አዮ” ግያ ፁፈይ ፃፈትድ ኡትስ።

Ibraawe 8:1

ኑኒ ሃሳያ ግታባይ ሄሳ። ሳሉዋን ኡባፈ ቦላ ፆሳ አራታፐ ኡሻቻ ባጋን ኡትዳ ሀይሳ መላ ካህነ ሀላቃይ ኑስ ደኤስ።

2 ታሰሎንቀ 2:7

አሳስ ቆንጭቦና ጌላተ ፁራ ዎልቃይ ሀእካ ኦስ፥ ሽን ሀእ እያ ተቀይስ ደኤስ። እያ ተቀይስ ኦገፐ ክቻና ጋካናዉ እ ቆንጨና።

2 ታሰሎንቀ 1:10

ሄ ጋላስ፥ እ ባ ጌሻ አሳንነ ባና አማንያ ኡባን ቦንቸታናዉነ ሳበታናዉ ያ ዎደ ኑ ህንተዉ ኦድዳ ኪታ ህንተ አማንዳ ግሾ፥ ህንተ እያ ቦንቸይሳታ ግዶንነ ሳበይሳታ ግዶን ዳና።

ሃዋሬታ ኦሱዋ 1:19

ይሁዳ ቦላ ሀንዳባ የሩሳላመን ደእያ አሳ ኡባይ ስእስ። ሄሳ ግሾ፥ ሄ ጋድያ ባንታ ቃላን አከልዳማ (ሱ ጋደ) ግድ ፄግዶሶና።

Yohaanisa 17:5

ሀእካ፥ አዋዉ፥ አላመይ መታናፐ ስን ነ ማታን ታዉ ደእያ ቦንቹዋን ታና ቦንቻ።

Yohaanisa 15:26

“አዋፐ ያ ቱማ ቆንጭስያ አያና ታ ህንተዉ ኪታና። እ ህንተና ምንና፥ ታባ ማርካታና።

Yohaanisa 6:62

ያትን፥ አሳ ናአይ ካሰ ደእያሱዋ ፑደ ከይሽን ህንተ በእድ ዎይጋንደቲ?

Luqaasa 2:32

ሄስካ ካዎተታ ኡባስ፥ ፆሳ ኦግያ ቆንጭስያ ፖኦ፥ ነ አሳ እስራኤለስካ ቦንቾ” ያግድ ፆሳ ጋላትስ።

Marqoosa 16:5

የሱሲ ሞገትዳ ዱፉዋ ግዶ ገልያ ዎደ እስ ፓን አደይ ቦ ማኦ ማእድ፥ ኡሻቻ ባጋራ ኡትዳይሳ በእድ ዳጋምዶሶና።

Marqoosa 1:13

የሱሲ መላ ቢታን ፃላሄን ፓጨትሸ ኦይታሙ ጋላስ ጋምእስ። ዶአታራ ደእስ፥ ሽን ኪታንቾት ይድ እያ ማድዶሶና።

Maatosa 28:2

ቆፖና ዎልቃማ ቢታ ቃፆይ ሀንስ። ጎዳ ኪታንቾይ ሳሎፐ ዎድ ዱፉዋ ዶናን ደእያ ሹቻ ጎንዶርስድ እያ ቦላ ኡትስ።

Maatosa 13:11

እ ዛሪድ፥ “ህንተዉ ሳሎ ካዎተ ፁራ ኤራይ እመትስ፥ ሽን ኤንታዉ እመትቤና።

Maatosa 4:11

ሄሳፈ ጉየ፥ ፃላሄይ አግድ ብስ፤ ኪታንቾት ይድ እያ ሀጋዝዶሶና።

Mikiyaasa 5:2

ጎዳይ፥ “ኤፍራታን ደእያ ቤተለመ ካታማዉ፥ ኔኒ ይሁዳ ካታማታ ግዶን ጉ፤ ሽን እያዉ ደንዶይ በንፐ ዶምድ፥ መርናዉ ግድዳይስ፥ እስራኤለ ሃራናይስ ታዉ ኔፐ ከያና” ያጌስ።

1 ጰፅሮሳ 3:18

ክርስቶስ ኑና ፆሳኮ ሺሻናዉ ባዉ ፅሎ ግድድ ደእሸ፥ ናጋራንቾታ ግሾ እስ ቶሆ ናጋራ ኡባስ ሀይቅስ፤ እ ባ አሳተን ሀይቅስ፥ ሽን አያናን ፓፅስ።

Isayaasa 7:14

ሄሳ ግሾ፥ ጎዳይ ባ ሁጰን ህንተዉ ማላ እማና፤ ጌላእያ ቃንታዳ አደ ናአ የላና፤ እያ ሱንካ አማኑኤላ ጋዳ ፄጋና።

Roome 10:12

እስ ፆሳይ ኡባ ጎዳ ግድያ ግሾ፥ አይሁደታ ግዶንነ አይሁደ ግዶና አሳ ግዶን ዱማተ ባዋ። እ ባና ፄግያ ኡባስ ዳሮ ኬሀ።

Roome 3:4

ድገና! አሳ ኡባይ ዎርዳንቾ ግድኮካ ፆሳይ ቱማ ግዶ። ጌሻ ማፃፋን፥ “ነ ቃላን ነ ፅላሳ፤ ነና ሞተይሳ ፕርዳን ላሳ” ጌተትድ ፃፈትስ።

Roome 16:26

ሽን ሀእ ሄ ቱማይ ቆንጭስ። ካዎተ ኡባይ አማንድ ኪተታና መላ መርና ፆሳ ኪታን ናበት ሄ ቱማባ ፃፍዶሶና።

2 ቆሮንቶሳ 1:19

ታኒ፥ ስላሰይነ ፅሞትዮስ ህንተዉ ማርካትዳ ፆሳ ናአይ፥ የሱስ ክርስቶሲ ኡባ ዎደ “ኤፐ” አትሽን፥ “ኤ” ነ “አካይ” ግደና።

1 ጰፅሮሳ 1:21

ህንተ አማኖይነ ህንተ ኡፋይሳይ ፆሳን ግዳና መላ እያ ሀይቆፐ ደንድ፥ ቦንችዳ ክርስቶሳ ባጋራ ፆሳን አማነታ።

1 ዮሃንሳ 3:8

ፃላሄይ ኮይሮፐ ናጋራ ኦዳ ግሾ ናጋራ ኡባ ዎደ ኦያ ኦንካ ፃላሄ ዳቦ። ሄሳ ግሾ፥ ፆሳ ናአይ ፃላሄ ኦሶ ይሳናዉ ቆንጭስ።

Luqaasa 20:44

“ህዛ፥ ዳዊቲ ክርስቶሳ፥ ‘ጎዳ ግድ ፄግሸ እያዉ ናአ ዋንድ ግዲ?’ ” ያግስ።