1 ተሰሎንቀ 5:4 - ጌሻ ማፃፋ

⁴ ሽን ኑ እሻቶ፥ ሄ ጋላሳይ ህንተዉ ካይሶይ የይሳዳ ያናዉ ህንተ ማን ደኤከታ።

Gofa New Testament

⁴ Shin nu ishato, he gallasay hinttew kaysoy yeyssada yaanaw hintte dhuman de7ekketa.

Geeshsha Maxaafa

⁴ Shin nu ishato, he gallasay hintew kaysoy yeysada yaanaw hinte dhuman de7eketa.

Ooratha Caaquwa Goofatho

⁴ Shin nu ishato, he gallasay hinttew kaysoy yeyssada yaanaw hintte dhuman de7ekketa.

ኦራ ጫቁዋ ጎፋ

⁴ ሺን ኑ ኢሻቶ፥ ሄ ጋላሳይ ሂንቴው ካይሶይ ዬይሳዳ ያናው ሂንቴ ማን ዴዔኬታ።

1 ተሰሎንቀ 5:4 Referans Kwoze

1 ዮሃንሳ 2:8

ግድኮካ፥ ክርስቶሳንነ ህንተናን ቱማ ግድድ ደእያ፥ ኦራ ኪታ ፃፋይስ። ማይ ክችን፥ ሀእ ቱማ ፖኦይ ፖኤስ።

2 ጰፅሮሳ 3:10

ሽን ጎዳ ጋላሳይ ካይሶዳ ያና። ሄ ጋላሳን ሳሎት ዎልቃማ ጉንን ያና፤ ሳሎ መተት ታማን ፁገታና፤ ሳእነ እያ ቦላ ደእያ ኡባይ ያና።

Qolaasiyasa 1:13

እ ኑና ማ ዎልቃፈ አሽድ ባ ዶስያ ናኣ ካዎተኮ ኤህስ።

Zakaryaasa 1:6

ግዶሽን፥ ናበታ፥ ታ አይለታ ባጋራ ታኒ ኦድዳ ኪታትነ ህገት ኡባይ ህንተ ማይዛታ ቦላ ጋክቤኔ? ያትን፥ ኤንቲ ባንታ ናጋራ ፓፅድ፥ “ኡባፈ ዎልቃማ ጎዳይ ኑ ኦግያዳነ ኑ ኦሱዋዳ ኑስ እማና ግዳይሳዳ ባ ኦሱዋ ኦስ” ያግዶሶና።

Hose 10:9

ጎዳይ፥ “እስራኤለ አሳዉ፥ ግብአን ህንተ ናጋራ ኦሶ ዶምዳ ዎድያፐ፥ ሀች ጋካናዉ ናጋራ ኦሶ አግበከታ። ሄሳ ግሾ፥ ኢታ ኦይሳታ ግብአን ኦል ዉርስቤኔ?

Ermiyaasa 42:16

ህንተ ያይዳ ኦላይ ግብፀን ህንተና ኦይካና፤ ህንተ ህርግዳ ኮሻይ ህንተና ካልድ ባና፤ ህንተ ያን ግብፀን ሀይቃና።

Zaaretho 28:45

ጎዳ፥ ነ ፆሳ፥ ነ ኪተቶና እፅዳ ግሾነ እያ ዎጋነ ህግያ ናጎና እፅዳ ግሾ፥ ነ ያና ጋካናዉ ሀ ባደት ኡባይ ነ ቦላ ዎና፤ ነና ኤንቲ የደና።

Zaaretho 28:15

ሽን ኔኒ ጎዳ፥ ነ ፆሳስ ኪተቶና እፃዳ፥ ሀች ታ ነና ኪትያ ዎጋነ ህግያ ኡባ ናጎና እፅኮ፥ ሀይሳፈ ካልድ ደእያ ባደት ኡባይ ነ ቦላ ያናነ ነና ደማና።

Zaaretho 19:6

ባቃትድ አትያ ካታማይ እስን ፃላላ ግድኮ፥ ዎዳ ኡራይ ኤሶን ዎፅድ ጋካናዉ ኦገይ አዱሰ ግድኮ፥ ሱ ዛርያ ማታ ዳቦይ ጎድ ጋክድ፥ ይሎን ደንድድ ሀይቃናዉ በሶና ኡራ ዎናዉ ዳንዳኤስ። እ ባ ላግያ ዎዳይ ካሰ ሞርከተ ደእያ ግሾ ግደና።

ዮሃኒሳ ቆንጬ 3:3

ህዛ፥ ነ ኤክዳባነ ስእዳባ አኬካ፤ ናጋ፤ ነ ናጋራፐ ስማ። ኔኒ ባርኮና እፅኮ ታ ካይሶዳ ያና፤ ታ አይ ዎደ ያነኮ ነ ኤራካ።

ሃዋሬታ ኦሱዋ 26:18

ኔኒ ኤንታ አይፍያ ዶያና፥ ማፐ ፖኦኮ፥ ፃላሄ ኩሸፐ ፆሳኮ ኤንታ ዛራና። ኤንቲ ታናን አማንድ ናጋራ አቶተ ኤካና። ፆሳይ ዶርዳ አሳ ግዶን ባንታ ላታ ደማና’ ያግስ።

Maatosa 10:15

ታ ህንተዉ ቱማ ኦዳይስ፤ ፆሳ ፕርዳ ጋላሳን ሄ ካታማፐ ሶዶመስነ ጋሞራ ካታማታስ ፕርዳይ ካዉያና።

Luqaasa 21:34

“ህዛ፥ ስ ባይና ደኦን፥ ኡሻ ዳሮንነ ዱሳባስ ኡንኤተን ህንተ ዎዛናይ ኦይከቶና መላነ ሄ ቃማይ አኬኮና ፅሄዳ ህንተ ቦላ ጋኮና መላ ናገትተ።

1 ተሰሎንቀ 5:2

ጎዳ ጋላሳይ ካይሶይ ቃማ የይሳዳ ያናይሳ ህንተ ሎይ ኤሬታ።

ዮሃኒሳ ቆንጬ 16:15

“ሄኮ፥ ታ ካይሶዳ ያና! አሳ ስንን ካሎቶናዳነ ዬላቶናዳ ባርክድ፥ ባ ማኡዋ ናግያ ኡራይ አንጀትዳይሳ!” ያግስ።