1 ተሰሎንቀ 5:12 - ጌሻ ማፃፋ

¹² ኑ እሻቶ፥ ህንተ ግዶን ኦይሳታ፥ ህንተና ካለና መላነ ዞራና መላ ጎዳይ ዶርዳይሳታ ቦንቻና መላ ህንተና ዎሶስ።

Gofa New Testament

¹² Nu ishato, hintte giddon ootheyssata, hinttena kaalethana melanne zorana mela Goday dooridayssata bonchchana mela hinttena woossos.

Geeshsha Maxaafa

¹² Nu ishato, hinte giddon ootheyisata, hintena kaalethana melanne zorana mela Goday dooridaysata bonchana mela hintena woossoos.

Ooratha Caaquwa Goofatho

¹² Nu ishato, hintte giddon ootheyssata, hinttena kaalethana melanne zorana mela Goday dooridayssata bonchchana mela hinttena woossos.

ኦራ ጫቁዋ ጎፋ

¹² ኑ ኢሻቶ፥ ሂንቴ ጊዶን ኦይሳታ፥ ሂንቴና ካሌና ሜላኔ ዞራና ሜላ ጎዳይ ዶሪዳይሳታ ቦንቻና ሜላ ሂንቴና ዎሶስ።

1 ተሰሎንቀ 5:12 Referans Kwoze

Ibraawe 13:17

ህንተና ካለይሳታስ ኪተትተ፤ ኤንቲ ግያባ ኦተ። ኤንቲ ባንታ ኦያባስ ፆሳ ስንን ኦይሸታናዉ ደእያ ግሾ፥ ህንተና ሄሞሶና። ህንተ ኤንታዉ ኪተትኮ፥ ባንታ ኦሱዋ ኡፋይትድ ኦና፤ ሄስ ሀኖና እፅኮ፥ ኤንቲ አዛንሸ ኦና፤ ሄስ ህንተና አይብባካ ማደና።

Ibraawe 13:7

ፆሳ ቃላ ኮይሮ ህንተዉ ኦድዳ ህንተና ካለይሳታ ቆፕተ። ኤንቲ ዋንድ ደእዳኮ ኤንታ ዱሳ በእድ ኤንታ አማኑዋ ካልተ።

1 ቆሮንቶሳ 16:18

ኤንቲ ህንተና ኡፋይስዳይሳዳ ታናካ ኡፋይስዶሶና። ሄሳ መላ አሳታ ዶጎፕተ።

1 ቆሮንቶሳ 16:16

ህንተካ ኤንታ መላ አሳስነ፥ ኤንታራ ኦሶን ዳቡርያ ኡባስ ኪተታና መላ ታ ህንተና ዎሳይስ።

1 ቆሮንቶሳ 15:10

ሽን ፆሳ አ ኬሀተን ታ ሀእ ግድዳይሳ ግዳስ፤ እ ታዉ እምዳ አ ኬሀተይ መላ አትቤና። ታኒ ሀንኮ ሀዋረታፐ አዳ ዳቡራስ። ሽን ታራ ደእያ ፆሳ አ ኬሀተይ ኦስፐ አትሽን፥ ታና ግድከ።

Tito 1:3

ኑና አሽያ ፆሳይ ባ ዎደን ሀ ኪታ ኦዳና መላ ታዉ ሀዳራ እሚስ።

1 ተሰሎንቀ 5:14

ኑ እሻቶ፥ ኑኒ ህንተና ዞሮስ። ቦዛታ ሀንቅተ፤ ባበይሳታ ምንተ፤ ዳቡራንቾታ ማድተ፤ አሰ ኡባ ዳንዳእተ።

1 ቆሮንቶሳ 12:28

ዎሳ ኬን ፆሳይ፥ ኮይሮ ሀዋረታ፥ ናምአን ናበታ፥ ሄን አስታማረታ፥ ካልድ ማላታ ኦይሳታ፥ ፓይሳታ፥ ሀራታ ማደይሳታ፥ ዎሳ ኬ አይሰይሳታነ፥ ዱማ ዱማ ዶናን ኦደተይሳታ ዎስ።

1 ቆሮንቶሳ 3:9

ኑኒ እስፈ ፆሳስ ኦያ እያ ኦሳንቾታ ግድያ ግሾ፥ ህንተ ፆሳ ሾቃ፤ ፆሳ ኬ።

ሃዋሬታ ኦሱዋ 20:35

ህንተ ሀይሳዳ ዳቡርድ ኦሸ ዳቡራንቾታ ማዳናይሳነ ጎዳ የሱሲ፥ ‘ኤከይሳፈ እመይስ አንጀትዳይሳ’ ግዳ ቃላ ህንተ ቆፓናዉ በሰይሳ ታኒ ህንተና ኡባባን በሳስ” ያግስ።

ሃዋሬታ ኦሱዋ 20:28

“ባ ናኣ ሱን ዎዝዳ ፆሳ ዎሳ ኬ ናግተ። ጌሻ አያናይ ህንተና ሀላቃ ኦድ ዶርዳ ዉድያስነ ህንተ ሁጵያስ ናገትተ።

Luqaasa 10:7

ኦሳንቾስ ዳሞዘ በሲያ ግሾ፥ ህንተ ገልዳ ኬን ህንተዉ ሺሽዳባ ኡባ ምሸነ ኡይሸ ያን ጋምእተ። እሱዋ ሶፐ እሱዋ ሶ ዩዮፕተ።

ዮሃኒሳ ቆንጬ 1:20

ኔኒ ታ ኡሻቻ ኩሸን በእዳ ላፑን ፆልንቶታነ ላፑን ዎርቃ ኮጫታ ብርሸይ ሀይሳ፦ ላፑን ፆልንቶት ላፑን ዎሳ ኬታ ኪታንቾታ፤ ላፑን ዎርቃ ኮጫት ላፑን ዎሳ ኬታ።”

Tito 1:5

ታኒ ነና ቃርፄሳን አጋዳ ይዳይ፥ ኔኒ አትዳባ ጊግሳናዳነ ታኒ ኪትዳይሳዳ ካታማ ኡባን ዎሳ ኬ ጭማታ ዶራና መላሳ።

2 ፅሞትዮሳ 2:6

ጎሻን ዳቡርያ ጎሻንቾይ ባ ዳቡራ አይፍያፐ ምያ ኮይሮ አስ ግዳናዉ በሴስ።

Qolaasiyasa 1:29

ፆሳይ ባ ግታ ዎልቃን ታናን ኦያ ግሾ፥ ሀእ ጋካናዉ እያ ዎልቃን ባፀታይስነ ዳቡራይስ።

ፍልጵስዩሳ 2:16

ደኦ እምያ ኪታ ኤንታዉ ኦድተ። ሄ ዎደ ታ ዳቡርሳይነ ታ ኦሶይ መላ አትቦና ግሾ፥ ክርስቶስ ያ ጋላስ ታ ህንተናን ጬቀታና።

Galatiya 4:11

ታና ህንተባይ ያሼስ፤ ታ ህንተዉ ጮ ዳቡራድናሻ?

2 ቆሮንቶሳ 11:23

ኤንቲ ክርስቶሳ ኦሳንቾ? ታኒ ጎሻ አሳዳ ኦዳይስ፥ ኤንታፈ አያ ክርስቶሳ ኦሳንቾ። ታኒ ኦሶን ዳሮ ዳቡራስ፤ ዳሮ ዎደ ቃሸታስ፤ ጋራፈታስ፤ ዳሮ ዎደ ሀይቆፐ አታስ።

2 ቆሮንቶሳ 6:1

ኑኒ ፆሳራ እስፈ ኦያ አስ ግደይሳዳ፥ ህንተ ኤክዳ አ ኬሀተ ሀዳ ኦና መላ ኑ ህንተና ዎሶስ።

2 ቆሮንቶሳ 5:9

ሄሳ ግሾ፥ ኑ ሀ አሳተን ደእን ዎይኮ ሀ አሳተፈ ሻከትን፥ ኑ አሞይ እያ ኡፋይሳናይሳ።

ዮሃኒሳ ቆንጬ 3:14

“ሎዶቀ ዎሳ ኬ ኪታንቹዋስ ሀይሳዳ ያጋዳ ፃፋ። አምንእ ግድዳ አማነትዳ ቱማ ማርካይ፥ ፆሳ መተ ሃረይስ ሀይሳዳ ያጌስ፦

ዮሃኒሳ ቆንጬ 3:7

“ፍላደልፍያ ዎሳ ኬ ኪታንቹዋስ ሀይሳዳ ያጋዳ ፃፋ። ጌሻይነ ቱማንቾይ፥ ዳዊታ ቁልፕያ ባ ኩሸን ኦይክዳይስ፥ ሀይሳዳ ያጌስ፦ እ ጎርድን ኦንካ ዶያናዉ ዳንዳኤና፤ ቃስ እ ዶይን ኦንካ ጎርዳናዉ ዳንዳኤና።

ዮሃኒሳ ቆንጬ 3:1

“ሳርዴሳ ዎሳ ኬ ኪታንቹዋስ ሀይሳዳ ያጋዳ ፃፋ። ላፑን ፆሳ አያናታነ ላፑን ፆልንቶታ ኦይክዳይስ ሀይሳዳ ያጌስ፦ ታኒ ነ ኦሱዋ ኤራይስ፤ አስ ነና ፓፃ ደኤስ ጊኮካ፥ ነ ሀይቃዳሳ።

ዮሃኒሳ ቆንጬ 2:18

“ትያትሮና ዎሳ ኬ ኪታንቹዋስ ሀይሳዳ ያጋዳ ፃፋ። ታማ ላጮ ዳንያ አይፈይ ደኤይስ፥ ቃስ ታማን ሴርዳ ናሰ ብራታ ዳንያ ቶሆይ ደኤይስ፥ ፆሳ ናአይ፥ ሀይሳዳ ያጌስ፦

ዮሃኒሳ ቆንጬ 2:12

“ጳርጋሞና ዎሳ ኬ ኪታንቹዋስ ሀይሳዳ ያጋዳ ፃፋ። ናምኡ ባጋራ ቃራትዳ ማሻይ ደኤይስ ሀይሳዳ ያጌስ፦

ዮሃኒሳ ቆንጬ 2:8

ሳምርኔሳ ዎሳ ኬ ኪታንቹዋስ ሀይሳዳ ያጋዳ ፃፋ። “ኮይሮይነ ዉርሰይ፥ ሀይቅዳይስነ ሀይቆፐ ደንድዳይስ ሀይሳዳ ያጌስ፦

ዮሃኒሳ ቆንጬ 2:3

ኔኒ ገንጫዳሳ፤ ታ ሱን ግሾ መቶ ዳንዳአዳሳ፤ ፆነታባካ።

1 ተሰሎንቀ 2:9

ኑ እሻቶ፥ ኑ ኦሱዋነ ኑ ዳቡራ ኤሬታ። ህንተዉ ፆሳ ዎንገላ ኦድሸ፥ ህንተና ዋይሶና መላ ቃማነ ጋላስ ኦዳ።

Yohaanisa 4:38

ህንተ ዳቡርቦናይሳ ሺሻና መላ ታኒ ህንተና ኪታስ። ሀራት ኦ ዳቡርዳሱዋን ገልድ ህንተ ኤንታ ዳቡራ አይፍያ ኤክደታ” ያግስ።

Tito 2:15

ኔኒ ሀይሳ ታማርሳ፤ ኩመ ማታን ዞራ፥ ሴራ፤ ኦንካ ነና ካፖ።

1 ፅሞትዮሳ 5:20

ሀራት ያያና መላ ናጋራ ኦያ ኦናካ አሳ ኡባ ስንን ሀንቀታ።

1 ፅሞትዮሳ 5:1

ጭማ አደታ ነ አዋዳ ቦንቻፈ አትሽን፥ ሀንቀቶፋ። ያላጋ አደታ ነ እሻዳ ኦዳ ፄላ።

ፍልጵስዩሳ 2:19

ታኒ ህንተ ደኡዋባ ስአዳ ኡፋይታናዉ ፅሞትዮሳ ህንተኮ ኤለሳዳ የዳና መላ ጎዳ የሱሲ ታና ማዳናይሳ አማነታይስ።

Roome 16:6

ህንተ ግሾ ኦሶን ዳሮ ዳቡርዳ ማይራሞ ሳሮ ጊተ።

Roome 16:12

ጎዳ ኦሱዋን ዳቡርያ ትሩፋይናነ ትሩፎሳ ሳሮ ጊተ። ቃስ ጎዳስ ዳሮ ዳቡራዳ ኦያ፥ ታ ዶስያ ፃርስዶ ሳሮ ጊተ።

1 ተሰሎንቀ 4:1

ዉርሰን፥ ታ እሻቶ፥ ፆሳ ኡፋይሳናዉ ህንተ ዋንድ ዳናዉ በሲያኮ ኑፐ ታማርደታ። ሄስ ህንተ ኮይሮፐ ደእዳ ደኡዋ፥ ሽን ሀእ ህንተ ካሰይሳፈ አድ ኦናዳ ጎዳ የሱሳ ሱንን ህንተና ዎሶስነ ዞሮስ።