1 ጰፅሮሳ 2:12 - ጌሻ ማፃፋ

¹² አማኖና አሳይ ህንተና ኢታ ኦያ አሳዳ ዝግርያ ዎደ ፆሳይ ኑና በአናዉ ያ ጋላስ፥ ኤንቲ ህንተ ሎኦ ኦሱዋ በእድ ፆሳ ጋላታና መላ ህንተዉ ሎኦ ደኦይ ደኦ።

Gofa New Testament

¹² Ammanonna asay hinttena iita oothiya asada zigiryaa wode Xoossay nuna be7anaw yaa gallas, entti hintte lo77o oosuwa be7idi Xoossaa galatana mela hinttew lo77o de7oy de7o.

Geeshsha Maxaafa

¹² Ammanonna asay hintena iita oothiya asada zigirya wode Xoossay nuna be7anaw yaa gallas, enti hinte lo77o oosuwa be7idi Xoossaa galatana mela hintew lo77o de7oy de7o.

Ooratha Caaquwa Goofatho

¹² Ammanonna asay hinttena iita oothiya asada zigiryaa wode Xoossay nuna be7anaw yaa gallas, entti hintte lo77o oosuwa be7idi Xoossaa galatana mela hinttew lo77o de7oy de7o.

ኦራ ጫቁዋ ጎፋ

¹² ኣማኖና ኣሳይ ሂንቴና ኢታ ኦያ ኣሳዳ ዚጊርያ ዎዴ ፆሳይ ኑና ቤዓናው ያ ጋላስ፥ ኤንቲ ሂንቴ ሎዖ ኦሱዋ ቤዒዲ ፆሳ ጋላታና ሜላ ሂንቴው ሎዖ ዴዖይ ዴዖ።

1 ጰፅሮሳ 2:12 Referans Kwoze

1 ጰፅሮሳ 3:16

ቃስ ክርስቶሳን ህንተ ደእያ ሎኦ ደኡዋ ኢታባ ኦዳባዳ፥ ህንተና ጫይያ አሳይ ዝግርያባን ዬላታና መላ ህንተ ካሀይ ጌሽ ግዶ።

Maatosa 5:16

ሄሳ መላ አሳይ ህንተ ሎኦ ኦሱዋ በእድ፥ ሳሎን ደእያ ህንተ አዋ ቦንቻና መላ ህንተ ፖኦይ አሳ ስንን ፖኦ።

2 ቆሮንቶሳ 8:21

ኑኒ ጎዳ ስንን ፃላላ ግዶናሽን፥ አሳ ስንንካ ሎኦ ግድዳባ ኦስ።

1 ተሰሎንቀ 4:12

ሄሳዳ ሀንኮ፥ አማኖናይሳታ ማታን ህንተ ቦንቸታና፤ ቃስ ህንተና ኮሽያባስ ኦናካ አዳሸከታ።

1 ፅሞትዮሳ 4:12

ኔኒ ያላጋ ግድያ ግሾ፥ ነና ኦንካ ካፖ። ሽን አማነይሳታስ ኔኒ ኦዳን፥ ኦሶን፥ ሲቆን፥ አማኖንነ ጌሻተን ሌምሶ ግዳ።

Yayqooba 3:13

ህንተ ግዶን ጭንጭነ አኬካንቾይ ኦኔ? ባ ሎኦ ደኡዋ፥ አሽከተንነ ጭንጫተን ኦሰትዳ ኦሶን በሶ።

ፍልጵስዩሳ 1:27

ኡባፈ አድ፥ ህንተ ክርስቶሳ ዎንገላስ ቦንቾ ኤህያ ደኦ ደእተ። ታ ህንተና በእን ዎይኮ በኦና እፅን፥ ህንተ እስ ቆፋን ምን ኤቅድ፥ ሀራት ዎንገላን አማናና መላ እስ ዎዛናን ግድድ እስፈ ባፀተይሳ ታ ስአና።

2 ቆሮንቶሳ 1:12

ኑኒ ኑ ጌሻ ካሀን ጬቀቶስ። ኑኒ ሀ አላምያን ደእዳ ደኡዋን ኡባራካ ህንተራ ኑ ደእዳ ደኡዋን ቱማተንነ ሱረተን ህንተራ ደእዳ። ሄስካ፥ ሀ አላምያ ጭንጫተን ግዶናሽን፥ ፆሳ አ ኬሀተና።

2 ጰፅሮሳ 3:11

ህዛ፥ ኡባባይ ሄሳዳ ሀንዳ ይያባ ግድኮ ህንተ አይ መላ አስ ግዳናዉ በሲ? ህንተ ጌሽነ ፆሳ ዳንያ ደኦ ዳናዉ በሴስ።

Roome 13:13

አነ ጋላስ ፖኦን ደእያ አሳዳ ማራን ደኦስ። ማንነ ላይማተራ ጋሄትያ ዱማ ዱማ ቱና ኦሶታን፥ ፓላማንነ ቃናተን ግዶፖ።

Roome 12:17

ኦንካ ህንተዉ ኢታባ ኦኮ፥ ሄ ኡራስ ኢታ ዛሮፕተ። አሳ ኡባ ስንን ናሽስያ ሎኦ ኦሶ ኦተ።

Ibraawe 13:18

ኑስ ፆሳ ዎስተ። ኑ ካሀይ ጌሽ፤ ኑ ኡባ ዎደ ሎኦባ ኦናዉ ኮዮስ።

1 ፅሞትዮሳ 2:2

ኑኒ ቱማ አያና ደኦንነ ጌሻተን ፆሳ ጎይንሸ ሳሮተንነ ዎፑ ግዳ ደኦን ዳና መላ ካዎታስነ ሹማታ ኡባስ ዎስተ።

ፍልጵስዩሳ 4:8

ዉርሰን፥ ታ እሻቶ፥ ህንተ ዎዛናን ሎኦባነ ጋላትስያባ ቆፕተ። ቱማ ግድያባ ኡባ፥ ቦንቾባ ኡባ፥ ቆሆ ግዶናባ ኡባ፥ ጌሻባ ኡባ፥ ሲቆባ ኡባነ ኡፋይስያባ ኡባ ቆፕተ።

Efesoona 4:22

ህንተ ካሰ ደእዳ ደኦ ኦግያ አግተ። ቃስ ባ ጭምያ አሞን ይያ ህንተ ጬጋ አሳተ ድግተ።

Mazmure 50:23

ታዉ ጋላታ ያርሸይ ታና ቦንቼስ፤ ባ ኦግያ ሱርስዳ አሳስ ታኒ ፆሳ አቶተ በሳና” ያጌስ።

Ibraawe 13:5

ሚሸ ሲቆፐ ህንተና ናግተ፤ ህንተዉ ደእያባን አልተ። ፆሳይ፥ “ታኒ ነና ኡባራካ የግከ ዎይኮ አግከ” ያግስ።

Roome 15:9

ክርስቶስ አይሁደታ አይለ ግድዳ ሀራ ጋሶይ ቃስ አይሁደ ግዶና አሳት ፆሳ እያ ማሮተ ግሾ ጋላታና መላሳ። ጌሻ ማፃፋን፥ “ታ ነና አይሁደ ግዶና አሳ ግዶን ጋላታና፤ ነ ሱን ሳባና” ጌተትድ ፃፈትዳይሳዳ ሀንስ።

Luqaasa 19:44

ነናነ ነ ድርሳ ጋርሳን ደእያ ነ ናይታ ይሳና። እስ እስ ሹቹ ደንድ ላላና፥ አይስ ጊኮ ፆሳይ ነና አሻናዉ ያ ዎድያ ኤራባካ” ያግድ እዉ ዬክስ።

Maatosa 10:25

ታማረይ ባ አስታማርያ፥ አይለይ ባ ጎዳ ዳንኮ እያዉ ግዳና። ኬ ጎዳ ብኤል-ዘቡላ ጊኮ እያ ሶ አሳ ዋትድ ኢስድ ፄገኔ?

Maatosa 5:11

“አሳይ ህንተና ታ ግሾ ግድ ጫይያ ዎደ፥ ጎድያ ዎደነ ህንተ ቦላ ኢታባ ኡባ ዎርዶን ኦድስያ ዎደ ህንተ አንጀትዳይሳታ።

1 ጰፅሮሳ 4:11

የሱስ ክርስቶሳ ባጋራ ኡባባን ፆሳይ ጋላተታና መላ ኦንካ ኦድያባ ግድኮ ፆሳፈ ቃላ ኤክዳዳ ኦዶ። ቃስ ኦንካ ማድያባ ግድኮ ፆሳይ እያዉ እምያ ዎልቃዳ ማዶ። ቦንቾይነ ዎልቅ መርናፐ መርና ጋካናዉ እያዉ ግዶ። አምንእ።

Isayaasa 10:3

እ፥ ሃሆ ቢታፈ ያ መቱዋን ሴርያ ዎደ ህንተ ዋናኔ? ማዶ ደማናዉ ኦደኮ ባቃታኔ? ህንተ ሻሉዋ አዉን ቆታኔ?

Mazmure 37:14

ኢታ አሳት ማንቆታነ መቶታንቾታ ዎናዉ፥ ሱረ ሄመተይሳታ ሹካናዉ፥ ባንታ ማሻ ሾዶሶና፤ ባንታ ዶንግያ ዋፆሶና።

Efesoona 2:3

ኑ ኡባይካ ካሰ ሄ አሳታ ግዶን ኑ አሾ አሙዋነ ኑ ዎዛና ሸንያ ካልድ ደእዳ። ኑካ ሀራታ መላ ኑ መተን ፆሳ ሀንቁዋ ኤካናዉ ደኤይሳታ።

2 ቆሮንቶሳ 13:7

ህንተ ኢታባ ኦና መላ ኑኒ ፆሳ ዎሶስ። ኑኒ ምኖ ግደይሳ አሳይ በአና መላ ግዶናሽን፥ ኑኒ ምኖ ግዶና እፅኮካ፥ ህንተ ሎኦ ኦና መላ ኑኒ ዎሶስ።

1 ቆሮንቶሳ 14:25

ኤንቲ እያ ዎዛናን ጌምዳ ቆፋ ቆንጭሳና። ሄሳዳካ፥ “ቱማ ፆሳይ ህንተ ግዶን ደኤስ” ያግድ ማርካትድ፥ ጉፋንድ ፆሳስ ጎይናና።

ሃዋሬታ ኦሱዋ 24:13

ሀእካ ኤንቲ ታና ሞትያባስ ማርካ ደማናዉ ዳንዳኦኮና።

ሃዋሬታ ኦሱዋ 15:14

ፆሳይ አይሁደ ግዶናይሳታ ግዶፈ ባ አሰ ዶራናዉ ኮይድ ኤንታና ኮይሮ ዋትድ ቆፕዳኮ ስሞን ኦድስ።

Luqaasa 6:22

አሳይ ህንተና አሳ ናኣ ግሾ፥ እፅያ ዎደ፥ ህንተና ህልያ ዎደ፥ ህንተና ኤንቲ ቶችያ ዎደነ፥ ኢታ ሱን ኤንቲ ህንተዉ እምያ ዎደ ህንተ አንጀትዳይሳታ።

Luqaasa 1:68

“እስራኤለ ጎዳይ ጋላተቶ፥ ይድ ባ አሳ ዎዝስ።

Maatosa 9:8

ደረይ ሄሳ በእድ ማላለትዶሶና። ሄሳ መላ ማታ አሳስ እምዳ ፆሳ ጋላትዶሶና።

ሃዋሬታ ኦሱዋ 25:7

እ ይን የሩሳላመፐ ይዳ አይሁደት እያ ዩሹዋን ኤቅድ ኤንቲ ላናዉ ዳንዳኦና ዳሮ ዴፆ ሞቶ እያ ቦላ ሺሽዶሶና።

Daanela 6:4

ቢታ ሹማትነ ሀላቃት ዳነላ ሞታናዉ፥ እ አይስያ አይሱዋ ቦላ ባላ ደማናዉ ኮይዶሶና። ሽን እ፥ ባና ናግያነ አማነትዳ አስ ግድያ ግሾ፥ እያ ሞታናዉ እያ ቦላ አይ ባላካ ደምቦኮና።

Yohaanisa 13:31

ይሁድ ካረ ከይዳፐ ጉየ፥ የሱሲ፥ “ሀእ አሳ ናአይ ቦንቸትስ፤ ፆሳይካ እያ ባጋራ ቦንቸትስ።

ሃዋሬታ ኦሱዋ 28:22

ሽን ሀ ነ ካልያ አማኑዋ ዱማ ዱማ በሳን አሳይ እፀይሳ ኑኒ ኤርያ ግሾ ነ ቆፋ ስአናዉ ኮዮስ” ያግዶሶና።

Roome 14:18

ሄሳዳ ክርስቶሳስ ኦያ አስ ፆሳ ኡፋይሴስ፤ አሳንካ አንጀቴስ።

1 ፅሞትዮሳ 5:10

ናይታ ድሾን፥ እማ ሞኮን፥ ጌሻታ ቶሁዋ ሜቻን፥ መቶትያ አሳ ማደን፥ ሎኦ ኦሶ ኡባስ ባና አ እምዳሮነ ሎኦ ኦሶን ኤረትዳሮ ግዳናዉ በሴስ።

1 ጰፅሮሳ 2:15

ህንተ፥ ህንተ ሎኦ ኦሱዋን ኤሮና ኤያ አሳ ዶና ኦይናይስ ፆሳ ሸነ።

Uruuto 3:14

ሄሳ ግሾ፥ እያ ቦኤዛ ቶሆሶን ሳእ ዎንታና ጋካናዉ ዝንአዳ አቃሱ። ቦኤዝ፥ “ማጫስ ካ ሞ ይዳይሳ ኦንካ ኤሮፖ” ግዳ ግሾ ኡሩታ አስ አሰ ሻክድ ኤሮና ዎደ ዎንታ፥ ዳሮ ጉራ ደንዳሱ።