Roma Leta 1:2 - Wipi

^2-3 Ɨ God re get kena tɨrɨr yomnonj dɨde tina bageyam waina yɨm kena yɨna peband erɨkinonj onggɨt Tina B'ɨgamna b'ogɨl yɨrkokar bage yɨt gatab. Re onggɨt b'ɨgat rɨgaina b'usmurena nya yokatonj, sɨ ket ukendonj Dawidɨmna kus ke.

Roma Leta 1:2 Referans Kwoze

Tito Leta 1:2

Sɨ ɨdenat ton warɨm b'ogɨl ɨsma okatenyi dadal ngɨrpu kesa yɨrkokar gatab. Ɨ God yete re maka b'anygɨneneny, Ton kea b'ila nata tɨrɨr yomnonj onggɨtyam yɨrkokar okawam gar ke utkunda rɨga wa, re Ton maka gowukoi yotobarkonj.

Luk ma Peba 1:70

Odede na ɨt re rɨngmena re Ton get ke tɨrɨr omni yɨt akainonj Tina yɨna bageyam waina tugɨmɨnd pɨtapɨta omnenam.

Roma Leta 16:26

Ajɨ yu ɨtemb ket pɨta ainy bageyam waina ɨrɨki peba wa pɨlke rɨna re ngɨrpu kesa God engainonj ɨrɨkam, nokɨm da ɨdenat ton wumɨr tagoniny b'engabenga yɨtam rɨga wa gar ke utkunda ke okatam dɨde yɨmta undokam.

Roma Leta 3:21

Ajɨ yu God negɨr kesa dɨmdɨmjog mɨle pɨta yomneneny re ma Tina gog yɨt yɨmta undoka kae, ajɨ gar ke utkunda kae. Ɨ onggɨtyam negɨr kesa dɨmdɨmjog mɨle re kea kesam pebap, opi re gog peba dɨde bageyam waina pebap, yɨmjateneno rɨrɨrkɨp aukam.

Roma Leta 3:2

Ɨ opima Ju rɨga wa pɨlɨnd komkesa nya ke b'ogɨl gasa wekeny. Sɨ naskajog b'ogɨl gasa re ɨntemb jɨ da God ten nony ejainonj Tina yɨtkak towa yɨmɨnd oramitam.

Ɨtaikena Peba 10:43

Ɨ komkesa bageyamɨp toda kwa kea onggɨtyam Yesum gatab yɨr ungata yɨt usenena eyento da, ‘Komkesa rɨgap yepiya ra Tin gar ke utkunda ke okasi, God opima towaina negɨr mɨle awɨr tamnɨkainy Tina danda nyɨ ke.’”

Ɨtaikena Peba 26:6

King Agripa! Yu kon onyitenyɨn dɨde b'ɨsagɨka yokatenyɨn, mop nokɨp kon yɨpa warɨm b'ogɨl ɨsma yokatenyɨn. Sɨ ɨja emb jɨ yɨtkak. Naska God re kea nɨnda tɨrɨr yɨt aramisinonj sowaina b'uwar wa pɨlɨnd. Ɨngkenaemb sowaina twelp (12) gu rɨgap onggɨtyam tɨrɨr omni yɨt akatenento. Ɨ ton warɨm b'ogɨl ɨsma yokateno da God ma onggɨtyam tɨrɨr omni yɨt opima rɨrɨrkɨp taukanj, dɨde ket yɨr yungaeneno onggɨtyam warɨm b'ogɨl ɨsma rɨrɨrkɨp awowɨm. Sɨ onggɨt yɨr ungawand ton ket kupka gar ke Godɨnd yewangaeneno ita bibɨr dɨde sɨwɨny. Ɨ yu koda re ɨta onggɨtyam yɨpaina warɨm b'ogɨl ɨsma ɨmɨnjog ke yokatenyɨn. Sɨ onggɨt penaemb Ju rɨgap ken kot wa noramito dɨde kwa yu kon onyisɨn onggɨt b'ɨsagɨkapu pɨpmetɨnd.

Matayo ma Peba 1:22

Sɨ komkesa onggɨtyam mɨle aukɨto re nok mana da ɨdenat Yonggyamɨmna yɨtkak rɨrɨrkɨp tainy rɨna re yɨpa bageyamɨmna tugɨm ke yopulitonj da,

Ɨtaikena Peba 13:32

Ɨ sɨda kwa yu wa pɨlwa pɨtapɨta yomnenyu God ma b'ogɨl yɨrkokar bage yɨt rɨna re God sowaina b'uwar wa tɨrɨr yɨt akainonj.