Ouyawa Peba 18:9 - Wipi

⁹ “Ɨ gowukoi kingɨp kea ton kɨma negɨr b'iyena mɨle amnɨkenento dɨde b'ogɨl wulkɨp darɨnd wɨmena wuwenonj. Sɨ ra ton wul dɨmɨl b'ɨrmatena kɨma kimbra bungbung yɨr ongi dem tin embombɨnd, ton opima yii tiyagɨki dem dɨde gar kopa kɨma yii b'ɨtrɨnenanj dem.

Ouyawa Peba 18:9 Referans Kwoze

Ouyawa Peba 19:3

Ɨ ton ket nɨmogɨm ara wuwenonj da, “Aleluya! Sɨ tin so omni bungbung kimbra pumb wa yikeny re ngɨrpu kesa ngɨrpu kesa e.”

Ouyawa Peba 18:3

Mop nokɨp komkesa kantri onggɨtyam Godɨmna ukoi soro kɨma b'ɨsagɨkam ɨk kena pɨp aukɨto onggɨt konggamna negɨr b'iyena mɨle map. Ɨ kwa gowukoi kingɨp kea ton kɨma negɨr b'iyena mɨle amnɨkenento. Ɨ dɨde gowukoi b'asoga rɨgap toda kea onggɨtyam tina b'ogɨl wulkɨp darɨnd wɨmena danda ke jogjog gasa kɨma rɨga aukɨto.”

Ouyawa Peba 18:18

Ɨ ra ton ɨtemb taun so omni kimbra yɨr ongi dem, ton opima unena kɨma ara tuweny dem da, ‘Rɨka ɨta yɨpa odede ukoijog taun yɨbɨm?’

Ouyawa Peba 17:2

Sɨ gowukoi kingɨp kea onggɨt kongga kɨma negɨr b'iyena mɨle yomnɨkeneno. Ɨ gowukoi wɨmena rɨgap toda kwa kea ton kɨma negɨr b'iyena mɨle ke ɨk pɨp aukenento.”

Ouyawa Peba 18:20

Sɨ pumb tungg ɨ yɨna rɨga ɨ ɨtmɨkitijog rɨga ɨ dɨde bageyam, wɨn b'ogla sam kɨma ngolengole aininam onggɨt taun gatab. Mop nokɨp Godte negɨr ma b'ɨsagɨka yoramis onggɨt taunɨm pɨlɨnd rɨja na re ton negɨr dɨde b'ɨdgotnena aramiteneninonj wa pɨlɨnd.”

Ouyawa Peba 14:11

Ɨ onggɨtyam towaina b'ɨdgotnena kimbra bungbung taukeneny ra ngɨrpu kesa ngɨrpu kesa e. Sɨ awɨr e kwa towanɨm wɨram ita bibɨr dɨde ita sɨwɨny yepim re kumsos yemkenenyi onggɨtyam tɨbam b'anggand dɨde tina aidolɨnd ɨ kwa towanɨm yepim re tina nyɨ kɨma mal yokatenyi.”

Ouyawa Peba 18:7

Ɨ wɨn ti ɨja na wogoninam b'ɨdgotnena dɨde yii b'ɨrɨnena rɨja na re ton b'ogɨl ɨnyomarenand wɨbnenenonj dɨde rɨja na re ton b'ogɨl wulkɨp darɨnd wɨmena wikenonj. Mop nokɨp ton tina garɨnd windenenonj odede b'asourena yɨt kɨma da, ‘Kon omisɨn re konggayam king en. Ɨ kon ma mik en, sɨ kon ma ɨta ngai yii b'ɨtrɨnenyɨn.’

Naskanyam Timote Leta 5:11

Ajɨ man b'ogla b'ɨtɨsaet sisɨl mik kongga nyɨ oramkam moina peband, mop nokɨp onggɨt wɨnɨnd ra ton towaina garɨnd pɨl b'asopaya singi tepɨndenanj, ton ɨta Kerisond kak ɨaenyi dɨde ket singi taenanj leo okatam.

Ouyawa Peba 2:22

Yɨr de, Kon ɨta tin pasɨnd toramisɨn, ɨ yepiya re ton kɨma gigɨr dɨde yɨgyɨg b'iyena mɨle amnɨkenento, Kon kwa opima ten ukoijog b'ɨdgotnena wa taramkinyɨn ra ton maka tengendanj onggɨtyam towaina omnɨki nenegɨr mɨle ke.