Nɨmogɨm Tesalonika Leta 1:6 - Wipi

⁶ Ɨ God re negɨr kesa dɨmdɨmjog b'ɨsagɨka rɨga e. Sɨ Ton opima ukoi b'ɨdgotnena ke rɨga mɨra tamniny dem yepim re wa pɨlɨnd ukoi b'ɨdgotnena aramitenenanj.

Nɨmogɨm Tesalonika Leta 1:6 Referans Kwoze

Kolosai Leta 3:25

Ɨ yet ra kaokao negɨr mɨle tamnɨkiny, ton ɨta mɨra takasiny dem onggɨtyam tina mɨle rɨrɨrɨnd rɨna re ton kaokao negɨr mɨle ke amnɨkinonj. Nokɨp God komkesa rɨga ɨsagɨka teyeniny dem ra yɨpa rɨrɨrkɨp im.

Ouyawa Peba 6:10

Ɨ ton unena kɨma ara wuwenonj da, “Komkesa Dandam Rɨgɨb Rɨga yete re yɨnayɨna dɨde ɨmɨnjog Yonggyam, sɨ rɨdede pae Man maka wanakana b'ɨsagɨka oramitenyɨt onggɨt gowukoi wɨmena rɨga wa pɨlɨnd, nokɨm da ɨdenat Madaka sowaina kus mɨrand ten tepoinyɨt?”

Ouyawa Peba 19:2

Mop nokɨp Tina b'ɨsagɨka re ɨmɨnjog im dɨde negɨr kesa dɨmdɨmjog im. Sɨ God kea negɨr ma b'ɨsagɨka yoramitonj onggɨt ukoi yiyagyiyag iyenapu konggam pɨlɨnd yet re gowukoi negɨr yomnɨkonj tina negɨr b'iyena mɨle ke. Sɨ God Tina wɨko rɨgaina kus mɨra omnam kea tin negɨr womnonj.”

Ouyawa Peba 18:20

Sɨ pumb tungg ɨ yɨna rɨga ɨ ɨtmɨkitijog rɨga ɨ dɨde bageyam, wɨn b'ogla sam kɨma ngolengole aininam onggɨt taun gatab. Mop nokɨp Godte negɨr ma b'ɨsagɨka yoramis onggɨt taunɨm pɨlɨnd rɨja na re ton negɨr dɨde b'ɨdgotnena aramiteneninonj wa pɨlɨnd.”

Ouyawa Peba 15:4

O Yonggyam, yete maka Moina nyɨ moga yuwaj? Ɨ yete maka Moina nyɨwɨm b'ogɨl ɨnyomarena yokau? Mop nokɨp Mantata yɨpaina yɨnayɨna. Ɨ komkesa yɨtam b'engabenga opima tui Mor pɨlwa dɨde ton opima kumsos Men metɨmki dem, mop nokɨp Moina negɨr kesa dɨmdɨmjog omnɨka mɨle re kea pɨta aukɨto.”

Ouyawa Peba 11:18

Ɨ gɨm b'engabenga rɨga soro im aukenenanj mop nokɨp Moina ukoi soro kɨma b'ɨsagɨkam dɨde kwa uj rɨga b'ɨsagɨkam wɨn re ɨtaemb ke ik. Sɨ ɨtemb jɨ wɨn, sɨ Man rɨrɨr et towa mɨra ogonam Moina wɨko rɨga bageyam wa ɨ yɨna rɨga wa ɨ dɨde Moina nyɨ moga uwada rɨga wa yepim re sobijog nyɨ rɨga dɨde ukoi nyɨ rɨga. Sɨ kwa ɨtemb jɨ wɨn, sɨ Man ten negɨr tamnɨkinyɨt yepiya re gowukoi negɨr yomnɨkeneno.”

Ouyawa Peba 18:24

Sɨ bageyam dɨde yɨna rɨga waina kus kea de onggɨt taunɨnd adarkɨto, ɨ kwa daka kea adarkɨto komkesa rɨgaina kus yena re onggɨt taunɨt uj tama na ipowa eyeneninonj onggɨt gowukoi wɨngɨrɨnd.”

Ibru Leta 6:10

Ɨ God re dɨmdɨmjog mɨle rɨga e. Sɨ Ton ma ɨta nony b'etɨdasiny waina b'asowa mɨle dɨde waina singi b'iyena mɨle rɨna re wɨn pɨtapɨta amnentondam Tina nyɨ map. Ɨ wɨn yɨna rɨga naskand yɨm akaenentondam dɨde yu yɨm akaenenindam re onggɨt singi b'iyena mɨle kaim.