Nɨmogɨm Korinto Leta 3:11 - Wipi

¹¹ Mop nokɨp onggɨtyam b'eomnenam gog yɨt ikonj re b'ogɨl ɨnyomarena kɨma na, ajɨ tidaka onggɨtyam ngɨrpu kesa wɨmenam yɨtkakɨm re ukoijog e b'ogɨl ɨnyomarena yɨbnau.

Nɨmogɨm Korinto Leta 3:11 Referans Kwoze

Ibru Leta 8:13

Ɨ God kea yogenayonj ɨtemb yɨmtanyam outɨnti tɨrɨr omnijog yɨt da sisɨlyam e. Sɨ onggɨt opurena ke God kea naskanyam outɨnti tɨrɨr omnijog yɨt kesamɨm yomnonj. Sɨ nangga na ra kesam tainy, ton ket kep auka yik re b'eomnena ma.

Nɨmogɨm Korinto Leta 4:1

Ɨ God kea sɨn kear nomninonj, sɨ ɨngkaimemb sɨn onggɨtyam Kerisomna wɨko omnɨka eyenindam. Sɨ onggɨt paemb sɨn ma opima danda kesa ainindam onggɨt wɨko omnɨka wɨngɨrɨnd.

Nɨmogɨm Korinto Leta 3:10

Mop nokɨp gog yɨt re b'ogɨl ɨnyomarena kɨma na yɨbnenonj, ajɨ re onggɨt sisɨl outɨnti tɨrɨr omnijog yɨtkakɨmna ukoijog b'ogɨl ɨnyomarena pɨta awonj, sɨ ɨdenatemb onggɨtyam gog yɨtɨmna b'ogɨl ɨnyomarena re kea b'eomnenonj.

Nɨmogɨm Korinto Leta 3:12

Sɨ onggɨt paemb sɨn onggɨt sisɨl tɨrɨr omnijog yɨtkakɨm pɨlke warɨm b'ogɨl ɨsma yokatenyu, ɨ ket sɨn moga kesa onggɨtyam gatab pɨtapɨta amnenindam.