Mak ma Peba 1:2 - Wipi

² Sɨ ɨja emb jɨ baptiso Yoan gatab ɨrɨki yɨbɨm bageyam Isayamna peband da, “Man yɨr de, ɨta kon koina bageyam ɨtmɨkisɨn dem mor naska nya wa. Tonte nya motngonjenau dem.

Mak ma Peba 1:2 Referans Kwoze

Luk ma Peba 1:76

Kor b'ɨga! Man ɨta pumbjog rɨgamna bageyam nyɨ okasɨt dem. Mop nokɨp man naska e meket dem Yonggyamɨmna nya ongonjenam, ɨ Ton ket mor kak kae yik dem.

Matayo ma Peba 11:10

Sɨ Yoan re onggɨtyam rɨga e ya gatab e odede yɨna peband ɨrɨki yɨbɨm da, ‘Yɨr, ɨta Koina bageyam ɨtmɨkisɨn dem Mor naska nya wa, yet ra Mor wɨp ke menon okas ɨ Mornɨm menonɨm nya motngonjenau dem.’

Luk ma Peba 1:70

Odede na ɨt re rɨngmena re Ton get ke tɨrɨr omni yɨt akainonj Tina yɨna bageyam waina tugɨmɨnd pɨtapɨta omnenam.

Matayo ma Peba 26:31

Ɨ onggɨt wɨnɨnd Yesu ket Tina b'auyaena rɨga amninonj da, “Yu sɨwɨny wɨn opima komkesa sap totekindam dor dɨde kak nɨtɨaya dor onggɨt mɨle map rɨnte ra tawɨk Kor pɨlɨnd, mop nokɨp yɨt ɨja emb jɨ ɨrɨki yɨbɨm yɨna peband da, ‘Kon ɨta onganjɨn dem mamoi yɨr ɨpka rɨga, sɨ ket opima mamoi bobo wetaweta b'ɨtkenanj dem.’

Luk ma Peba 18:31

Ɨ Yesu Tina twelp (12) ɨtmɨkitijog rɨga eominonj Tintawar wa, ɨ ket ten amninonj da, “Yɨr de, men menon yokasu re Yerusalem ma, ɨ amimemb de komkesa yɨtkak rɨrɨrkɨp taukanj dem rɨna re God bageyam waina yɨm ke erɨkinonj Rɨgamna B'ɨga gatab.

Matayo ma Peba 26:24

Sɨ b'ogɨl e Rɨgamna B'ɨga, Ton uj okas dem rɨngma re yɨna peband ɨrɨki yɨbɨm Ti gatab. Ajɨ onggɨt rɨgam yet ra Rɨgamna B'ɨgand tɨb yii dor, ukoi kear kɨma e tinɨm, nokɨp ton ukoijog bebɨg nate tau dem. Sɨ tinɨm keako b'ogɨl na jɨ rako ton maka ukendonj ti mogɨm kom ke.”

Matayo ma Peba 2:5

Ɨ ton ket mɨra yomno da, “Ama de Betleem taun wa Yuda eriyand, mop nokɨp yɨpa bageyam ɨja naemb jɨ yɨrɨkonj da,