Ibru Leta 4:7 - Wipi

⁷ Ɨ onggɨt kak ke re pɨnjog wɨn tetiyauto, Dawid yɨpa peba yɨrɨkonj. Ɨ onggɨt peband God b'usaya yɨpa bibɨr yobagendonj ogenaya da “yu” ɨ naska nata yindenonj da, “Yu ra wɨn Godɨnd nonykok utkundenya, wɨn goro waina gar rogɨlkak tamnɨkinam.”

Ibru Leta 4:7 Referans Kwoze

Ibru Leta 3:15

Sɨ yɨna pebat onggɨt gatab ɨja emb jɨ yindeny da, “Yu ra wɨn Godɨnd nonykok utkundenya, wɨn goro waina gar rogɨlkak tamnɨkinam odede rɨja na re Ju rɨgap soro kɨma bebɨg mɨle amnɨkenento.”

Matayo ma Peba 22:43

Seg Yesu ten amninonj da, “Sɨ re Yɨnayɨna Wɨngawɨnga b'imuronj Dawidɨm pɨlɨnd yɨt opurenam, ton kea odede yindonj da, ‘Yonggyam God yindeny kor Yonggyamɨm pɨlwa da, “Omite Koina yɨmjog yɨm tab ke juwai kɨma pɨpmetɨnd, ngɨrpu ra ket Kon Moina komkesa geja rɨga gou wa tamninyɨn dem dɨde taramisinyɨn dem Moina pɨs wɨrand Moina danda ondratenam towa kumbɨnd!” ’ Sɨ rɨdede pena Dawid ti Yonggyam ke Kerisond yogenayonj?

Ɨtaikena Peba 28:25

Ɨ ton towalenggyam towalenggyam Polɨmna yɨtkak gatab b'awaenena wuwenonj. Sɨ re ton momta wetaweta aukam aukɨto, Pol ket kikitum yɨtkak apulisinonj da, “Yɨnayɨna Wɨngawɨngat bageyam Isayamna tugɨm ke kea b'obogɨl apulisinonj mera b'uwar wa pɨlwa.

Ɨtaikena Peba 2:31

Sɨ ton re naska nata Kerisomna utnyita gatab yɨr yongonj, ton ket yindonj da, ‘God makwa ɨta Tina wɨngawɨnga ɨrar dem uj rɨga waina tungg wa, sɨ Tina jɨ makwa ɨta tɨtkɨk dem.’

Luk ma Peba 20:42

Mop nokɨp Dawid tilenggyam yindeny Ger peband da, ‘Yonggyam God yindeny kor Yonggyamɨm pɨlwa da, “Omite Koina yɨmjog yɨm tab ke juwai kɨma pɨpmetɨnd,

Mak ma Peba 12:36

Ajɨ re Yɨnayɨna Wɨngawɨnga Dawidɨm nony menamena yokawonj, sɨ Dawid Kerisom gatab yindonj tina tugɨmjog ke da, ‘Yonggyam God, kor Yonggyamɨm pɨlwa yindeny da, “Omite Koina yɨmjog yɨm tab ke juwai kɨma pɨpmetɨnd, ngɨrpu ra ket Kon Moina komkesa geja rɨga gou wa tamninyɨn dem dɨde taramisinyɨn dem Moina pɨs wɨrand moina danda ondratenam towa kumbɨnd!” ’

Ɨtaikena Peba 2:29

“Kor nany dɨde yɨngganwar! Kon b'ogɨl e moga kesa danda kɨma nitinjɨn wa pɨlwa mera b'u Dawidɨm gatab. Ton ke uj awonj, ɨ rɨgap gop wa yoramito, sɨ tina gopmet re ɨta yɨbɨm men kɨma ngɨrpu yu.