Ibru Leta 3:15 - Wipi

¹⁵ Sɨ yɨna pebat onggɨt gatab ɨja emb jɨ yindeny da, “Yu ra wɨn Godɨnd nonykok utkundenya, wɨn goro waina gar rogɨlkak tamnɨkinam odede rɨja na re Ju rɨgap soro kɨma bebɨg mɨle amnɨkenento.”

Ibru Leta 3:15 Referans Kwoze

Ibru Leta 10:38

Ajɨ Koina negɨr kesa dɨmdɨmjog rɨga re gar ke utkunda nena kae wɨmena okateny dem. Ɨ ra ton mogamoga kaknyakaknya ɨtendena yik, Kon ma ɨta tinɨm gar sam taenyɨn.”

Ibru Leta 10:29

Sɨ kesam peba wɨnɨnd gog yɨt erbeka rɨgap odede naemb jɨ ukoi bebɨg okatena teito. Sɨ wɨn b'obogɨl onggɨtyam mɨle gatab nonyɨk b'amdeninam. Ra yɨpa rɨgat Godɨmna B'ɨga Kerisond ɨsnawa kesa gou wa omneny, ɨ ra Tina outɨnti tɨrɨr omnijog mal kus yɨna kesa omneny rɨnggɨt kusɨt re tin yɨna yomnonj, ɨ dɨde ra wurar ogonayam Yɨnayɨna Wɨngawɨngand negɨr yɨt ke omneny, sɨ rɨdede ukoijog bebɨg im ton takasiny dem?

Ibru Leta 4:7

Ɨ onggɨt kak ke re pɨnjog wɨn tetiyauto, Dawid yɨpa peba yɨrɨkonj. Ɨ onggɨt peband God b'usaya yɨpa bibɨr yobagendonj ogenaya da “yu” ɨ naska nata yindenonj da, “Yu ra wɨn Godɨnd nonykok utkundenya, wɨn goro waina gar rogɨlkak tamnɨkinam.”