Ibru Leta 10:7 - Wipi

⁷ Ɨ Kon ket nindond da, ‘O God! Yɨr de, Kon kea netkond dɨkɨnd Moina singi omnɨkam, odede rɨngmim re yɨna peband ɨrɨki wekeny Kor gatab.’”

Ibru Leta 10:7 Referans Kwoze

Yoan ma Peba 4:34

Ɨ Yesu ket ten amninonj da, “God Ken nɨtmɨkitonj Tina singi wɨko omnɨkam dɨde undwatam. Sɨ ɨntemb jɨ Kornɨm owou.

Yoan ma Peba 6:38

Mop nokɨp Kon pumb tungg ke netkond re ma Koina singi omnɨka mana, ajɨ Tina singi omnɨka mana yet re Ken nɨtmɨkitonj.

Yoan ma Peba 5:30

“Ɨ Kon makwa rɨrɨr en Kolenggyam nanggamog mɨle omnɨkam. Sɨ Kon b'ɨsagɨka mɨle amnɨkeninyɨn ɨja ima rɨngma re Kon utkundenenyɨn Godɨm pɨlke. Sɨ Koina b'ɨsagɨka mɨle re negɨr kesa dɨmdɨmjog e, mop nokɨp Kon ma Koina singi mɨle e oraka yiyenyɨn ajɨ Tina singi mɨle e yet re Ken nɨtmɨkitonj.