Biblia Todo Logo
Bib sou entènèt

- Piblisite -




तीतुस 3:11 - Garhwali

11 किलैकि तुम लोग जणदा ही छाँ, कि इन्द्रयो मनखि सच्‍चै का बाटा बटि अलग ह्‍वे गै, अर इन पाप कैरिके ऊ खुद दोषी बणि गै।

Gade chapit la Kopi

गढवली नयो नियम

11 तुम यु जांणि ल्या कि इन आदिम जु जांणिबूजी के बुरै का बट्टा पर चलणु च, त वेका खुद का बुरा काम साबित करदींनि कि उ भंगारी च।

Gade chapit la Kopi




तीतुस 3:11
13 Referans Kwoze  

अर अगर जु हम सच्‍चा ज्ञान तैं पौण का बाद भि जाणि बुझि के पाप कना रौला, त ईं बात तैं जाणि ल्या कि फिर पापों से माफी पौणु खुणि कुई भि दुसरो बलिदान नि च।


दगड़्यों, हमुन सुणी कि हमरा इख बटि कुछ लोगु न ऐके तुमतै अपणी बातों का द्‍वारा भरमै, अर तुमरा मनों तैं बड़ी उळझण मा डालियेली। पर सुणा, हम तुमतै बतै देन्द्‍यां कि हमुन ऊं लोगु तैं इन्द्रयो कुई भि आदेस नि दे छौ।


“अर जु कुई भि वे पुत्र पर बिस्वास करदु, उ दोषी नि ठैरैये जालु, पर जु बिस्वास नि करदु, उ दोषी ठैरैये गै। किलैकि वेन परमेस्वर का इकलौता पुत्र पर बिस्वास नि कैरी।


तब वे मालिक न वेकू बोलि, ‘हे निकमा नौकर, मि तेरा बुलयां का मुताबिक तेरु न्याय करलु, जब त्वेतै पता छौ कि मि सक्‍त मनखि छौं, अर जख मि रखदु नि छौं उख बटि उठौन्दु अर जख मेरु बुतयूं नि उखे मि लवै करदु,


अर यू लोग गळत कमै करणु खुणि गळत शिक्षा सिखौन्दिन, अर इन शिक्षा देके यू लोग, परिवारों का सब लोगु को बिस्वास खतम कैरी देन्दिन, इन्द्रया लोगु की त बोलती बन्द कैरी देण चयेणी।


हे तीमुथियुस, तू यों सब बातों तैं बिस्वासी लोगु तैं याद करै दे। अर परमेस्वर तैं गवा माणी के ऊंतैं आदेस दे, कि यू लोग पवित्रशास्‍त्र का एक-एक शब्द का बानो बहसबाजी नि कैरा। किलैकि इन कैरिके कुई फैदा नि होन्दु, पर सुनण वळो का बिस्वास मा उळझण पोड़ि जान्दी अर ऊंका बिस्वास को नास ह्‍वे जान्दु।


अर अब हम या बात जणदा छां की नियम-कानून हमतै जु कुछ भि बतौन्दिन, वु सिरफ ऊं लोगु खुणि ही च जु नियम-कानूनों तैं मणदिन, ताकि ऊं लोगु की टुपटी बन्द ह्‍वे जौ। अर पिता परमेस्वर ही च जु की सब गळत काम करण वळा लोगु को न्याय करण वळु च।


तब पौलुस अर बरनबास न बड़ी हिम्मत से ऊंतैं जबाब देई, “या बात भौत जरुरी छै कि परमेस्वर को वचन सबसे पैलि तुमतै ही सुणये जान्दु। मगर जब तुम ही वेतैं नकरणा छाँ अर अफ तैं सदनि का जीवन का लैख नि समझद्‍यां, त सुणा, अब से हम दुसरि जाति का बीच मा परचार करणु कू जाणा छां।


पर फरीसी दल का लोगु न अर नियम-कानूनों तैं सिखौण वळो न वे बटि बपतिस्मा नि लेई। अर इन कैरिके ऊं खुणि परमेस्वर को जु मकसद छौ, वेतैं ऊंन नकारी दिनी।


अर वे सेनापति न एक इन चिठ्‍ठी लिखी, ज्यां मा इन लिख्यूं छौ कि,


अर यहूदी लोगु की मनगणत कथा पर, अर सच्‍चै का बाटा बटि भटक्यां लोगु का आदेसों पर ध्यान नि द्‍या।


Swiv nou:

Piblisite


Piblisite