तीतुस 2:6 - Garhwali

⁶ अर ठिक इन्‍नि ज्वान बैखों तैं भि समझौ, कि ऊ खुद पर काबू रखा।

गढवली नयो नियम

⁶ इन ही जवान आदमियों तैं भि समझाया कैर कि उ धीरजवान हूंनु।

तीतुस 2:6 Referans Kwoze

1 पतरस 5:5

अर ठिक इन्‍नि, हे ज्वान लोगु, तुम भि अध्यक्षों का अधीन मा रा, अर एक-दुसरा का दगड़ा मा नमर बरतौ रखा, किलैकि पवित्रशास्‍त्र मा इन लिख्यूं च कि, “परमेस्वर बड़ु मोन करण वळा लोगु का खिलाप मा रौन्दु, मगर दीन लोगु पर किरपा करदु।”

1 यूहन्ना 2:13

अर तुम जु ब्वे-बुबा छाँ मि तुम खुणि इलै लिखणु छौं, किलैकि तुम यीशु मसीह तैं जणद्‍यां, जु कि शुरुवात बटि च। अर तुम जु ज्वान छाँ, मि तुम खुणि इलै लिखणु छौं, किलैकि हम जणदा छाँ कि तुमुन शैतान पर जीत हासिल कैरियाली। अर मेरा प्यारा बच्‍चों, मि तुम खुणि इलै लिखणु छौं, किलैकि हम जणदा छां कि तुम पिता परमेस्वर तैं जणदा छाँ।

1 तीमुथियुस 5:1

अर मि त्वेतै इन भि बतै देन्दु, कि कै भि दाना-स्यांणा का दगड़ा मा सख्‍तै से पेस नि ऐ, पर ऊंतैं बुबा का जन समझि के प्यार से समझौ। अर ठिक उन्‍नि ज्वानों तैं भै समझि के समझौ, अर दानी जनानियों तैं अपणी माँ का जन समझि के, अर ज्वान जनानियों तैं बैंण समझि के ऊं बटि पवित्र मन से बात किया कैर।

1 थिस्सलुनीकी 5:6

इलै हमतै दुसरा लोगु का जन नि होण चयेणु, जु कि गैरी निन्द मा सियां छिन, बल्किन मा हमतै बिज्युं अर चौकस रौण चयेणु।