तीतुस 2:2 - Garhwali

² अर बुढ्या लोगु तैं तू इन समझौ कि ऊंको सभौ शान्त अर खुद पर काबू रखण वळु होण चयेणु। अर वु गम्भीर, अर समझदार अर प्यार करण वळु हो, अर ऊ बिस्वास मा अर सबर रखण मा भि मजबूत हो।

गढवली नयो नियम

² मण्डलि का दानों तैं अफ पर काबू रखण चयणु च, इन बरतौ कन चयणु च, कि लोग ऊंको सम्मान कैरा, अर समझदारी ल बरतौ कन चयणु च, ऊं तैं पिता परमेश्वर पर मजबूत विश्वास कन चयणु च, दुसरा लुखुं बट्टी सचै का दगड़ा प्रेम अर सहनशील हूंण चयणु च।

तीतुस 2:2 Referans Kwoze

गलातियों 5:23

दीन सभौ रखण, अर खुद तैं अपणा वस मा रखण, यों सब बातों को विरोध करण खुणि कुई भि नियम-कानून नि च।

1 पतरस 4:7

अर सब बातों को अन्त नजदीक ऐ गै, इलै खुद पर काबू रखा अर साफ सोच रखा, ताकि तुम सही तरीके से पिता परमेस्वर से प्रार्थना कैरी सैका।

1 तीमुथियुस 3:11

अर उन्‍नि बिस्वासी समुदाय की सेवा मा मदद करण वळो की जनानियां भि इन अच्छु जीवन बिता, ज्यां से की लोग ऊंको आदर-सम्मान कैरा। अर ऊ कै पर दोष लगौण वळी नि हो बल्किन शान्त सभौ की अर सब बातों मा बिस्वासयोग्य हो।

1 पतरस 5:8

चौकस अर बिज्यां रा, किलैकि तुमरो बैरी शैतान डुकरताळ मरण वळा शेर का जन च, जु कि इन ताक मा रौन्दु कि कब कैतैं फाड़ी के खै द्‍यो।

तीतुस 1:13

अर या बात बिल्कुल सच्‍चि च, इलै ऊं लोगु तैं ढंगल झिड़कणु रौ, ताकि ऊंको बिस्वास पक्‍कु ह्‍वे जौ।

1 तीमुथियुस 3:2

इलै एक अध्यक्ष इन जीवन ज्यो कि कुई भि वे पर दोष नि लगै सैको, अर वेकी एक ही घरवळी हो अर उ अपणा सरील तैं अपणा काबू मा रखण वळो हो, अर उ लोगु का दगड़ा मा अच्छु बरतौ कैरो। अर लोग वेको आदर-सम्मान कैरा, अर उ एक अच्छु जीवन ज्यो, अर उ मैमानदारी निभौण मा भि खूब हो, अर अच्छी शिक्षा देण वळो भि हो।

1 थिस्सलुनीकी 5:8

पर हम वु लोग छां, जु उज्याळु को जीवन जीणा छां इलै हमतै चौकस रौण चयेणु। हमतै लगातार यीशु पर बिस्वास करण चयेणु अर एक-दुसरा बटि प्यार करण चयेणु। तब यू हमरि हिफाजत एक कवच की तरौं करलु। अर बचयै जाण की ज्वा आस हमरि यीशु पर लगयीं च वेतैं देणु खुणि उ हमरि हैलमेट जन हिफाजत करलु।

रोमियों 12:3

अर ज्वा किरपा पिता परमेस्वर न मि पर कैरी, वेका मुताबिक मि तुमतै बतै देन्दु, कि तुम भि भौत कुछ छाँ इन दिखौणु खुणि तुम लोगु का समणि खुद तैं परगट नि कैरा, बल्किन मा जु बिस्वास पिता परमेस्वर न तुमतै सौंपी, वेका बारा मा ध्यान से सोच-विचार कैरा।

1 पतरस 1:13

इलै हे मेरा भै-बैंणो, चौकस रा, अर अपणी-अपणी अकल को इस्तेमाल कैरा, अर तयार रा। अर परमेस्वर की वीं किरपा पर यकीन रखा, ज्वा कि यीशु मसीह का परगट होण का बगत पर तुम पर होण वळी च।

1 कुरिन्थि 15:34

हे मेरा भै-बैंणो, जरा होस मा आ अर जु कुछ गळत च वेतैं करण छोड़ि द्‍या, किलैकि तुम मा बटि कुछ लोग इन छिन जु कि ईं बात तैं स्वीकार नि करदिन कि परमेस्वर मुरदो मा बटि ज्यून्द करलु। अर या बड़ा सरम की बात च, कि तुम मा बटि कुछ लोगु न अभि तक परमेस्वर तैं नि पछ्याणी।

2 पतरस 1:6

अर वे ज्ञान से तुम खुद तैं वस मा रखिल्या, फिर खुद तैं वस मा रखण से सबर रखण जणिल्या, अर सबर रखण से भक्‍ति करण आली,

तीतुस 2:7

अर तीतुस, तू खुद हर बात मा ऊंतैं एक अच्छु उदारण बणि के दिखौ। अर जै उपदेस तैं तू सिखैली, वामा तू गम्भीर अर खरु हो,

तीतुस 1:8

पर उ त मैमानों की सेवा-भगत करण वळु, अर भलै तैं पसन्द करण वळु, सबर रखण वळु, ठिक न्याय करण वळु हो, अर खुद पर वस रखण वळु, अर पवित्र हो।

1 तीमुथियुस 3:4

अर उ अपणा घौर परिवार को पालन-पोसण ढंगल करदु हो, अर अपणा बाल-बच्‍चों तैं अपणा अनुसासन मा रखदु हो। अर वेका बच्‍चा वेको पूरु आदर-सम्मान करदा हो।

1 तीमुथियुस 1:5

अर आदेस देके समझाणो को कारण यू च, कि हरेक बिस्वासी मनखि आपस मा प्यार से रौ। अर यू प्यार सच्‍चा मन, शुद्ध दिल अर सच्‍चा बिस्वास से होण चयेणु।

1 थिस्सलुनीकी 5:6

इलै हमतै दुसरा लोगु का जन नि होण चयेणु, जु कि गैरी निन्द मा सियां छिन, बल्किन मा हमतै बिज्युं अर चौकस रौण चयेणु।

फिलिप्पी 4:8

इलै हे मेरा भै-बैंणो, कुछ और बात भि छिन जु की सच्‍चि अर सोच-विचार करण का लैख छिन, अर यू वु बात छिन जु कि साफ अर पवित्र छिन अर यों बातों बटि प्यार किये जान्दु, अर यू खुश कैर देण वळी छिन, अर यों मा हरेक किसम का गुण पये जनदिन, अर यों बातों की तारीफ किये जान्दी, अर यू वु बात छिन जौं पर लगातार तुमतै अपणु ध्यान लगौण चयेणु।

2 कुरिन्थि 5:13

अर अगर जु हमतै अपणी सुद-बुद नि च त यू सब पिता परमेस्वर खुणि च, अर अगर जु हम चेत मा छां त वां से तुमतै ही फैदा च।

1 कुरिन्थि 9:25

अर हरेक उ मनखि जु दौड़ मा सामिल होण चान्दु, पैलि उ भौत मेनत करदु अर अपणी हरेक इच्छा तैं मरदु अर यू सब कुछ त उ जीतणु खुणि करदु, ताकि उ जीत का इनाम तैं पै सैको जैन एक दिन नास ह्‍वे जाण। मगर मि तुमतै बतै देन्दु कि हम बिस्वासी लोग सब कुछ पिता परमेस्वर खुणि करद्‍यां अर हमतै इन्द्रयो इनाम मिलण जैको नास कभि नि होण।

खास चेलों 24:25

अर जब पौलुस धरमी जीवन जीण का बारा मा, अर खुद तैं अपणा वश मा रखण का बारा मा, अर औण वळा न्याय का बारा मा बतौणु छौ, त फेलिक्स डौऽरी गै अर वेन बोलि, “अभि तू इख बटि चलि जा, अगर मौका मिललु त मि तुमतै बुलाणु खुणि रैबार भेजि द्‍यूलु।”

लूका 8:35

तब लोग जु कुछ ह्‍वे छौ वेतैं दिखण का बाना नगर बटि निकळि के यीशु का पास ऐनी। अर उख ऐके ऊंन वे मनखि तैं यीशु का खुटों का पास कपड़ा पैरि के अर चेतन बैठयूं देखि जै पर खबेस लग्यां छा, अर यू देखि के ऊ डौऽरी गैनी

मरकुस 5:15

अर ऊंन यीशु का पास ऐके वे मनखि तैं जैमा खबेसों की पलटण बैठि छै कपड़ा पैरि के अर चेतन बैठयूं देखि, अर यू देखि के ऊ लोग डौऽरी गैनी।

1 तीमुथियुस 3:8

अर उन्‍नि बिस्वासी समुदाय की सेवा मा मदद करण वळा सेवकों तैं इन होण चयेणु जौं को लोग आदर-सम्मान कैरा। अर वु दुई किसमे की बात करण वळु अर ना ही दरोळया, अर ना ही बुरा कामों बटि धन-दौलत कमाण की इच्छा रखण वळा हो।

1 तीमुथियुस 1:10

अर जु लोग दुसरो का दगड़ा मा सरील का गळत सम्बन्ध रखदिन, जन कि एक बैख दुसरा बैख का दगड़ा मा अर ठिक उन्‍नि एक जनानि दुसरि जनानि का दगड़ा मा सरील का सम्बन्ध रखदी हो, अर जु गुलाम लोगु तैं बिकौण को काम करदिन, झूठ्‍ठ बुल्दिन अर झूठ्‍ठी कसम खनदिन, अर जु लोग सच्‍चा उपदेस का विरोध मा जाळसाजि बणौन्दिन, इन्द्रया लोगु खुणि परमेस्वर का रैबर्या मूसा का द्‍वारा नियम-कानून दियूं च।

1 तीमुथियुस 1:14

अर मि पर प्रभु की किरपा भरपूरी से ह्‍वे, अर ईं किरपा का दगड़ा मा मितैं बिस्वास अर प्यार भि मिली, अर यू यीशु मसीह का दगड़ा मा जुड़यां रौण से मिली।

1 तीमुथियुस 5:1

अर मि त्वेतै इन भि बतै देन्दु, कि कै भि दाना-स्यांणा का दगड़ा मा सख्‍तै से पेस नि ऐ, पर ऊंतैं बुबा का जन समझि के प्यार से समझौ। अर ठिक उन्‍नि ज्वानों तैं भै समझि के समझौ, अर दानी जनानियों तैं अपणी माँ का जन समझि के, अर ज्वान जनानियों तैं बैंण समझि के ऊं बटि पवित्र मन से बात किया कैर।

फिलेमोन 1:9

मेरा प्यारा भै, मि त्वेसे भौत प्यार करदु इलै मि त्वेसे बिन्ती करदु कि मि पौलुस जु कि अब बुढ्या ह्‍वे ग्यों, मि यीशु मसीह का खातिर इख जेलखाना मा छौं।