तीतुस 1:10 - Garhwali

¹⁰ अर यू इलै जरुरी च, किलैकि भौत सा लोग छिन, जु आज्ञाओं तैं नि मणदिन अर बेमतलब की बात करदिन, धोखा देन्दिन, अर खास कैरिके यू ऊ यहूदी लोग छिन, जु इन सिखौन्दिन कि खतना का रिवाज तैं पूरा करण जरुरी च।

गढवली नयो नियम

¹⁰ मि यु इलै बुल्णु छों किलैकि, भौत सा लोग जु सही शिक्षा कु विरोध करला, उ जु क्रूरता की बकवास कन अर दुसरो तैं धोखा दींण, खास कैरी कै यहूदी लोग जु विश्वासी बंणि गैनी जु उद्धार कु खतना पर जोर दींदिनि,

तीतुस 1:10 Referans Kwoze

1 तीमुथियुस 1:6

अर यों बातों तैं छोड़ि के कुछ लोग भटकी गैनी, अर अब ऊंन फालतु बातों की शिक्षा देण शुरु कैरियाली।

1 यूहन्ना 4:1

हे मेरा प्यारा भै-बैंणो, हरेक आत्मा पर बिस्वास नि कैरा बल्किन मा हरेक आत्मा तैं परखा कि वा पिता परमेस्वर की तरफा बटि छैई च कि नि च, किलैकि भौत सा झूठ्‍ठा रैबर्या ईं दुनियां मा फैली गैनी।

गलातियों 2:4

मगर कुछ झूठ्‍ठा लोग जु कि लुकि-छिपी के सभा का बीच मा अयां छा, ऊंकी वजै से दिक्‍कत खड़ि ह्‍वे गै। अर वु ऊं जासूसों की तरौं छा, जु कि हमरि आजादी अर वे सम्बन्ध का बारा मा भौत अच्छे से जणदा छा, वु जणदा छा कि हम यीशु मसीह का द्‍वारा परमेस्वर का दगड़ा मा सम्बन्ध रखद्‍यां। अर वु लोग ईं आजादी तैं हम बटि छिनण चाणा छा, अर हमतै यहूदी नियम-कानूनों को गुलाम बणौण की पूरि कोसिस कना छा।

इफिसुस 4:14

अर औण वळा बगत मा हम बच्‍चों का जन नि रा, जु कि झूठ्‍ठा गुरु लोगु की चालाकी अर धोखा देण वळी बातों तैं सच्‍च समझदिन, अर अपणा जीवन मा स्वीकार कैरिके वेका मुताबिक चलदिन। मेरा दगड़्यों, इन्द्रया लोगु को बिस्वास समुन्दर की लैरों का जन च, जु कि इनै-उनै होणी रौनदिन।

याकूब 1:26

अगर कुई भि खुद तैं धरमी समझदु, अर अपणी जीब तैं अपणा वश मा नि रखदु, त उ खुद तैं धोखा देन्दु, अर वेको परमेस्वर की नजर मा धरमी बणण बेकार च।

2 तीमुथियुस 3:13

पर दुष्‍ट अर धोखा देण वळा बिगड़दी जाला, अर वु दुसरो तैं धोखा द्‍याला अर खुद भि धोखा खाला।

खास चेलों 11:2

अर जब पतरस यरूशलेम नगर मा ऐ, तब खतना कियां बिस्वासी लोग वेका दगड़ा मा वाद-विवाद करण लगि गैनी।

दिब्य दरस 2:14

“मगर फिर भि तुमरा खिलाप मा बुलणु खुणि मि मा कुछ ही बात छिन कि तुमरा बीच मा कुछ लोग इन्द्रया छिन जु कि बिलाम की शिक्षा तैं मणदिन, हाँ, बिलाम जैन राजा बालक तैं सिखै छौ कि कुछ इन कैर, ज्यां से कि इस्राएली लोग मूरतों का अगनै अरपण मा चड़ईं चीजों तैं खा, अर ऊं खुणि इन जाल बिछौ कि ऊंका नौना सरील का गळत सम्बन्ध तैं ही पूरु करण पर लग्यां रा।

दिब्य दरस 2:6

मगर फिर भि तुम मा एक अच्छी बात या च कि तुम निकुलइयों का दल का कामों से नफरत करद्‍यां, जौं से मि भि नफरत करदु।

1 यूहन्ना 2:18

हे मेरा बच्‍चों, यू त आखिरी को बगत च अर जन कि तुमुन सुण्यालि कि यीशु मसीह को विरोध करण वळु औण वळु च, अर अगर ईं बात का मुताबिक दिखै जौ त भौत सा लोग इन ऐ गैनी, जु कि यीशु मसीह को विरोध करदिन। अर यां से हमतै इन पता चलदु कि यू आखिरी को बगत च।

2 तीमुथियुस 4:4

अर सच्‍चै खुणि यू अपणा कन्दूड़ बुजी द्‍याला, पर यू लोग ऊं कथाओं पर अपणु मन लगाला जु मन से बणयै जनदिन।

1 तीमुथियुस 1:4

अर जु मनगणत कथा छिन, अर पितरों का नौ की लिस्ट जु कभि खतम नि होन्दी, यों पर वु मन नि लगा। किलैकि यों पर ध्यान देके बस घपरोळ ही होन्दु, अर यू लोग परमेस्वर की इच्छा पूरि नि करदिन जु की बिस्वास कैरिके होन्दु।

गलातियों 3:1

हे गलाति नगर का बिस्वासी लोगु, क्या तुम नासमझ छाँ अर कु च वु जैन तुम पर जादु कैरियाली? अरे, मिन त तुमतै यीशु मसीह का बारा मा इथगा अच्छे से बतै छौ, जन कि यीशु तैं तुमरि ही आंख्यों का समणि क्रूस पर चड़ये गै हो।

खास चेलों 20:29

अर मि जणदु छौं कि, मेरा जाण का बाद लोग खतरनाक भेड़िया का जन तुमरा बीच मा आला, अर गळत शिक्षा देके बिस्वासी समुदाय तैं भरमै द्‍याला।

खास चेलों 15:1

अर फिर यहूदिया मुलक बटि कुछ लोग अन्ताकिया नगर मा ऐनी, अर बिस्वासी भै-बैंणो तैं सिखौण लगि गैनी अर ऊंन बोलि, “सुणा, अगर तुम परमेस्वर का सेवक मूसा का दियां नियम-कानूनों का मुताबिक अगर खतना का रिवाज तैं पूरु नि करवैल्या, त तुम लोगु तैं बचयै नि जाण।”

खास चेलों 15:24

दगड़्यों, हमुन सुणी कि हमरा इख बटि कुछ लोगु न ऐके तुमतै अपणी बातों का द्‍वारा भरमै, अर तुमरा मनों तैं बड़ी उळझण मा डालियेली। पर सुणा, हम तुमतै बतै देन्द्‍यां कि हमुन ऊं लोगु तैं इन्द्रयो कुई भि आदेस नि दे छौ।

1 तीमुथियुस 1:9

अर हम यू भि जणद्‍यां, कि परमेस्वर का नियम-कानून धरमी लोगु खुणि नि दिये गैनी, पर ऊं लोगु खुणि दिये गैनी जु लोग नियम-कानूनों तैं नि मणदिन, अर अधिकारी लोगु की बात नि मणदिन, परमेस्वर को आदर-सम्मान नि करदिन, पाप करदिन, दुष्‍ट जीवन जीण वळा छिन, अर परमेस्वर की बातों तैं नि मणदिन, अर ब्वे-बबों तैं जान से मरण वळा, अर हत्या भि करदिन।

तीतुस 1:6

अर वे अध्यक्ष तैं तभि चुणी के ठैरैये जौ, जब उ निरदोष हो अर वेकी एक ही घरवळी हो। अर वेका बाल-बच्‍चा बिस्वासी हो, अर कै बात तैं नि मनण को दोष ऊं पर नि लग्यूं हो अर ना ही ऊंमा कुई जंगळि सभौ हो।

1 यूहन्ना 2:4

अर जु मनखि बुल्दु कि, “मि परमेस्वर तैं जाणि ग्यों,” अर फिर भि वेकी आज्ञाओं को पालन नि करदु, त समझि जा कि उ मनखि झूठ्‍ठु च अर वेमा कुई सच्‍चै नि च।

मत्ती 23:14

[हे शास्‍त्री अर फरीसी दल का लोगु, तुम बड़ा ढोंगि छाँ अर तुम पर हाय च, तुम लोगु तैं दिखौणु खुणि लम्बी-लम्बी प्रार्थना करद्‍यां, अर विधवा जनानियों तैं धोखा देके ऊंका घौरों तैं लूटी देन्दयां, इलै सुणा, तुमतै भौत बड़ु दण्ड मिललु।]